EDUCACIÓN

EDUCACIÓN
PRIMARIAY EBA
EDUCACIÓN INICIAL SECUNDARIA Y EBA
(Ciclo avanzado e
(Ciclo avanzado)
intermedio)
Atuqmantawan Chuqllu Qichwa allpakunapi
kawrawan uwiha
kunturmantawan uywaymanta
uyway

https://www.planetaradios.com/radios
-huancavelica/397/studio-1
 Qichwa allpakunapi kawrawan uwiha uyway

Qillqaq: Lázaro Pomahuallcca Cayhualla

Kawrawan uwihaqa manam allpanchikpi kaq uywakunachu.

Hawa llaqtamantam yuraq qara runakuna aparqamurqanku.
Chayna kachkaptinpas utqayllamanmi chiri urqukunaman,
rupaq allpakunaman yachakarqurqanku. Uywaqkunapas
mana ñakakuspallam kay uywakunawan uywanakuyta
qallaykurqanku. Aswan manayá kunankama uywaytaqa
yachankuchu. Kaymantam kunan ñawichanki.

Uchuy llaqtachapi kawsaspaykiqa kay uywakuna uywaqtaqa

qawarqankim. Huk llaqtakunaman illaspapas ñan
patankunapi, qala pampakunapi, waqtakunapi, urqukunapi
kawrakuna uwihakuna wischusqa mikuqta qawarqankich.
Kawrakunaqa quñi allpakunaman yachakasqam kanku,
uwihakunañataqmi chiri allpaman yachakasqa. Aychanrayku,
millwanrayku, lichinraykum uywanku. Ñawpa watakunapiqa
huk ayllullam pachaknintin pachaknintin uywakunata
michiqku. Chay watakunaqa allpaqa manam rakinasqachu
karqan, manam runayuqchu karqan. Manam pipas kayqa
ñuqapam nispa hapikuykuqkuchu. Chaymi maypipas
chukllata rurakuykuspanku qiwa tukunankama hawka
michikuqku. Qiwa tukurquptinqa huk allpaman tikraqku.
Kaynam killan killan urqukunapi muyuqku. Sapsikuna allpata
rakinakurqusqanmanta pacham chunka, iskay chunka, pichqa
chunka chay chayllataña uywaqku.

Kawra uwiha uywaytaqa manam yacharqankuchu, llutanpim

uywaqku. Atuqmanta, chinkananmanta, hukpa uywawan
mana chapukunallanmantam qawaqku. Puñusqan
kanchamantam mikunankupaq wischuqku, chisinkuytaqa
puñunankupaq kutichimuqku, kayllatam sapa punchaw
ruraqku.Uywakunaqa kikillankum tukuy punchaw
mikuyninkuta maskaqku. Kawrakunam maymanñapas
ustuspa tinriy tinriy kanankama mikuq.Qaqakunaman
sachakunam qispispam imatañapas mikuqku.
Uwihakunañataqmi puquy pachapiqa pampata qawaspalla
imaymana qurakunata maskaspan mikuqku, usya
pachakunapiñataqmi chaki turuqsukunata, chaki
panqakunata, chaki qiwakunata, chaki ichukunata
maskaspanku kawsaqku.

Puquy pachapiqa llullu qurakuna mikusqankuraykum

qichawan hapirqachikuspanku unquqku. Lliwa pampakunapi
mikuspankuñataqmi qallu qallutapas mikurquqku,
alikuyawan hapirqachikusqankuraykum saqlayaspanku
wañuqku.
Usya pachapiqa mana ancha mikuy kaptin qarachawan,
usawan, amakuwan hapirqachikuspanku saqlayaqku.
Hinaspapas mana kachi qarasqankurayku qullpaspanku
unquqku.

Michiqkunaqa uywankupa unquynin hampiytaqa manam

yachaqkuchu, chaymi iqunkunaqa wañuqku,
kallpayuqkunallam unquykunamanta qaliyaqku.

Kayna uywasqankuraykum chichu uywakuna

chichukuspapas sulluqkupuni. Uñachakunapas
supuyaspanku sasata wiñaqku. Miraspankupas unay
unayanmanta china uywakuna chichikuqku.

Kaynam kunankamapas, qichwa chala allpakunapi kawrawan

uwiha uyway kachkan. Allpakuna mana runayuqraq kaptinqa
uywakunaqa utqayllam miraqku chaymi pachaknintin
uywakunata michiqku.

Uywayuqkunaqa michiqkunaqa manam uywakuna imayna

uywayta yachankuchu harkayllam harkanku. Manam
uywakunapa unquynin hampiyta yachankuchu. Manam
mikuchiyta yachankuchu. Manam puñusqan wasitapas
allichankuchu. Puquy pachapiqa mitupim puñunku, usya
pachapiqa qasawan aytichikusqa puñullanku. Kayna
uywasqam uywakunaqa mana miranchu.

Kawrawan uwiha uywayqa yachaypaqmi chaymi kay

llamkaywan qullqichakuyta munaspaqa imayna uywayta
yachananchik.
Nawichayta tukurquspañataq kay ruraykunata ruray.

1.Imanasqataq kimsa rikchaq llimpiwan qillqasqa

rikurimuchkan?

Achalasqa kananpaq.

Riqsichina qillqasqapa sayaynintam riqsichin.

Riqsichina qillqasqapa purisqantam rakichkan.

Sapa llimpisqa qillqasqam huk willakuyta uywan.

2. Chumpiwan qillqasqapa sunqun imamantatq rimachkan?

3. Yanawan qillqasqapa sunqun imamantataq rimachkan?

4. Anqasqan qillqaswqapasunqun imamantataq rimachkan?

5.Riqsichina qillqasqapa sunqun imamantataq rimachkan.