NOMBRE DEL PROGRAMA: MANIFESTACIONES CULTURALES.

NUMERO DEL PROGRAMA: 4 (tsé)

TEMA: LA PEDIDA DE MANO (An konoxtalab)

DURACION: 30 minutos. (jun inik laju)

LENGUA: español, tènek y náhuatl. (Lab, tenek ani dhakcham ).

FECHA DE TRANSMISION:16/06/2021.

1.- OPERADOR RUBRICA DEL PROGRAMA.

An Instituto Nacional de los Pueblos Indígenas aní an XEANT

in kawintal an tènek in tejuemedhal in tiplabilchik an tènek
ani an dhakcham.

2.- LOCUTOR Tu léj ts’apnedhalchik jita its tana in ats’al an XEANT in

kawintal an tenek, ti tilomial a Candida Gordian Reyes jita its
pel i promotora ti va an Instituto Nacional de los Pueblos
Indigenas. Ashe a kichaj neets kí’j tilá an tiplab xi u tajnal tam
u koniab jun i tsikach aba ka tomkin lej teked, axe xi típláb u
tajnalak ti ba an kuenchalchik, xowe lej weits u tajnal yabats
lej jita in eyindhal axe xi típláb com an elel pok’elchik u
junkunal un adhik.

3.- OPERADOR Musical sube, baja y mantiene de fondo

4.- LOCUTOR An konoxtalab pel jun i ti’plab xi lé kin ulu aba neka watsín
in tomkintalab. axe xi típlab u tájnal ma ti biyal in tájál wan
lej bo inik i tamub, pó jats antsana jantod patal jalkunenek
jantini neets watel an tamub.

Aba ki tujchi, neets ki tila jantod ti tujey ashe shi tilab. Ti

bíyal, an tatalab jats jitaits neets kin ulú, jita nekin tsalpay
jita k’al ti neets kin tomkiy in kuitolil jaxtam okox in metal, in
alial jun i tsikach xi kin tsuu aba in tata le teked tomkid, jun i
tsikach xi lej kaknad sheets, jun shi u tojnal jats jita ja in
tsalpayal aba alwa kin tomikna an kuitol. Tamits neti jun kau
an tatalabchik aba neets ka kale ti junk aw kal in tata an
tsikach; tamja neets kin tilomiy in mimlabil aba kin ulu janto
 tom tsaynel neets kin nenchi in cumale in tilomial jaye an
kuitol,nekin exobchi nekin olchi aba neets kin konox an
tsikach ani pel jun i kaw shi yab kuaal kin ubatna. okox neets
ka k’ale ka tsabiyat jita neets ti cumpalab. tam tiw ka ultsists
neets kin olnaits in kawintal yabaye lej janto nekin nedha
nekin aychi ma ka kawin a tatalab ani kin ulu max in batsual
an kaw jau tan uldhanchame, max kin batsu tam nekin ulu
aba neets ka wichiy ti washik a kíchaj. kom tam ti biyal
jikedhachik in kúaal in tsakamil, kadpid ti kuiyad ani u cuiynal
aba kin astsake jaw u uxnal ani ka belcax kal jau u uxnal kal
in tata; tam ti tam yabak awits ka ku’eté ulu jita a l’e´ka
tomikna, jita neets kin uluj pela an tatalab yab in tajal max
in ku’aál i tumin o tsewantal jitaits k’a ulits okox jats kál ti
kúaal ka tomkin kom ja in lej belal aba max yab kin batsu an
konox yab alwa kákad ka olman an tsikax o yabats jita kin ela
aba kin tomikna.
5.- OPERADOR Musical sube, baja y mantiene de fondo música de la danza
del maíz).

6.- LOCUTOR Ti washik a k’ichaj in tata an kuitol u wichel tin kíma an

tsikash, po tam in nedhalits we I tsimad bocol, an tsiik ja, an
tsakám tsotsonits. xo tam ka ulkan tiwa tin k’ima an ts’ikach
wana xo nekin kaldha xo its an tsotson nekin tipoy we kal in
kumpale jats I le ki ulu an tsapnedhomtalab xi neets kin taja
tal bel tam neets ka ostba alta aba ka junkawin jantod ti
nekin neetsnanchi an kaw. junil an tatalabchik ne kin ulu aba
jay i kalel nekin lena ka konchin an tsikash junil nekin ulu aba
in l’e ka ts’abiyat laju tsab i kalel o junil nekin uchan aba kal
bo, o buk i kalel ka wichiy lejatits aba tin washik i kalel tam
pelits an odhomtalab kal an bolim.
tam pel i kidtal tam nish neets ka koniat an tatalab jay tin eb
ne ka kuajiy nish a kíchaj jita nekin kaniy max ne ka kuajiy in
tsutsmin , in istan, in bayilchik, in cumale cumpale neka
kaniat jita neets ka kuajiy aba kin atsa janto neets kin ulu ani
jantod neets ka jilkon an kaw aba takits janto kin wata talbel
tamits tana ti awits ka tawna an cuitol aba ka uchan janto in
tajal tana in odnaits an tsicash yab in beletna alwa. tam
jaxtam antsana ti patal u tsewayab kal an bolim ani kal patal
jawaits tom Kapnel ka uldha nish a k’ichaj.
7.- OPERADOR Sube música, baja y mantiene de fondo.

8.- LOCUTOR Tam kin baju a kichaj aba neets ka odajits an bolim tam an
cumpalabchik netsits ka jun kawin aba kin uluj jaiki neets ka
 tajan an tomkintalab. tam kin bajuwits a kichaj ka tomkin
tam ka taley tam neets kin tsejualiy an cumpalabchik ti ba
jun i ataj an bichow junti u nujuab i Kapnel aba ka
tsejualinchixin kal jau in chidhal, we utsalitschik ani tal bel u
ainalitschik.
tam ka taley an tomkintalab u tujel ti tojbibil aba ka tajan an
tomkintalab al in kimaj an ajatik u tajnal an
tejuemedhontalab ti ba in kima an ajatik, in bats’ual jun tsab
i tilab ani u jun kawitschik aba kin ulu jaiki neka tajan an
tomkintalab. tam ka taley an kijidtalab u kalelits tin kima an
kuitol jun ti co’yabits ts’ekad an Kapnel, we i kuatsam, bolim,
cape, an tsiik já , an tatalab in binal expid jaw in k’uaalchik
aba kin bina. tam u tsekab nish a kíchaj jun i pulich juta ti
neets ka bats’uat an it tomkinel k’al we i jom an sansariojits,
i wits. tal bel neka ketbajits an tomkinel aba ka exobchin
jantod ti k’u’al ka kuajiy.
Xo tam tomkidhits an ts’ikach yabaye nekin wita ka kal ti
kuajil in kima in tomkil, an kuitol jats xi neka k’ale ti kuajil tin
kima an tsikach buk a kichaj tam ka wateyits nish shi buk a
kichaj tam junil an tatalab neka junkun k’al in cumpale aba
ka kale kin tsabiy junil tin kima an tsikach aba kin andhaits
tin k’ima an kuitol.
Xo tam tomkidhits an ts’ikach yabaye nekin wita ka kal ti
kuajil in kima in tomkil, an kuitol jats xi neka k’ale ti kuajil tin
kima an tsikach buk a kichaj tam ka wateyits nish shi buk a
kichaj tam junil an tatalab neka junkun k’al in cumpale aba
ka kale kin tsabiy junil tin kima an tsikach aba kin andhaits
tin k’ima an kuitol.

9.- OPERADOR Musical sube, baja y mantiene de fondo música).

10.- LOCUTOR COMENTARIOS FINALES Y SE DESPIDE DEL PUBLICO

Tana i astamal junake i tilab shi tana in ko’yamal in alwatal a

Agustina Felix Hernandez aba tu ku tilpinchi jun tsab y kaw
ja in kuenchal ti Coaxocoyo,Tampamolon ani a Domingo
Santiago Natividad ti Xilim, Huehuetlan jita jaye tu tilpinchi
we in tsalapiljaw in kuaál dhayach.

I pidhal an kakanamal a Martha Flores Hernandez, a

Guadalupe Gonzalez Reyes jita tana tu ku tolmiyamal kal an
 kaw ani tu kanila aba ka atsa an XEANT in kawintal an tenek
ani an dhakcham.

Tu takialits ani tana tu jilal kal jun i alabel kanilab.

11.- OPERADOR Sube música 15 segundos, baja y sale.