Guyra'i ohapyrõguare ipy | Ymaguare Kaguare about:reader?url=http%3A%2F%2Fymaguarekaguare...

ymaguarekaguare.guarani.me

Guyra'i ohapyrõguare ipy | Ymaguare

Kaguare
Huber

5-6 Minuten

Ohai: Huber Meili | Omyatyrõ: Lilian Aliente

Chemandu’a chemitãme hakuete jave roguapy korapýpe ore róga

renondépe ha ore ru omombe’úmi oréve mombe’urã porãite peteĩ
guyra’i ohapyrõguare ipy rehegua. Jepéramo heta jey
rohendúmava’ekue upe mombe’urã, rovy’aitémi
rohenduramoiterõguáicha. Ha kóicha oñepyrũ…

1 von 6 18.07.2022, 16:49

Guyra'i ohapyrõguare ipy | Ymaguare Kaguare about:reader?url=http%3A%2F%2Fymaguarekaguare...

Guyra’i oguejy ita ári.

Ymaguare kaguare oikondajekoraka’e ka’aguýpe peteĩ guyra’i ovevéva

ápe ha pépe. Nachemandu’aporãvéima mba’eichagua guyrápa:
oiméne chakurru, guyraũ térã añumbíparaka’e. Upeichaháguinte peteĩ
ára kuarahy ojope mbareteve jave upe guyra’i oguejy peteĩ ita ári y’akã
rembe’ýpe hoy’umi hag̃ua.

Ha ndajeko ita hakuetera’e ha upévare ohapy guyra’i ipy.

—Áina, áina— he’íjekoraka’e ha hesayporopámavoi.

Ipochyeténdajekoraka’e ha upévare he’i itápe:

—Ajépa nde ita, neñañaite, mba’érepiko nde peichaite cherapy che

pýpe.

Upémarõ ita ombohovái chupe:

—Ndaha’éiko che, kuarahýniko pe iñañaitéva ombyakúva che ape,

ohapýva nde py.

Ohendúvo upéva oveve guyra’i yvate ohupytyha peve ha he’i

kuarahýpe:

—Ajépa nde kuarahy, neñañaite, rembyakúva ita ape, ohapýva che py.

Ha ndaje upémarõ kuarahy ombohovái chupe:

—Ndaha’éiko che, araíniko umi iñañaitéva omombiáva che rembipe,

ombyakúva ita, ohapyva’ekue nde py.

Ohendúvo upéva oguejymivejey guyra’i ha oñemboja araikuérare ha

he’i chupekuéra:

—Ajépa peẽ arai peneñañaite, pemombiáva kuarahy rembipe,

ombyakúva ita ohapyva’ekue che py.

Ha ndaje upémarõ araikuéra ombohovái chupe:

—Ndaha’éiko ore, yvytúniko pe iñañaitéva oreguerúva ápe ha

2 von 6 18.07.2022, 16:49

Guyra'i ohapyrõguare ipy | Ymaguare Kaguare about:reader?url=http%3A%2F%2Fymaguarekaguare...

peichahápe romombia kuarahy rembipe, ombyakúva ita ohapyva’ekue

nde py.

Ohendujeývo upéva ovevejey anga guyra’i ha oho oheka yvytu ha

oñembojávo hese he’i chupe:

—Ajépa nde yvytu, neñañaite, regueru ápe arai, omombiáva kuarahy

rembipe, ombyakúva ita ohapyva’ekue che py.

Guyra chakurru

Ha ndaje upémarõ ombohovái chupe yvytu:

3 von 6 18.07.2022, 16:49

Guyra'i ohapyrõguare ipy | Ymaguare Kaguare about:reader?url=http%3A%2F%2Fymaguarekaguare...

—Ndaha’éiko che, yvytykuéra niko umi iñañaitéva, omombiáva che

rape, ha upévare agueru ápe arai, omombiáva kuarahy rembipe,
ombyakúva ita ohapyva’ekue nde py.

Ohendúvo upéva guyra’i oho oveve mombyryve oheka yvyty ha he’i

chupekuéra:

—Ajépa peẽ yvyty, peneñañaite, pemombia yvytu rape, oguerúva arai,

omombiáva kuarahy rape, ombyakúva ita ohapyva’ekue che py.

Guyraũ

Ha ndaje upémarõ yvyty ombohovái chupe:

—Ndaha’éiko ore, ka’aguýniko pe iñañaitéva okakuaáva ore rehe,

orembotuichavéva ha upévare romombia yvytu rape, oguerúva arai
omombiáva kuarahy rembipe ombyakúva ita ohapyva’ekue nde py.

4 von 6 18.07.2022, 16:49

Guyra'i ohapyrõguare ipy | Ymaguare Kaguare about:reader?url=http%3A%2F%2Fymaguarekaguare...

Upémarõ ikane’õmandaje guyra’i ha katu ovevejey, oho ka’aguy

rendápe ha he’i chupe:

—Ajépa nde ka’aguy, neñañaite, rekakuaa yvyty rehe omombiáva yvytu

rape, oguerúva arai omomobiáva kuarahy rembipe, ombyakúva ita
ohapyva’ekue che py.

Ha ndaje upémarõ ka’aguy ombohovái chupe:

—Ndaha’éiko che, yvypóra yvyra reityhániko pe iñañaitéva oikytĩreíva

che yvyra ha upévare yvytýrentema akakuaakuaa ha upévare
ambotuicha avei yvyty omombiáva yvytu rape, oguerúva arai
omombiáva kuarahy rembipe, ombyakúva ita ohapyva’ekue nde py.

Ikane’õitéma upérõ guyra’i, ha katu ipochyete gueteri ha upévare

ovevejey ka’aguy oñepyrũha gotyo ojuhu peve peteĩ yvypóra yvyra
reityha ha juku’ápema he’i chupe:

—Ajépa nde yvypóra, neñaña reityrei ka’aguy ha upévare yvyra

yvytýrentema okakuaa ha ombotuicha yvyty omombiáva yvytu rape,
oguerúva arai omombiáva kuarahy rembipe ombyakúva ita
ohapyva’ekue che py.

Ha ndaje yvypóra yvyra reityha noikũmbyporãi la oikóva ha he’i:

—Héẽ? Mba’e?

Ikane’õiterasámakatu guyra’i katu ipochyete gueteri ha upévare

juku’ápema he’ijeýmante chupe:

—Ajépa nde yvypóra, neñaña reityrei ka’aguy ha upévare yvyra

yvytýrentema okakuaa ha ombotuicha yvyty omombiáva yvytu rape,
oguerúva arai omombiáva kuarahy rembipe ombyakúva ita
ohapyva’ekue che py.

5 von 6 18.07.2022, 16:49

Guyra'i ohapyrõguare ipy | Ymaguare Kaguare about:reader?url=http%3A%2F%2Fymaguarekaguare...

Guyra añumbi

Nimbora’e kuimba’e yvyra reityha ohecharamoite ohecháva ha

ohendúva ha he’i:

—Ma’ẽna iporãitéko guyra’i oñe’ẽva.

Ha ipopa’ãma katu hese omoinge chupe ajaka ijaho’iháva

ogueruva’ekue hendive ha ombojoapy:

—Agueraháta ko guyra’i porãite che rógape ha amoĩta chupe

guyrarokáipe arekomíva che rovetã rovái.

Ha upépe opa.

Aje’i amoñe’ẽ ko mombe’urã oúra’e Nicaraguagui ha ndojekuaái

mávapa omombe’u ypy. Avei oñemombe’u heta hendáicha, sapy’ánte
iñambue’imi oikóva pype térã mba’éichapa opa.

Guyra’i ohapyrõguare ipy by Huber Meili is licensed under CC BY-NC-

ND 4.0

6 von 6 18.07.2022, 16:49