 MBAUKARIPIAPO

 Tembiporu reta
 oekavae jaeko oeka omoikavi vaerä
ñanerëtara reta iyemboavai, jarevi jae reta
oyapo vaerä amogue mbaraviki.

 Kuaeyemboe piaupe oeka yaiporu vaerä

kuae tembiporu araka yave ñandeipi reta
oiporu vae kuae tëta guaranipe. Keraiko
oyemboati jare oiporu kuae tembiporu reta
oime vaerä guireko teko kavi jare iarakua
oyepiamongeta oiko kavi vaerä metei rami
ñande ivipo reta ndive.
 Kuae ñee oipota jei yepoki
jare yemboati oipota jei
yepoki mbae yayapo vaerä ,
arakae yave tëtara reta oeka
jare ovaë jeta arakua reta
guiraja tenonde kuae
tembiporu piau reta Mbaapo
jaeko arakua kuimbae reta
oechaka iarakua ikavivae
oime vaerä teko kavi.
 Tëta guaranipe mbaraviki
oyapo reta motiröpe jaerevi
tembiporu pindapo peguara
jare yembieka.
 Maëti regua tëta guaranipe
jaeko oñoti reta avati, kumanda,
poroto mandio, sandia,
aracayote, guandaka, munduvi,
jare yeti. Guaraní reta oekko
iyeupe ivi ikavivae jokope oñoi
reta yeti ivi kuipe jare sandia
aracayote jare munduvi ivi
jüvaepe, avati, poroto jare
kumanda. Ivi iakavi vaerä
oiporu reta tatäti , mimba reta
jepoti jarevi ivopei reta joki.
Kua mbaraviki paguarä oiporu
reta asadon, sipe, pikota jarevi
arau gueye omboparaviki reta.
 Mbaetiko ivire
yayuvangaiño kuaepeko
yañoti temiti reta, jare
yañangarekoko jese jarevi
ivi ñakivaere temiti reta
tëtapeguai ivi omoikavi
vaerä oñono reta pipe
mimba reta jepoti jare
ñana roki reta.
Oiporu reta tembiporu
maeti peguarä asadon,
sipe, mbaeiko araka yave
oiporu reta arao, echako ivi
täta jare otini.
 Kuimbae reta oyembieka jare
opindapo , oyasia ivira oñono
vaerä guere, oiporu reta mimba
ipire timasa oyapo vaerä jare
apero.
 Kuimbae reta omoikavi ivi,
oyasia ñana oñoti vaerä jare
ombaerivo. Ereï kuña reta jare
michia reta oporomborigui
kuae maëtipe. Kuña reta
oporombori oyapo tembiu,
oyapo retavi kägui, oyapo retavi
ñae, ñambui, guiraja reta i
tëtape, omaepöva oyapo reta
vokoo oiporu vaerä kuimbae
reta jokope guiraja coca.
 Michia reta guiraja i tëtape,;
oyuka reta kerekere jare ïru
guira reta jou vaerä .
 IVIRA
 Mbaraviki reta oyapo ivira
ndive jaeko guapika,
kuaruarenda, öke, ivira tëta
pegura, ngaveta , tambora,
oiporu reta kavara ipire,
karua, karua guasu, ñae ,
angua, arau. Opaete kua
mbaraviki reta oime maerä
yaiporu ivira oime yaiporuvi
tembiporu yayapo vaerä.
Angua jaeko metei
tembiporu yaiporu vaerä
arete guasupe arau yaiporua
ivi ñambokui vaerä javoi
yamaeñoti vaerä jokua ivipe.
 Oyapo reta inika ,
temimonde, vokoo
araparoka, Michia
reta peguravi oyapo
reta kuae . Kuae
mbaapo oyapo reta
guarani omoiä jare
oiporu retavi oyapo
temimonde oiporu
vaerä reta.
 Mbae pire ndive oyapo
reta timasa, apero,
äkandiru, mbipasa,
angua jare tupa jare
mbae pire ndive. Kuae
mimba reta ipire ndive
oyapo reta tupa. Jare
mimba reta tëta rupigua
oiporu reta ipire oyapo
vaerä amogue tembiporu
reta javoi omee reta oiko
kavi vaerä
 Kuae karandai ndive
oiporuvae reta jaeko
kuña retaiño. Oyeporu
karandai jüvae , ereï oeki
reta jokuae tuichavae.
Oyapo retavi canasta
kuae oyapo vaerä oiporu
reta takuarasi . oiporu
reta karandai oyapo
vaerä äkandiru , urüpe ,
guapika, kuae mbaraviki
reta oyapo retavae omee
iyeupegurä
 Ñaeu oiporu retavae
jaeko kuña reta.
Tenonde jae reta ojoko
gueru ñaeu oiporu
reve iyape oieki vaerä
javoi guiraja jëtape
oyoso kuae ñaeu javoi
ramo
 Oyapo reta ñambui,
ñae, jarevi oyapo reta
yambui guasu jokope
oñono reta omanovae
oñoti vaerä.
 ARA, MATI JARE
ÑEMOJAANGA
 Yamojaanga jae reta
oiporu iä anira ivopei iä
oiporu reta, neimbo yave,
ara mbitepe jare kaaru
yave. Jaenungavi guira
reta oñee yave, kere kere
reta kuae reta omobeu
arajai . pitu yave
amogue guira reta
oñemongoi yave jare
ñatiu oë yave.
 Angua opoko reta
iviragui iyivite vaso
rami, kuae oipuru
reta oyoso vaerä
avati , kuae täta
guaranipe oiporu
reta oyapo vaerä
achi, guiïti, atikui,
oyapo retavi kägui.
 Kuae tëtape ojo ñoi
opindapo reta jou
vaerä reta kuae
iñemoñape. Kue
oeka reta kerai
opindapo vaerä.
Arakae yave oiporu
reta pinda anira
oyapo reta ui
 oeki reta pira.
 Opindapo yave guiraja
reta ui jare guirapa ojo
reta yave oyembieka
oyuka vaerä taitetu ,
guasu, charata,
kerekere, jare pikasu
jae reta tenonde
oiporu iyape mbae
oeki vaerä jae reta
mbae oyuka yave jou
retavae raño.
 Yayepiamongeta kuae teko guaraní keraiko jae reta
oiko metei rami opaete kaa ipo reta ndive ore
atipe roeki guaraní reta oeka teko kavi karai reta
ani vaeräma oñuvanga jese jokogui Kuruyukipe
oyeapo yemboati guasu oiko vaerä iyambae
jokorai rupi jae reta ombopi oeka mbaei ikavigue
omee chupe ivipo retavae jare ivire oyembo iya
reta javoi kuae ivipe oñoti reta avati , kumanda
,sandia. Kuae rupi jae reta oiko kavi oyapo retavi
mbaapo jare oyembieka. Ikavivae jaeko yaioko
kavi päve vaerä metei rami ivipo reta ndive .
jaeramoko añave rupi ñane rëta guasu omaee oï
tätague kuae ikavi yeyevaere.
YASOROPAI