Vaka ñarõ | Ymaguare Kaguare about:reader?url=http%3A%2F%2Fymaguarekaguare...

ymaguarekaguare.guarani.me

Vaka ñarõ | Ymaguare Kaguare

Huber

2-3 Minuten

Ohai: Huber Meili | Omyatyrõ: Lilian Aliente

Vaka ñarõ ñanemuñávoma ou.

Cháke che ryvy

oñehendúma ñakyrã

pytũtama ag̃aite

ñembosaráigui japoiva’erã

tio róga jahejámava’erã.

~~

1 von 5 18.07.2022, 16:50

Vaka ñarõ | Ymaguare Kaguare about:reader?url=http%3A%2F%2Fymaguarekaguare...

Pya’ékena jaha,

ógape ñag̃uahẽmava’erã

cháke jasy ohesape mboyve

jajahupava’erã.

~~~

Eñantendéke che ryvy

yvyra ygue oĩhámeke

ani reguata,

cháke nahesakãporãvéima,

ha iguýpe ikatu oĩ jarara.

~~~~

Pya’evékena jaha

ñandeja’ótama hikuái,

jajahúmava’erã,

tembi’u pyharegua

ja’u hag̃ua.

~~~~~

Ñag̃uahẽma katu

pikéte ijetu’uvehápe,

vakaita oĩháme,

ha péina pe iñarõva

hesahóma ñanderehe.

~~~~~~

Pya’éke che ryvy

alambrado ehasa,

ha chehaitémane upéi,

2 von 5 18.07.2022, 16:50

Vaka ñarõ | Ymaguare Kaguare about:reader?url=http%3A%2F%2Fymaguarekaguare...

inimbo’atã taiguyru

ha pya’emi tahasa.

~~~~~~~

Cháke vaka ñarõ

ñaneandúma katu,

ojeréma pya’ete

ijatýrama oheja

ñanemuñávoma ou.

~~~~~~~~

Mba’érembo oiméne

mitãre ndaija’éi,

ni pe tóro nañanemuñái

ha vakáma katu

ñanembohuratata.

~~~~~~~~~

Pya’éke che ryvy eñani,

pikéte rembe’y ehupyty

ha aníkena reñepysãnga

cháke vaka ñarõ

ñande pytárema oñemboja.

~~~~~~~~~~

Pévantemavoi ofalta

che zapatilla peteĩ

osóma katu isã,

tapérema aheja,

ha pynandíntema apyta.

3 von 5 18.07.2022, 16:50

Vaka ñarõ | Ymaguare Kaguare about:reader?url=http%3A%2F%2Fymaguarekaguare...

~~~~~~~~~~~

Pya’evéntema katu añani

che nambi kupépema vaka ipyambu,

nuatĩre apyrũvo ni nañandúi,

chepy’apererepáma,

vaka ñarõ ryapúntemavaicha ahendu.

~~~~~~~~~~~~

Oĩma che ryvy

ohasáma ko’ág̃a ijetu’úva

ñaiméma alambrado mboypýri

vaka ñarõ ikũsẽmbáva

tapykuépema opyta.

~~~~~~~~~~~~~

Néike che ryvy

mbykýma ñande raperã,

tapéguinteke ani repia

cháke ñanandy rupi

oiméne mbói ijapakua.

~~~~~~~~~~~~~~

Mbeguevéntema aguata

cheikutu’asyetéra’e ñuatĩ’akua

hi’ári pytũmbyetépema ñag̃uahẽ

ñande jeýma ñanembotapykue

jeja’ómante ja’úta ñag̃uahẽ vove.

~~~

Vaka Ñarõ by Huber Meili is licensed under CC BY-NC-ND 4.0

4 von 5 18.07.2022, 16:50

Vaka ñarõ | Ymaguare Kaguare about:reader?url=http%3A%2F%2Fymaguarekaguare...

5 von 5 18.07.2022, 16:50