Nayra pachaxa sapxiwa:

Alaxpachaxa maräna mäkutiwa jist’artiritayna

Ukatwa, jisk’a jächa jamach’inakawa alaxpacharu sarañataki
sarxarusipkana
Ukatwa qamaqixa mallku kunturiru jiskt’iritayna:
Kawkiruraki sarapxataxa sasina
Mallku kunturixa siritaynawa: Alaxpacha markanxa umaña, manq’anawa
utjani sasina.
Ukatwa, qamaqixa achikt’asiritayna:
Nayaruxa irpxart’awitalla sasina
Mallku kunturixa maya umuyt’asisnxa siritaynawa:
Ukhamaxa sarañani, ukatxa janiwa jumaxa khurkhusätati
____________________________________________________
Ukhama mallku Kunturixa, qamaqiru alaxpacharu q’ipkataskana.
____________________________________________________________
Alaxpachanxa, qamaqixa anchapuniwa manqantxatayna, ukhamaraki
umantxatayna.
Ukhamaraki, warawaranakampi, jamach’inakampiwa thuqutayna
____________________________________________________________
Ña qhanatatanxanawa,
Ukatwa, kuntur mallkuxa sarxañani sasawa siritayna
Qamakixa, wali umantatawa, janiwa saraña munkanati
Kunturixa sapapakiwa wali phiñasita thuquqanxatayna
________________________________________________________
Qamaqixa, ukatwa jichunaka, ch’iwillanaka jik’tapisina
Phala phalsusina saraqaniskana uraqpacharu
Ukhamarakiwa jisk’a luru jamach’inakawa uka qawayanakana
thuqnaqasipkäna
___________________________________________________
Uka jiska luru jamach’inaka, uñxasinxa
Larusisawa tuqiritayna:
¡Jiwa - Nasa qhiwi jamachinaka!
Khuriru sarapxma
Tatituwa saraqastxa sasina
Ukhama tuqitaxa, jiska lurunakaxa
Phalwa t’urjapxiritayna

______________________________________
Qamaqixa wali warart’asisawa
Jalaqaniskäna
Awayunaka, qamirinaka jant’akt’apxma sasina

Uraqinxa, janiwa khitisa istkataynati

Qamaqixa, uraqiruxa phatanqasa phallatawa puritayna
Qañawa phuqa manq’antatataynawa

Ukatwa sapxi, jichhurunxa qañawaxa acuqaski aka uraqi pachanxa.

Pay suma.