UNIVERSIDAD NACIONAL JOSÉ MARÍA ARGUEDAS

FACULTAD DE CIENCIAS DE LA EMPRESA

ESCUELA PROFESIONAL DE EDUCACIÓN PRIMARIA INTERCULTURAL

1. DATOS GENERALES:
1.1Nombre de la asignatura
1.1 Código de la asignatura
1.2 Ciclo :
1.3 Año y Semestre Académico
1.4 Docente responsable
1.5 Correo electrónico
1.6 Estudiante(s)
TRABAJO INDIVIDUAL Nº 01
: Filosofía de la Educación
: EIAD22
: II
: 2019-II
: Luis Felipe Mujica Bermudez
: lmujica@pucp.pe
: Mery Eliana Salas Santa Cruz

SUYSUPAMANTA
Occepata llaqtapim tiyan Tomasa sutiyuq warmi, paymi wiksayuq warmikunamanta
llumpayta yachan, qipanmanta utaq ñawpaqninmanta qawaykuspallanraqmi nin qarin utaq
warmin wawa kananta, hinallataqmi puriyninman hina wachakuyninmantapas nin
ñakarinqan utaq manam ñakarinqachu nispa, llapchaykun sirqanta hinaspan nin ima rikchaq
mikurusqanta.

Chaymi ñuqata yaqa isqun killa wiksayuq kachkaptiy, ecografíapa nisqanman hina niwarqa
hatum hampina wasipi, wawaykiqa kunkayllusqam kachkan nispa, hinaptinmi qamqa
ñakariruwaq wachakuypi, utaqmmi wawayki mana paqariyta atinqachu nispa, chaypaq
hinataq mana chay tutakunapas allin puñuytaqa tarirqanichu, llumpayta wasallay nanawaq,
yaqa tiyampallañam puñuq kani llapa qatanakunawan qimipasqa, chayna kachkaspam
tantyarurqani aswampas, mama Tomasapata aparuwaychik nispa.

Rimanakuypi mama Tomasawan, ñuqawan:

Ñuqa: Chayaruspay Hampullayki mama Tomasa

Mama Tomasa: yaykukuy ¿pillam?

Ñuqa: Merin kachkani mama Tomasa
MamaTomasa: Hatun kusikuywan qawaykuwaspan tapuwan ¿imaynataq kachkanki?
Ñuqa: Manam allinchu kani mama Tomasa, suysupawanaykipaqmi hamuchkani.
Mama Tomasa: “Hospitalpichiki unqukunkiqa, chaypim qawasunayki”
Ñuqa: mama Tomasa ñuqa munayman qampa yanapakuynikiwan unqukuyta.
Mama Tomasa: Manam, manapunim.
Ñuqa: ¿Imanasqa mama Tomasa? Karumantaraq qan suysupawanaykipaq hamuchkani
Mama Tomasa: (llasaqta samaykuspam …) Manas ñuqaykupa ruwasqayku allinchu,
warmikunatas wañuchiniku
Ñuqa: Chayqa llulla ¿pitaq chayta nisunki?
Mama Tomasa: Arí chaytam niwan postapi
Ñuqa: Mama Tomasa, ñuqaqa hamuchkani qam suysupawanaykipaqmi, manam ñuqaqa
kutisaqchu mana suysupawaptikiqa
Mama Tomasa: (utqayman tiyaykuspan) hamuy waqtayman kaypi tiyamuy, sirqaykita
hapisaq, ¡mamallay mama! kulista mikurusqanki, wayra kachkan wiksaykipi
Ñuqa: (Tantiyllaypi ¿haykapmi mikuni kulistaqa?)
Mama Tomasa: wawapas kachkasqa arwiyuq, kuschpakuy kay chita qarachapi,
suysuparusqayki.
Imaynamanraq ñakarichkanki, mana allin puñusqa.
Ñuqa: Yaqa iskay semanañan mana puñunichu mama Tomasa
Mama Tomasa: ¡achacháw! ¡mamallay! chaynaqa mana kallpayuqchá chayarunki
wachakuymanqa; wachakuypas kallpapaqmi, mana chayqa wawapas qampas pisillatam
yanapanakunkichik, (llapchaykuwan wiksayta) ¡yaw! kay wawaqa kachkasqa qichqampa
iskay arwiyuq, suysusunayki qarim.
Mama Tomasa: Tayta Vidal, Merykuta suysuparuy, chay hatum yana llikllayta haparikamuy.
Tayta Vidal: maynampamanmi suysusaq yaw Tomasa
Mama Tomasa: alliq makikiwan kallpanchaspa suysurapuway
Ñuqa: mama Tomasa sayirirusaq supirqukusaq
Mama Tomasa: (piñakuspa) pitaq mana warmimanta lluqsimuq, kayna ñakariywanmi
warmiqa wachakunchik, ñuqallanchikpim kachkanchik ¿imamantam pinqakunki?, qanqa
supikuy hinalla. Churachkanin wawata warmikaynikiman uyan qawaqta.
Kay wawaqa qarin, qanchis punchawpiqa qawarunsuñam.
Mama Tomasa: (wawayta parlapayan) yaw taytaku , machu qarisu, lluksimunaykiñam
llankanaykipaq, tayta Vidalta suyunaykipaq, ñuqapaqmi papata, sarata, tukuyta tarpunayki,
uyarichkankichu, yaw machu qari.
Ñuqa: (wawayqa qaytapakun)
Mama Tomasa: Kunanqa puñurunkim, carroman siqaruspallaraqmi puñurunki, anchapas
pisipasqam kachkanki.
Ñuqa: Mama Tomasa qam hamunaykitam munani wachakusqay punchaw.
Mama Tomasa: Hospitalpim wachakunayki mana chayqa multasunkim
Ñuqa: ¿Imanasqa? mama Tomasa.
Mama Tomasa: Chaynam kunanqa
Ñuqa: Mama Tomasa, qanmi mamayman nisqanki wisayuq kaspaqa untuchawan wiksaykita
wirakunayki nispa, chaynatam wirakurqani.
Mama Tomasa: Allinmi llampullan kachkan wiksaykiqa, chaymi madrikipas kutiykullanqa
hina kaqllaman.
Ñuqa: Ripusaq mama Tomasa, kay wawallaycha anchata qanta riksikusunki
yanapallawasqaykimanta, ichaqa qantam qayamusqayki mana wachakuyta atispayqa.
Mama Tomasa: asllatam ñakarinki wawan kachkan llumpay chukchasapa hinaspa umasapa,
chaywampas qanqa unqukunkim, manam kuchipa pukuchunta kuchuq hinachu kuchusunki.
Ñuqa: Ripullasaq mama Tomasa, añanchayki tukuy sunquywan.

Chay punchawmi puñururqani kulluhina carroman siqarusqaymanta ratullanman,

chayaruspaypas hinalla carrupi puñukusqani.
Wachakuy nanay qallarimuwaptin rirqani Hospitalman, chaymi ecografiata hurquwaptin
wawayqa mana ima rikuq arwiyuq kasqa, Historia clínica nisqanta ñawinchaspan
qawanakuspa imataya rimanakunkupas, chayraqmi kamallayta churapuwarqaku chaypi
unqukunaypaq.
Kay mama Tomasa warmipa suysupaykusqanmi wachakurqani, manam qaqra pachata
hinachu kuchuykuwarqaku, aswampas wachakuytam yacharurqani.
Kunan punchawkunapi, hawkam wayllunkini, warkukuni, wiksaytam tisarini atisqayta,
tukuytam ruwani mana ima nanayniyuq.
Añanchayki mama Tomasa.