Uj yetel ak’ab

Santiago Arellano Tuz

UJ YETEL AK’AB

K’iine’ts’o’ok u ki’ wenel

leti’e’ tun ki’ nóok’ tu xáax Ak’ab.

ok’len tune ku tenikubaj ti sáasil

Ku bonil tu láakal ba’al yan tu bel;

ku bak’iko’on yetel u boox ochel.

Seten ek’joch’een woliko’on

mix u léets’bal a jatsuts ich ku beytal

bala’an tumen u bóoch’ Ak’ab.

Lak’in ku léembal u jul Uj

t’insáasil y táan yich ku náats’al

mina’an u xuul u jach kichpanil;

leti’e’ tun p’isbaj yetel u yochel Ak’ab

u xit’maj u xiik’ku jáayaj yóok’ol.

Ek’joch’eene tun we’ek’el u muuk’tumen u jul Uj

tun lèekel u kukulpach

tun xíimbal pachil,

tun jaawaj u bonik ba’alo’obo’ tun sáasiltaj u yicho’ob.

ku xu’ulsa’aj yu muuk’ ek’joch’een.

Yochel ak’abe’ts’o’ok u púuts’ul ti to’on

ts’o’ok u náachtal ti to’on

ts’o’ok u p’atiko’on

ku beytal tun in wilik

u léets’bal a jats’uts icho’ob.

tu tenubaj u sáasil uj ti yochel ak’ab.

La luna y la noche

Santiago Arellano Tuz

El sol duerme plácidámente

ronca con gozo en los brazos de la noche.

las tinieblas se imponen a la luz

cubriendo los objetos que se encuentra

con su negro manto nos envuelve.

La intensa noche nos aprisiona

no permite que tus hermosos ojos brillen

las sombras las cobijan.

La luz de la luna en el oriente resplandece

con rostro brillante se aproxima

su belleza no tiene comparación

ella se enfrenta a las sombras de la noche

con las alas extendidas las ataca.

La luz de la luna se impone a las negras sombras

ya empiezan a retroceder

da pasos hacía atrás,

poco a poco despintan las cosas

ellas ya recuperan su color

están vencidas las fuerzas de la noche.

La figura nocturna se ha marchado

se ha alejado de nosotros

de ella nos hemos librado

ya puedo admirar

el fulgor de tus preciosos ojos

el resplandor lunar se impuso a las sombras de la noche.