Huk vivuchamanta willaku

Kastilla simiman tikrasun

Kay HUamanga llaqtapis kasqa huk warmacha uchiti uhchitillaña,

chayna kaptinsi maman sutichasqa “vivuchawan”, hinaspas niq:
vivucham wawayqa nispan, yachay wasiman kachaptinsi mana
riqchu , Arco pampatas pasakuq hinaspansi chaypi pukllakuq sapa
punchaw wallpakunata hibi warakawan wañuchispan. Llapa wallpa
wañuchisqantas mamanma apaq mikunankupaq. Chayta apaptinsi
mamanqa mana imatapas niqchu, uppallallas chaskiq “vivucha
kaspanmi warmayqa wallpakunata apamuwan” nispan. Wiñanñas
vivuchaqa hatunyasqanman hinas wañuchiq allqukunataña,
kuchikunataña, asnukunataña, piru manasá mamanqa imatapas
niqchu, kusisqas chaskiq. Hatunyaruspanqa suwakuymanñas
wichiykun hinaspansi lluqsirqun huk hatun chunniq urquman,
pumaqawanqa sutiyuq urquman. Chay urqu. Chay urqupis tiyaq
hinaspansi ñan puriqkunata suwaspan wañuchiq asnuntawan
kuskata, hinaspansi asinanpaq runapa umanta hinaq asnupa
wirpunman , asnupa umantañataqsi hinaq runapa wirpunman ,
Chaysi chayta qawaspan asiywan wañuq.

Huk punchawsi sinchikuna watiqaruspanku hapirusqaku

“vivuchataqa”hinaspas pusamunku alli allin waskawan
chaqñasqata, piña turuta hina kay wamanga llaqtaman.
Chayarachimuspanku Huamanga qatun plazapi muyuchinku llapa
runa riqsinanpaq. Manaraq warkuchikuchkaspansi nisqa:
mamakuna, taykuna llapa Huamanga llaqta runakuna, mamaymi
huchayuq kayna suwa, runa wañuchiq kanaypaq, tukuy imata
tarikamuni nispa apamuptiymi upallalla kusisqa chaskiwan manam
imatapas niwarqanchu Allinmi apamuy niwaqmi, chaymi
kaykunaman wichiykurqani, tayta mamakuna amayá chayna
kankichikchu, waw churiykichikta allinta uywankichik mana ñuqa
hina kananpaq. Chay rimayta tukuruptin chinchikuna tiqurun
kunkanmanta waskawan llapa runapa qayllanpi, Chaysi llapa
warmikuna llumpa llumpayta waqasqa.