Belsana.

Noticias alreol de l'estremeu

DEDICATORIA A MAXIMIANO LPEZ ORTIGO

(El Guiju de Galistu, 1931-Cazris, 2002)

Ena mairug del pasu 15 de diciembri se par el corazn

de Don Maximiano Lpez Ortigo, natural del Guiju de
Galistu. Sacerdoti i investigaol sobri las tradicionis i la
palra local del Guijitu. Los que tuvun la oportuna de
conecelu destacan el su caraiti, mu amabli, siempri
contentu. Hue cura de Cedillu i, cuandu que descluu
pola hubilacin, golvi al su pueblo, ondi toava sigui
oficiandu misas, muchas vedis n'estremeu. Tena una
boga de vinu i de continu regalaba botellinas de pitarra de
la su cosecha a los amigus. Estuvu comprometu cona su
lengua matelna hasta l'ltimu momentu; semanas antis de
morril, particip nel "Primer Congreso sobre el Habla
de Extremadura" con una comunicacin n'estremeu:
Maximiano Lpez Ortigo Carta desde el escao. All, en Calzalla, que dichu "Es
mestel jadel algu pol esti mo d'hablal de nusotrus".
Arrecohemus esi testamentu. Descansi en pas.

BIOGRAFA
Estuy Latn i Umanidadis nel Seminariu de Coria. Hue ordenu cura en 1951
sirviendu a l'oficiu de la Diocsis. En 1956 hue ordenu "ecnomo" de Cedillu i en
1959 ya era el sacerdoti d'esa parroquia. March d'all en 1977, cuandu hue ordenu
delegu de Critas Diocesana en Radio Popular. En 1978 hue nombru asesol
relihiosu del Centro de Educacin Polivalente de San Pedro de Alcntara. En
1989, hue nombru delegu de Migraciones y Medios de Comunicacin de la
Dicesis de Coria-Cazris.
Belsana. Noticias alreol de l'estremeu

Maximiano Lpez etiquetaba las botellas n'estremeu

Unu de los sus orgullus: la su boga de vinu

Omenaji de Jos Mara Alcn Olivera, escrebiol, autol de

Requilorios
L'ESCAU SA QUEU SOLU, SA IU MAXI
Maxi, pal que no lo conoci, era cura, un cura mu arriscu, d'esus
curas que no te acagulaba de que lo era hasta que algunu te lo ida
o l mesmu te lo espetaba. Saba tocal l'acorden y en los
domingus grandis se le oya en las taberna tocal alguna jota pa
que el personal la bailara. Tamin tena una bodega, pola que ha
pasu buena parti del lugal pa probali el vinu: l ya no pa bebelu
pos andaba algu pachuchu y era mu cudadiosu con la sal. Naci
y se cri en el Guijitu (Guijo de Galisteo). De cura en el pueblu ondi estubu muchu
tiempu jue en Cedillu, pero en cuantinu estaba un poquinu descruu lo pas vel en el
Guijitu, que era mu amigu de los sus amigus, que eran cuasi tos, y mu familial. Mi
padri tieni una gran pesaumbri con la su a, eran mu amigus, ams que vecinus.
Uguau, en el veranu, dispu de una operacin que le jidierun le pregunt: "Qui, y
lo tuyu, cmu va la cosa?", y l: "Mira, vallejerendulu lo llevu, peru chachu, mu
bien, y comu tengu estu de la exposicin, lo tengu descruu" Cagen!, la genti lo ha
Belsana. Noticias alreol de l'estremeu

sentu muchu, cuandu vena al pueblu, -que desde que dej Cedillu, era de continu-
ida l la misa y se pona a hablal comu los del lugal, en el mismu habla, que paeca
mentira que juera tan leu, y lo mesmu te refera al Regatillu (ondi se cri) o a la
jesa y los guarrapus pa explical lo suyu. Y, claru, la genti: "-Que idi misa Don Maxi
-Pos all vamus, que habla mu llanu" Era mu queru, me c, y con la jart de cosas
que tena pa jadel, que comu estaba ya jubilu, estaba totu entregau en jadel por el
pueblu, sacandu to lo de p'atrh: estu del habla, los monumentus que hay
desperdigus pol lugal y que naidi l'a jechu casu nunca, t... Hasta compr una casa
vieja, de piedra, mu de p'atr, y dispu de arreglala la dio al pueblu (a la Parroquia)
pa que'nella se jidiera lo que juera mestel, siempri mirandu por el pueblu. Haba
jechu que la moce se interesara pol to esu y de siguru que la cosa sigui, porque el
entusiamu se lo peg a tos. Ara, all hay una exposicin que s'abri en setiembri.
Ay, Maxi!, de siguru que ara ondi est, s'aiga juntu con su padri, el ti Grigoriu,
y la su madri, la ti Benjamina, qu gran mujel era! (no pola estatura, pola
persona que era, lo suyu era pa escribilu, que lo que jidu esa mujel pa sacal p'alanti
a tos los sus'ijus son pa que se supiera) Tamin siguru que sa topu con el Jos M
Grabiel y con Lus el de Guarea pa contali... En fn no estar en persona cuandu
mos reunamus la corrobla del extremeu peru estar presenti , que de siguru que
haiga alguna cosa escrita por l (que ya me lo diju no ha muchu: "Es mestel jadel
algu por'esti m de hablal de nusotrus, vas a tenel que escribil algu mh, que yo ya
estoy en'ellu") A vel si alguin de la su familia mos jadi llegal algu de lo que haiga
escritu y golvamus a disfrutal de la gracia que tena el jou. Descansis en pah.

CARTA DESDE EL ESCAO

Maximiano Lpez Ortigo
M queru amigu, jadi tiempu que te debu carta, peru entre las faenas de la siega, la trilla, el tejal y la
vendimia, crimi que andu algu ajinu, pueh ya vamus mayorih y loh jouh muchachuh ya no quierin
sabel n del campu cuantu que sabin algu y no quierin mah que pegali patah a un pelleju jinchu, y
paseal, sobri todu ellah. Asn que casi tou loh trabajuh quean pa ella y pa m y ya semuh sesentonih.
A vel si cobramuh prontu y moh quitamuh de estu, que eh mu atu y mu ehclavu; por esu hemuh
mandu a estudial a loh muchachuh, a vel si sacan algu y se quitan de ehtuh enritaeruh. Anda que
buen sacrificiu moh cuesta, y hahta tenel que vendel algn gertu.

Cuandu unu se poni a hablal de lo suyu, casi se olva de loh demh y comu ehta Carta eh pa ti, pa tu
mujel y tuh hijuh, deseu que al recibila voh encontrih bien. Musotruh lo ehtamuh a Dioh graciah, loh
cincu que tengu, yo y ella ,que comu no sabi leel te digu que ca veh est mah empachosa; debi sel pol
la ed; se nota en to. Y la tuya cmu anda?, te preguntu ehtu porqui ellas eran mu amigah y cuandu
ramuh noviuh ellah se contaban suh cosah y musotruh lah muehtrah. Tacuerdah que en la plaza no
queran bailal porqui lah vean suh madrih, y nusotruh en venganza le dejatabamuh el mandil.
Tacordarah cuandu le rompihti el cntaru a la tuya pol querel dali un besu, y el sogadu que me peg
la ma polo mismo en el Podu Vieju. Ahora que en lah pilah de laval de loh Podituh ehtaban bien
suavih. De toh moh y manerah, no moh ha u mal con ellas, aunqui qu rehpeleah son.

Del pueblu te dir que ca veh semuh menuh; y eh que

Belsana. Noticias alreol de l'estremeu

voh fuihtih mucha genti en too ehti siglu, unuh pa los

Uvaisih, otruh pa Francia y Alemania, y un mojen pa
otrah capitalih de Espaa. Muchuh vuelvin de vez en
cuandu, peru loh que voh fuihtih pa lah Amricah,
comu tu, tan solu vienin unuh que ehtn en la
California. Por esu, mi queru amigu, te escribu ehta
carta tan larga, una veh que han devacuu loh trabajuh
y ya hemuh sembru el forraji, loh navuh y lah berzah.

El grandi ya sabi ehcribil de corru, peru no quieri

porque idi que su madri meti mucha paja, que si sabrh Iglesia de Guiju de Galistu
ehtu, que si sabrh lo otru y lo demh all; idi que l lo
resumi y lo poni con palabrah suyah y la verd que pa una veh que moh escribimuh al au, moh guhta
ehtendelmuh y ponel lah cosa a muehtru modu y manera, asina ehta carta tieni mah suhtancia. Le he
leu a ella ehta hoja, sha sonreu y me di voh d muchuh recatuh, sobri too a tu mujel; seguru que se
eht acordandu de cuandu eran mozah. Acabamuh de cenal unah sopitah chilrri, poh ya no hay n ni
en el sobru ni en la bodega ni en la puchera; no hay ni faahcu hahta que no se mati, pa nuehtra
Seora, la chicharronera; ya hay ganah de tenel pa tiral de veta. Loh muchachuh vienin de loh
ehtudiuh algu enjutuh y paliduchuh y creu que algu micuh, asina que su madri venga a dali too lo
buenu del lechn, que se lo tena ehcusu y pa mi lah morcillah ranciah y sin, te queah al bofetu.

Ha venu la luh al pueblu y hemuh puehtu una bombilla pa toa la casa porqui hay que ajorral, pueh
loh mesih pasan ensegua y hay que pagal los cauh de loh ehtudiuh de loh muchachuh. Asin que ella,
ni corta ni perezosa, -ya sabih el geniu que ha tenu siempri- ha apagu la bombilla porqui y que gahta
muchu, ha atizu el candil y la puehtu torca nueva, y cogiendu la papera lo ha enllenu de adeiti, lo
enciendi, y mu redichu me idi "asina tambin va bien a ehcribil". Ella cogi el cehtu de la cohtura y
empieza a remendal unuh pantalonih de pana que se me ejarrarun cargandu unh matochuh de ehcobah
pa tenellah preparah pa la matancia. Y yo, mi queru amigu, no s comu mejol repulgal toah lah cosah
que quieru ehcribilti, poh si fuera hablu tenamus pa muchus seranuh. Eh el casu que ehti veranu,
entri mozuh y mozah del pueblu han puestu muchuh retratuh, algunuh antova de loh de minutu, y
con un letreru mu grandi en lah ehcaletas que idi -te lo ehcribu pa no equivocalmi- GUIJO DE
GALISTEO. PIEDRAS Y ROCAS: PILARES DE SU HISTORIA.

Tooh ehtuh retratuh loh tienin puehtus en una casa que han dau a la Parroquia pa ehtah cosah, loh
muchachuh de Grigoriu, el de la Benjamina. Quin le iba a idil a elluh que iban a tiral palantri
cuandu casi sin puel, loh llevarun a ehtudial; peru mira, salierun palantri. Y elluh mu agraecuh han
jechu ehti regalu al pueblu en nombri de suh padrih. La casa ha queu mu bonita, too a la antiguu,
idin que eh comu un museu. Musotroh, lo que oyemuh, poh dejah cosah no entendemuh n. Peru
comu ehta ma eh tan entrometa, ma dichu que tenemuh que il a vel loh retratuh, aunqui no sepamuh
leel de corru lah letrah que ponin, y que van mucha genti vieja, y que nusotruh no vamus a sel
menuh.

Poh pa que veah, moh hemuh puehtu la ropa deminguera y all que hemuh u. Na mah entral pol la
puerta, se poni una muchacha al lau nuehtru pa ehplicalmuh a que s refieri c retratu que hay en c
apartu, y son sieti. Qu guapa la moza, cmu habla, qu explica tieni, se quea unu comu trahmuu
namah en vela y oila. Tacuerdah cuandu lah nuehtrah cantaban comu con dehpechu "Que no me
quieri a m, que quieri a otra porqui sehtan criandu mejorih mozah", chicu que razn tenan; y esu
que lah nuehtran jadan colrru en la plaza cuandu bailbamuh al son del tamboril de to Antoln, la
Belsana. Noticias alreol de l'estremeu

Jota de nuehtru pueblu. El trabaju ni lah dej crecel ni guapeal, peru son mu buenah, y hemuh tenu
mucha suerti con ellah. Que el Seol moh lah conservi muchuh auh.

Poh te cuentu lo que he vistu y le ha oyu a la moza que

moh iba explicandu loh retratuh. Va mucha genti a
velluh, no solu del pueblu sino tamien de loh de alreol;
han venu genti hahta de Plasencia, Coria, Ccirih y de
muchuh mas. Eh que ehta mu bonitu. Hoy la genti
nueva eht mu enter en too. Y con c grupu va una
moza o un mozu ehplicandu, peru comu la nuehtra creu
que no haba otra; qu andarih, qu mirh, qu
palabrah, qu cuerpu tan garbosu, paeca un juncu al
ehtal vehta con pantalonih -fijati lo adelantu que anda
el pueblu- y una camisina sin mangah. A buenah horas
lah nuehtrah se quitaban lah sayas y lah chamblas;
menuh salvaji eramuh musotruh.

Pa c manoju de retratuh tienin un mapa, pecu al de

Espaa que tenamus en la escuela de novarga, al lau
del reloj de pared y que tooh loh diah tena que
atornillal la cuerda Don Patriciu, el maestro tan genu,
pa que diera lah horah. Pueh dendi la puerta de la
Iglesia hahta el Crihtu Benditu, pueih vel cosah del
siglu quinci, dieciseih, hahta ahora.
Virgen de los Antolines de Guijito

Eht la Cruh a la entr del pueblu y que es ni mh ni menuh anteriol a la torri, que pol lo vihtu eht
sin terminal, y que lah ehcalerah se llaman de jusillu, y que al sel reonda, creu que no hay otra en toa
Ehtremadura. Tamin se ven retratuh de lah primerah casah cuandu ya se jidu el pueblu, en el Tesitu,
poh idin que antih ehtuvu en la Jesa, endehpuh pola Quesera el Moru, aluegu en Loh Cahtillejuh,
y por ultimu, aondi eht ahora. Idin que pol lah casah, pol loh pozuh, pol la Yglesia y loh
cementeriuh, que abu 4, pol loh corralih conceju, el de la Plaza y el del Crihtu, pol lah letrah y
nmeruh que hay en lah tozah de casah y corralih, se pu sabel la hihtoria dende antigu.

A musotruh, ya viejuh, moh aguhtu muchu vel loh doh primeruh pozuh del pueblu, el Podiqui y el
de la Madapa. No me pregunti de cundu son, la moza lo diju, peru ehtah cabezah no puen retenel
tanta letra ni tantu nmeru. Si quieru ehplicalti loh retratuh, tooh de minutu, de la plaza. Se ve el
Corral Conceju, aondi encerraban lah vacah pa la capea loh dah de San Antoniu. Te acordarh que
lah madrih moh mandaban con loh tapijuh pa acutil sitiu y asn podel vel dende la pareh lah vacah
que salan a la plaza y lah que queaban en el corral. Del Pozu Morn aondi dandu vueltah toreaban
loh mozuh y a unu de elluh una vaca lo junde pa baju, y auandu lah fajah loh hombrih y una soga
de tio Enriqui lo puun sacal. El mozu era to Mauricio. Del pozu no quea n, lo han aterru, y esu que
era,segn cuentan del siglu XVI. Solu quea un cantal que en acin de graciah le cantarun a San
Antoniu, y que idi asin: "En la plaza dehti pueblu, ayel ocurrio un milagru, un jovin cay en el pozu,
y vos le disti la manu".Tacordarah que el da de San Antonio le cantan las mozah en la plazuela de
novarga, en el valli y en la plaza taph con colchah, pa que no se le vea la cara, idin que esa
cohtumbri moh vieni de loh arabih. No s.
Belsana. Noticias alreol de l'estremeu

Tampocu ehihti ya el torren aondi ehtaba el rel; qu bobituh ramuh cuandu dabamuh lah
campanh al comph dl. Cosah de muchachuh. Ni tampocu ehihti la sagr aondi se ponan lah
madrih pa miral con quin y de qu manera bailaban suh hijah. Cuntu comadru. Y el lamu que
ehtaba encima, que era mu grandi, yo creu que se sec de pena cuandu prohibierun loh bailih en la
plaza, tambien en recuerdu del moh quea un cantal de enamorandunuh: "Alamitu de la plaza, si tu
pudierah hablal, cuntuh paueluh y ligah, hah vihtu ya regalal". Y de lo de aentru del pueblu, ya no
quieru contalti mah penah, porqui tan linduh han siu unuh ayuntamientuh comu otruh. Menuh mal
que la hihtoria no mos la puen quital, sin yo creo que la ehfarataban. Comu te dicho hay algunuh
retratuh, y pa recordal to ehtu, un nientu de Rufinu, el de la fragua, ha jechu en un mapa una pintura
de c cosa antigua de la plaza y graciah a esu to el pueblu ha recordu lo bonita que era. Que bien
pinta esi muchachu.

Qu acuerduh han tenu pa ensealmuh la hihtoria del pueblu. Han dividu el trminu en SIETI
RUTAH.

La primera la llaman urbana, que eh la del pueblu, la que te acabu de ehplical.

La SEGUNDA sali de la Cruh del Caminu Coria, va pol La Puenti to Felih, sigui pol la pesquera
del Molinu, te parah en el molinu y tacordarah que all ibamuh a jadel sopetn, si tenamuh algn
lagareru conocu; siguih pa lanti y te tropiezah con el puenti en el gertu de to Donatu, andi la
Arroyu Miravella desemboca en la Arroyu Grandi; de aqu pasah a la Quesera el Moru, que eht
en una pizarra mu grandi. All hay muchuh rehtuh de tejah, tinajah y hahta losah de sepulturah han
levantu cuandu se labraban aquellah tierrah. Idin que aqu estuvu un poblu rabi. Suiguiendu
palantri vah al caminu Coria y te acercah al Podu Jortigu a echal un tragu dagua, refrehcalti y
dehcansal; y vuelvih patrh por el camino Coria, pasah po el puenti del Charcu lah Encinah,y
vuelvis a la cruh de dondi salihti. Tienih de recorru unuh 4 kilmetruh.

La TERCERA ruta,arranca en la engarilla de las Viah, siguih y llegah a la Crudita (Cruh

pequea), de ah vah a lah Corralh, pasah por el cementeriu nuevu (el cuartu), siguih por el caminu
Gamonalih y llegah a lah Pilatah y Cabeza la Oliva, dende ah divisah casi to lo que fue el Condu
de Galihtu; y ajorrandu pa baju llegas a la Cruh de nimah, que eht en una piedra mu grandi, que
tamin la llaman de to Pedru Jerreru; y ya cara a casa, ves la laguna y fuenti de la Zarza, la laguna
Salgaeru, el valli Lavalcn y pol lah Erah y el pozu la Nava, regresah al pueblu; tienih de caminu
de treh a cuatru kilmetruh.Tienih caminuh, y campu atravh. Y el candil se eht apagandu, ella
jidiendu tehtamentu, a mi me dueli la mueca de lo ehcritu y tengu loh deuh comu engaraah. Eh la
falta de cohtumbri. Asn que moh vamuh a echal. Tengu la cohtumbri daqu palanti de ponel la
sosiega al lau de la cama, encima del arca y le doy doh o treh uuh al metelmi en la cama; esu me da
calol y duermu mejol.

Hoy el da ha salu algu farrucu, peru voy a aprovechal la maana pa sacal ehtiercu del corral y
llevarlu al mudral que tengu en lah limpiaerah. Si quierih, no parah nunca, siempri hay algu que jadel.
Y tengu ganah de rematal la carta antih que empieci el varu, pueh en ogau hay regulal de adeitunah.
Belsana. Noticias alreol de l'estremeu

Pueh siguiendu con el tema, la CUARTA

ruta que la tienin march en el mapa
comienza en la Cruh del Crihtu, y al
llegal al alcornoqui la Bodina, tirah pal
corral de lah Vacah, pasah debaju de una
encina que tieni, pol lo vihtu y mediu,
unuh 25 metruh de punta a punta de lah
ramah. Loh que sabin aritmtica hechan la
cuenta de otra manera, peru yo no ehtoy pa
quebraeruh de cabeza. Veh el corral, el
valli Reonditu y lah Navah Lagunah. Y
vallejera alanti te metih en el podu Jocinu
y ensegua ehtn loh canchalih mah grandi
de toa la jesa: Canchal de loh Vihcanuh,
dolminih sin techu, jorraera grandi, piedra
Casa con batipuerta el Ehcau, piedra el Altal que paeci un
rulu de la fbrica;

volviendu a la derecha eht el miraeru del Guarda, una piedra mu alta daondi vigilaba to Anianu a
loh que venan de otruh puebluh a robal bellotah o lea.

Y en n ehth en lah piedrah del Covachu, que eh pintipar a lah que tenan loh antiguuh pa suh
viviendah. Y endehpuh de miral y remiral rocah tan gordah y altah, que no te cansah nunca, llegah a
la ehquina de abaju de las Serah, veh lo que eht ehcritu en lah albordah, y el nombri de to Malenu,
que era el alcaldi cuandu lo jidu y esu va pa mah de un siglu. Siguendu la Arroyu Cabeza abaju te
toparah con el podu la Calli, y dehpuh de abel andu 5 o 6 kilmetruh, llegah a casa baldatu y sin
ganah de oyel requiloriuh de ella, que paeci que loh tieni siempri en la punta la lengua cuandu no
ehth trabajadu. Qu pu tieni con el trabaju y lo poquitu que moh guhtaba a musotruh.

La QUINTA ruta empieza en la Cruh de la Laguna, pasandu antih por el puenti del Arroyu
Cabeza, la fbrica y el Podu Nuevu y entrandu en la Jesa pol la calleja. namah entral, a manu
igquierda, eht la fuenti la Morilla, y t seguu la Jorraera Chica, la Piedra Ehcrita, que loh
ringurranguh que tieni marcuh son de jadi doh mil auh, de un pueblu que se llamaba Celta Bretn,
y que ah ehtaba el primel pueblo. No s, no se pu idil ni que s ni que no. Hombri a loh celtah loh
conocemuh por el retratu que vena en loh paquetih de tabacu, peru esu de bretn suena loh talluh que
nacin al pie de loh arbulih. No s. Pueh al pi de la Piedra Ehcrita veu a unu del pueblu
ehcarrapichu en la jaca y ella de sentalla, y le preguntu que pa ondi van, y y me contehta pol doh
vecih: Senderismo. Me que con esa palabra polqui la apunte na mh ilsi pol la piedra la Romana
hasta el podu y laguna de Navacalz, Navacarneru, la Ca y el tesu Lobu. Y endehpu moh
volvimuh a vel en el podu del Corral de lah Vacah, aondi ehtaban merendillandu; y el me diju que
c domingu salan pa su lau, asina ella se ehpajaritaba de loh nerviuh, y comu le idi la nieta, asn se
instruyin viendu too lo que le han dichu en esa ehposicin de retratuh, de loh que te vengu
informandu. La verd eh que apeteci dalsi una vuelta pol la jesa en cualquiel tiempu, peru sobri t
ahora en el otou, y mh pa ti en primavera. A que t te acuerdah dellu.

La SEHTA ruta va por el campamentu aondi ehtuvierun loh francesih cuandu en una guerra moh
quemarun el pueblu. En tapiah de corralih ha apaecu piedrah reondah que antiguamenti se usaban
Belsana. Noticias alreol de l'estremeu

comu si fueran balah. Lah dejaran olvih. Mah alantrinu eht la Cruh del Caminu del Pozuelu y un
jerraeru de vacah y bueyih. Esa Cruh siempri sa conocu pol la Cruh de loh Borrachus, ahora ya
cah, nu. Era el lugal dondi los del Guijitu dehpedan a loh amiguh del Pozuelu cuandu venan de
rendil cuentah a loh condih de Galihtu, del que dependiabamuh dieh puebluh; y al pi desa cruh le
daban el ultimu tientu al pelleju de vinu, cantaban y se dehpedan hahta la prsima. Siguiendu la
calleja alanti llegah al Vallivaluengu, loh gertuh del Mdicu, y ehth en la puenti del Majanu,
aondi sa juntan la arroyu Brucea, que vieni del Pozuelu, y la arroyu San Marcuh, que vieni de los
prauh de Aceituna; y de ah pa baju se llama la Arroyu Grandi. Si siguih por el caminu del
Pozuelu, llegah a la Ca, por ondi iban antih loh ganah de Cahtilla y pueh vel antova el tejal de
to Pahcual, el de to Ambrosiu, el de to Grigorio y l tenan en la mihma ca to Cecilio y to
Isaah. Peru tieni mah que vel cogiendu la royu abaju dendi la puenti el Majanu, asina pudih
recordal cuandu t erah tejeru en el del gertu loh Podituh. Mh abaju est la pehquera pa lleval el
agua por el cau al molinu de Urbanu, veh el podu la Fuenti; siguih y llegah a la pehquera del
Arenal, la que sujeta al agua pa el lagal de lah Pasaerah, y dendi l veh lah pasaerah que tienin milih
de auh. Un poquininu mh abaju eht la pehquera del molinu de Colorih; y atravesandu la carretera
te topah con la pehquera pa el molino de to Juan Molineru. Algunuh tienin ruluh y en th elluh veh la
piedra con un canalinu porondi ehcurra el aceiti y loh morejonih.

Y termina la Egposicin con la SGTIMA ruta. Empieza en la Cruh del Monti, aondi tantah vecih
hemuh ehperu cuandu eramuh chiquinu a loh caballuh que venan de la romera. Y ya de mozuh
cuandu ibamuh a la romera no reparbamuh en n, n mah mirandu pa vel aondi iban ellah y con
quien. De t ehtu tacordarh. N mh llegal a la puenti lah Tirah a la derecha, a la fuenti lah
Colmenah, y enfrenti ehtn loh rehtuh del primel lagal de pueblu, se llama de lah Jierrah, tieni una
piedra pa ehcurril el adeiti mu bonita y un morejn mu chiquininu. Idin que si eh del siglu quinci. A
sabel, t. Y volviendu a la carretera siguih hahta la Cruh de loh Carrilih, que que tieni nmeruh
ehcritu en la peaa, comu casi toah lah del pueblu; y al llegal aqu, pueh tiral por el caminu de
Morcillu, veh la fuenti lah Mimbrih con lah pilah que tieni de cantera, igual que lah del Poditu
Santu pa que bebieran del pozu lah personah y de lah pilah, loh animalih. Mira si eran lihtuh loh
antiguh. Pueh vel mah abaijuno la hora que eh en el rel de sol que hay sobri una pizarra mu grandi.
Buenu, si tu sabih mu bien dondi eht cuandu fuihti cabreru, que buenah siehta te echabas a la sombra
de la pizarra. Llegandu a loh Canalih, tirah a la ihquierda, llegah a podu Matasanuh, y de all a la
ermita de la Virgin del Antoln, la Patrona del pueblu. La Virgin, esa s que eh del siglu XIII,o comu
muchu del XIV, segn han dichu profesorih de la GUEX, no se si eht bien bien nombr con esah
letrah la universiad que tenemuh en Ehtremadura paque ehtudin aqu y no tengan que ilsi, comu antih,
a Salamanca. La ermita eh mu bonita, y la Vilgin, mh. Qu bailotu en aquellah romerah. Y pa subil
pal pueblu, subih carretera alanti, te refrehcah en el podu Matasanu, te sientah en la cruh del
Dehcansaeru, comih un cachu pan y tortilla sobranti, le dah un buen tragu a la bota, y a seguil
caminandu hahta la Cruh de loh Carrilih, otru dehcansu y otru tragu, y ya cara a casa. Ehta ruta eh
la ms larga, quiz sean unuh 14 kilmetruh. Peru hoy la genti tieni muchu tiempu de vagal, asina veh
un jotril de genti por una Ruta y por otra, unuh andandu, otruh en bicicleta, y otruh en caballuh, comu
el que te diji del Senderismo pol la Jesa.

Eht el pueblu revueltu con ehti il y venil de forahteruh. Y t, queru amigu, comu no pueih venil, ma
alargu en la carta, y asina ella y tu con el pensamientu c da jadih una Ruta. Sentirh penah, peru
no tacobardih. En esi pah vos a u mu bien, habeih criu a vuehtruh hijituh y a loh nietinuh; pol
ciertu si alguna veh vienin algunu de tuh hijuh o nietuh al pueblu, no olvh que tienin una casa aondi
comel y dormil, y pol dehcontu un ehcau dondi sentalsi, y una buena lumbri. Me idi ehta ma, que
ya empieza ajegoseal, que habel cuandu acabu, que quieri mandali muchuh recatuh a la tuya, que
Belsana. Noticias alreol de l'estremeu

sacuerda muchu della, sobri t de cuandu eran mozah y que habel si pueih venil pa que hablemuh,
pos asn la genti se entera mejol que pol lo ehcritu. Ahora pol loh Santuh abrimuh la pitarra, cuantu
macuerdu de loh tientuh que le dabamuh a la tinaja cuandu t ehtabah por aqu.

Y mira por ondi vieni habelmi unu de Calzalla, -moh llevamuh bien dendi que ibamuh a loh toruh en
loh Crihtuh-, pueh porehtuh pueblu no loh haba y siempri se port mu bien; y ma leu ehta carta y l
comu habla mu bien, casi no la entiendi, a parti de que van cosas particularih, de la ma pa la suya y
de mi pa ti, y pa naidi mah. Y ma dichu que se reunin genti de muchu ehtudius ehtuh dah en su
pueblu, y que pa ajondal en muehtra manera de hablal, comu lo jidu cuandu eramuh muchachuh un
tal Matuh recogiendu cantaris, que iban tu madri y la ma, polque tantu una comu otra cantaban mu
bien y tenan muchu ecu. Y yo le dichu que llevu una semana pa terminal la presenti, que pa leel no
matrevu, se lo dir al mh grandi que no le importa hablal comu musotruh, cosa que el chicu seht
volviendu mh seoritucu y no le guhta.

Y le digu a ella: quierih que vayamuh a Calzalla a vel cmu eh esu, y mira, a cabrehteu bien, cosa
que no ehperaba polque lo suyu eh trabajal y trabajal, nunca le dueli la ravalla comu a m, eh comu el
aceru. Hemuh apareju la jaquina, yo mu pinchu y ella mu recompuehta, moh hemuh venu hablandu
comu si fueramuh unuh recin casuh. El muchachu ley parti de la carta, a la genti le guht, y ella
mu contenta, ma dichu cogiendumi por el brazu: hemuh jechu bien en venil, molluquijeri el trabaju.
Y yo antoncih me levantu y invit a toh loh seorih a que vinieran a vel el pueblu, y que pasaran pol
la bodeja que me he jechu en el tesitu a echal un tragu, y se lo diji con ehtah palabrah:

"En ehta tierra somera y seca, la parra tuerta jinca lah raici debaju de la pizarra pa chupal el jugu pa
alimental a loh gaju. Loh vinu que salin hay que venerallu por el saborcinu suavi, guhtosu y valienti
que alegra el alma, quita penah y dolori de cuelpu y dan ganah de jolgoriu". Ma plaudierun. Y ehti
aplausu te lo mandu a ti y a tu mujel con muchuh recatuh y abrazuh muh y de la ma. Adis, mi
buen amigu. Se dehpidi ehti que lo eh en Guijo de Galisteo.

Biblioteca Virtual Extremea - http://biblioteca.paseovirtual.net