Republic of the Philippines

Western Mindanao State University

College of Education

PST Name: Keziah N. Llenares Date of Revision: April 4, 2022

Subject Mentor: Lorvi Grace Estrada Date of Teaching: April 7, 2022

Lesson Plan in Mother Tongue- Based Multilingual Education I

I. Objectives

At the end of a 50- minute lesson, the Grade 1 pupils are expected
to do the following with at least 85% of accuracy;

a. tell that verb in future tense are action words that will happen in
the future
b. identify verbs in future tenses; and
c. create sentences using verbs in future tense

II. Subject Matter

Topic: El Verbo na Tiempo Futuro
Reference: Aprende kita Chavacano Libro 1, page 67-70

III. Materials
- PowerPoint Presentation, laptop, pictures

IV. Procedure

A. Preparation

Buenas dias maga bata, yo otravez si Maestra Keziah el de

ustedes maestra para este aga. (Buenas Dias tambien Maestra
Keziah!) Ketal ya ustedes? Preparao ya ba kita? Pabor pichi el
heart button. Muy bien! Sabe iyo sabe ya ustedes el cosa maga
necesita ase si taqui kita na online class y junto ustedes con
Maestra Keziah. Cosa el maga necesita ustedes acorda si taqui
kita na online class? (Sera el micropono si hende ustedes ta
conversa y si hende ta llama si Maestra Keziah, pichi el raise hand
button si quierre participa na clase, uwi buenamante na clase, abri
 el maga camera para puede si Maestra Kez mira kien ta pone
atencion na clase) Muy bien! Gracias maga bata.

1. Motivation

Maga bata, tiene io aqui dos puerta. Unu color asul, el

otro coloraw. Ahora, io ay llama un estudyante para escuhi
uno aki na maga pwerta ya prepara io. Y despues habla
ustedes cosa ta mira con el litrato adentro. Ya intende ba
con Maestra Kez? Muy bien!

Kosa tu ta puede mira na litrato? (un hombre) cosa ele ta ace? ( ta

barre el sahig) Muy bien. El hombre ta barre con el sahig. Para contigo si
ta barre ba kita sahig ta mobe ba el diatun cuerpo? ( si) Muy bien!
Gracias.

Mira con el litrato, cosa gaha ta hace el bata hombre ? ( ta nada)

muy bien, para contigo si ta nada ba kita ta mobe ba el diatun cuerpo? (si)
 Ahora maga bata, base na de atun dos letrato, cosa-cosa sila ta
hace? (Ta nada y ta barre) Cosa kita ta llama koneste maga palabra?
(palabra ta mira accion) Muy bien! El maga palabra ta mira accion o ta llama
tamen kita verbo y tiene este koneksyon na de atun leksyon este dia.

B. Presentation

Ahora, tiene io storya ya prepara para con ustedes. Kere ba

ustedes oi un storya? (Si) Muy bien! Oi buenamente, kay luego
tiene yo maga prigunta para con ustedes. Preparao ya ba todo?
(Si)

Si Abel y Si Autobot

Un bata na primero grado si Abel. Bien alto el ambición de suyo.

Quiere ele queda un experto na ciencia y hace un robot algún día. Todo'l
dia ta plaña si Abel para con de suyo robot que ay nombra ele, Autobot.

Ya pregunta con Abel el de suyo maestra y este ele ya habla.

"Yo si Abel Perez. Ay queda yo un científico al llegar el tiempo. Ay

inventa yo un grande y poderoso robot.

Ay ayuda ele con todo para hace facil y alegre el vida. Este robot
ay nombra yo, Autobot.
 "Si Autobot ay lleva alegría con maga bata. Ay juga kanila hasta
cuando sila quiere. Despues, ay ayuda ele comigo na maga trabajo de
escuela y de casa. Ay lava le ropa, Ay coci le y ay lava le plato para
comigo. Ay hace le todo cosa yo ay manda. Ese de mio Autobot!"

"Perdón. Abel. Si todo maga cosas si Autobot ya ay hace para

contigo? Cosa tu hace?" el maestra ya pregunta.

"Ay mira yo television. Ay dormí yo, Ay descansa yo, Ay.....cosa

gane yo hace si ele ya todo hace? Ay queda yo flojo si ansina." si Tonton
ya pensa.

"Señora Saavedra, puede ba tu comigo dale tiempo. Ay pensa y ay

plaña yo otra vez el de mio robot de futuro."

Ya sonri el maestra. "Tu cuidao, Abel," ele ya contesta.

a. Comprehension Check- Up

1. Cosa el ambicion de Abel?

What is the ambition of Abel?

(El ambicion de Abel kay quere le queda un experto na ciencia)

2. Cosa-cosa ay hace si Autobot para con Abel?

What are the things that Autobot can do for Abel?

(El Autobot pwede ayuda kunele lava de suyo ropa y plato, y ay cusi
para kunele. )

3. Porque si Abel ya pidi tiempo para pensa y plana otrovez el de suyo

robot de futuro?
Why did Abel ask for some time to think and plan for his Autobot?

(Kay ya pensa le si todo trabaho hace si Autobot, queda le ploho.)

(Because he realized that if Autobot can do all of his works, then he
will get lazy)

4. Igual con Abel, tiene ba tu plano para del tuyo futuro?

Do you have plans for the future like Abel?
(Yes—students share their plans)

C. Comparison and Abstraction

 Ahora, tiene io maga oraccion aqui. Le anay si Maestra Keziah con
ustedes.

1. Ay ayuda ele con todo para hace facil y alegre el vida.

He will help me to do my work easier and faster.

2. Ay lava le plato para comigo.

He will wash the dishes for me.

3. Ay mira yo television luego.

I will watch television later on.

4. Ay pensa yo otra vez el de mio robot de futuro.

I will think again of ways for my future robot.

5. Ay plana yo para na de mio Autobot.

I will plan for my Autobot.

Cosa palabra el tiene linea na primera oracion? (Ay ayuda) Muy

bien! Cosa ta dale mira este palabra? (accion o movimiento)

Cosa palabra el tiene linea na segundo oracion? (Ay lava) Muy

bien! Cosa ta dale mira este palabra? (accion o movimiento)

Cosa palabra el tiene linea na ika tres oracion? (Ay mira) Muy bien!
Cosa ta dale mira este palabra? (accion o movimiento)

Cosa palabra el tiene linea na ika kwatro oracion? (Ay pensa) Muy
bien! Cosa ta dale mira este palabra? (accion o movimiento)

Cosa palabra el tiene linea na ika singko oracion? (Ay plana) Muy
bien! Cosa ta dale mira este palabra? (accion o movimiento)

Observa con el maga oracion, cosa palabra el ya usa antes el

maga verbo? "Ay". Este palabra ta usa para indica o dale mira kay el
accion no hay pa hace o sucede. Este amo kita ta llama verbo na
tiempo futuro. Este maga palabra amo el maga ta plana or ta pensa
palang hace.

Por ejemplo:

1. Ay ayuda ele con todo para hace facil y alegre el vida.

 He will help me to do my work easier and faster.

2. Ay lava le plato para comigo.

He will wash the dishes for me.

3. Ay mira yo television luego.

I will watch television later on.

4. Ay pensa yo otra vez el de mio robot de futuro.

I will think again of ways for my future robot.

5. Ay plana yo para na de mio Autobot.

I will plan for my Autobot.

D. Generalization

Maga bata, cosa kita ta llama verbo akel ta dale mira el accion no
hay pa hace o sucede? (Verbo na tiempo futuro, verbs in future tense)
Muy bien! Despues, cosa el verbo na tiempo futuro? (El verbo na tiempo
futuro ta habla accion o movimiento que no hay pa hace o sucede).

Cosa palabra kita ta aumenta para sabe kita kay el verbo na tiempo
futuro? (Ay) Muy bien!

Kien pwede dale ejemplo usando el verbo na tiempo de futuro y

despues usa na oracion.

Otro vez, numa ulbida el verbo na tiempo futuro ta abla por el maga
accion o movimiento que no hay pa hace. Este maga accion ta plaña pa lg
o ta pensa pa lang hace el un gente.

E. Application

Direccion: Le y identifica con el verbo tiempo de futuro que ta pwede mira na

oracion.

1. Ay queda yo un cientifico al llegar el tiempo.

2. Ay hace si Abel un aeroplano que puede vola na cielo y corre na agua.

 3. Ay hace ele un robot algun dia.

4. Todo cosas ay hace ya si Autobot para con Abel.

5. Quiere si Abel que ay vende ele con Autobot.

6. Ay pasea el entero familia para na Isla de Sta. Cruz

7. Ay canta yo el favorito cancion del de mio Abuela Pilar na Sabado.

8. Ay dale kanamun regalo si Tia Susan luego tarde.

9. Ay buta io basura luego.

10. De mio nana ay siembra el maga flores mañana aga.

V. Evaluation

Ahora, para pwede gat mira si Maestra Kez kay ya aprende gat
ostedes na di atun leccion para este diya, tiene pa kita un actividad. Man post
lang io este na de atun MS Teams si kabaw ya kita na de aton clase. Le anay
io el direccion na actividad.

Direccion: Hace oracion ta usa maga verbo na tiempo futuro na maga

numero.

1. Ay bayla (will dance)

Sentence: ___________________________________

2. Ay canta (will sing)

 Sentence: ___________________________________

3. Ay limpya (will clean)

Sentence:___________________________________

4. Ay huga (will play)

Sentence: __________________________________
5. Ay laba

Sentence: ___________________________________

Maga bata ya intende ba ostedes el leccion di teacher? ( si) pabor

daw pitchi el corazon emoji si ya intende con Maestra Kez. Gracias maga
bata asta aki ya lang el di atun leccion para este diya. Adios y Gracias!