Re’ panchua suq ruk’ux luaq’tatb’al
Ma tz’e’ej qujank’al ma’ kansiniel
Ma hinwii’ chuhqiel, reh hinkik’am yukuh
Reh hinchuhb’eje.., naa haq’awach
E eqal nim ruq’iij hawak’aal
Qahki sakej maj ixb’il tinamiit
Chajb’iel wach, hinpuri b’ajal hatiik
Xeq’tujenik, o kimih ruyuquuj
CORO
Chajb’iel wach, hinpuri b’ajal hatiik
xeq’tujenik o kimih ruyuquuj
Hatinamiit, kux ransil wach ruk’ux
piet kamnaq i hinqu chuqb’aliib’
Pech maj rijib’ i kochik, hak’ahaam
hat xa’an pech ransil maj haq’ab’
ma’ ch’aab’, tuhkalb’al wach ak’al
i ma’ ch’ihch’ riesaa wach, nim q’iijb’al.
Qataatb’ies xikamani jenaj q’iij
qopolkie’ chi paam qak’aliil
ihkipehquu i quh kich’ulkiib’ pech kik’
reh tika’nab’ji pan jenaj kirua wi’aab’.
CORO
Ihkipehquu i quh kich’ulkiib’ pech kik’
reh tika’nab’ji pan jenaj kirua wi’aab’
pan qak’aliil, ransilb’al q’orb’aliib’
ihkiyie’ k’acharik reh naab’al
Re’ hak’utb’al, junch’aq wataxaaj
Pa’wii’ ch’ili rusaqiil jenaj suutz’
I pa’wach qu hinrila’ rukuril
Ku’ ruch’ulb’al hinraa hinruch’ul.
Maj hawak’uun ransil nim kiq’iij
Hinkiyie’ kik’ux reh kirua k’acharik
Qu jank’al ke’li naq wili k’aa
Naq kiche’jie rak’aliil ch’ehe rupaat.
CORO
Qu jank’al ke’li naq wili k’aa
Naq kiche’jie rak’aliil ch’ehe rupaat
Xare’ ruk’ux nim ruq’iij pech runaab’al
I luaq’tatb’al qak’aliil ruluaq’tatb’al
Ja’liwach qukirua k’uyu’sb’al
Reh ki’ib’ mermi ha’ hinq’orwi
paruxiik’ reh intier rikuhkiil
Tituurji ru’um b’ajal k’uuq chikop
Qoj chikop re’ wili wach ruwi’aab’
Che’jiniel reh intier hawak’aal
Ajnaq hinpuri ko taxaaj
Tik’i naa reh saq k’uch i ma’ xihk’
CORO
Ajnaq hinpuri ko taxaaj
Tik’i naa reh saq k’uch i ma’ xihk’
I naah ruxiik’ rujuasa ko taxaaj
qu juruuj sahchiwach ch’un hab’ih.