PICHINKUCHAMANTA

Shaynas kasqa iskay turakuna uwijata

michisqaku Qururu nisqa cumunidadpi, chaysi
munti muntipi wichayta qawariruqtin huq
pichinchu q’isatata rikurusqaku, iskaynin
irqikunata anchatas kusirikusqaku.- hakuchu hay
q’isamanta pichinchuchakunata ayparuspa
uywana? Nisqas uchuykaq, ari, nuqa sach’aman
seqasaq ap’iruspañataq haywamusayki nisqa
kuraqkaq…

Sach’apatapi kachkaqtinsi taytan rikuriramusqa,

maypin kachkankis nispas wahakachariskuspa
nisutaña kulirarusqa, sach’api kaq maqt’aqa
upallallas uyarayachkan pinchinchuchakunata
milqayurukuspa, phiñasqañas taytanta wichayta qawarirusqa, chay patapi rikuruqtinsi rinigayllapi rumiwan
ch’ankasqa wawanta, uraykamuy qilla maqt’a, maypin uywakunan nispa, kuraq kaq maqt’achaqa waqayuspas
uraykamuchkan. ¡Imamantas siqarankiri! Imatataq hap’ichankiri nisqas huq makillawan hap’ipakuqtin,
hanayhanaychamantaraqsi urmarparisqa panpaman paqt’achaqa, hinas pichinchuchakunaqa yaqalla ñitisqa
wañurapusqaku, chaysi taytanqa qawarirusqa imatapunis kay maqt’achaqa apamun nispa. Chaysi
pichinkuchakunata ap’iruspa kunkachanta qiwiruspa sipirapusqa.

Añay …