+

Iwia Etsajai
Aújmatu: Nuyánka Chikíchik iwia najánawarmia tímiai. Iwiá jintiín Etsa jeá
jeámuk pujámunam jeámiai tímiai.
Iwia: ¿warí tirankí aitkia pujúram?
Etsa: apachí jeán jeármatsan jútikiajai.
iwia: wi tirankí ijiuttiajme? ame kutsaitia.
Etsa: ayu
Aújmatu: nuka Etsanka ukúrkui paú awájturkui, juni tuja enkemámij tusa ,
junish tunkekasa taús, nuní enkemás pej pej awajmiai timiai. Paún tujat
awajtuamia timiai. Wa asamtai kutsatak wanam tuja enkemá pepéreta jinki
awánkemas iimiai, timiai.
Iwia: páitia, pai; pai itiursájmea.
Etsa: !tsu!, !tsu!
Iwia: Chúk! warí túruta.
Etsa: ¡tsu!, ¡tsu!
Iwia: Chúk! warí túruta.
Aújmatu: tu tai pankás iistaj tukamá, wainkiamiai, wishikiú awánkemtan.
Iwia: maj tirankí neká nekápsataj tukamán áitkiajme maatjam tusanka
aitkiachjamé.
Etsa: Atsá apachí mantuáchume.
Etsa: yapitian arátaj. Apachí nunká pujustá, túram júuktá tukú akákeakui.
Aújmatu: núkap antar páapar ewekatmia, tímiai, túram níinkia ampújchirin
junút, mukáachirin junút awajtimia, tímiai.
Etsa: Apachí ampujen mukut, muuken mukut awajtakum, shimpiántikrame,
tukátsjai.
Iwia: jajá, iniaisatjai nuínkia tirankí.
Aújmatu: tura Etsa warúk páapar awajtimiayi.

1
Etsa: ees apachí, mukuntsumna aí imiánkas pénker tukúrjame, mukunáwaip,
aitkiasmek matsákar matsákar ematá, árum yuamnium.
Iwia: ayu tirankí.
Aújmatu: Turá turákua, ma núkap najánamiayi. Tura Etsa naekan aktrarmiai
timiajá.
Etsa: enkástarum naeká, tijiuch jui pujusáirap, yajá wetarum.
Aújmatu: Tu tai naekka, penke arant, yajá wearmiayi.
Etsa: apachí naek utsurtumutá.
Aújmatu: Iwia… naeka eak waitiawai, tsekeawai, iniawai, taj kiniaawai,
shushúmeawai, nantáwai, waitiawai, tsakús ajawai, kitiamawai, entsa
umawai, uuteawai, waitnentmai ajamiayi.
Aújmatu: Etsa juárak, chinki ukutámurin, junút junút mukutramun, ampujén
mukutrámuncha, muukén mukutrámuncha, suut suut mayain umpuntawar
aépsarmiayi. Nuyá chinki nantarármia timiaja.
Etsa: irútmar jinkiátmataj tákui, nanámprakrum, supárat tákuram jinkiarum,
takuirum yapítnium tak ekéntiárum.
Aújmatu: Etsa, nuka ainiak enentaimia… tepémiayi. Iwia naekán weká
wekátakua, wainkiach, yajásmá naekchiniak utsurtúmas pimpiki tamiayi.
Etsa: Apachí naek waitrumkámek?
Iwia: Atsá, yajáuch naekchin wainkiájai tirankí.
Etsa: ma nújainsha anánmitia.
Iwia: anáitjiai
Etsa: nekás apu ainiana nu irurtá apachí, nekás uunt áiniana au, nuá nuá,
kuyu áiniana áu, máshu áiniana áu, irúrta. irúmpram jinkiatmatá.
Aújmatu: Iwia, nekás apunak apunak irúr jinkiátajtsa naek achíram, supárat
tuiniak, másh irúntur nanámuk, júsank yapítnium tak ekéniarmiayi.
Iwia: Ma, tirankí, iniáttajai, achirsátarmea!!!
Aújmatu: chinki Iwián achís pujuriármiayi.
Chinki: ya, ya, jukíttia, ya, ya, jukíttia.

2
Tatásham: wi jukítjai, nu múuke ampujé mukutámu asa.
Aújmatu: amaini, nua shiram, sechakuim nua, nakurú pujúarmiayi.
Sechákuim: jujajáiiii, jujájaiiiii (enkenairar wishiarmiayi)
Etsa: Au apachí nuatkáintmetska?
Iwia: tírankí jeánka itiurkának núatkashtaj?
Etsa: Já ja jukíttiajme apachí.
Aújmatu: Nuyánka tatásham júutakmiayi, itiur nanámniuit, pukúnt, pukúnt
kammiayi.
Iwia: ajá ajákrame, tira tiránkí, ajá ajákrame, ajá ajákrame, aráa, aráa.
Sechákuim: Jujajáiiii, jujajáiiii,( mai japíniai ajármiái).
Etsa: aú, apachí nuatkainmetska jeámka?
Iwia: Aúka tirankí, jeánka nuátchakna iwiáskunka.
Etsa: Jája, apachí, nuatkamnium ejétajme?
Unkum: Wi jukitjiai.
Aújmatu: Unkúmish pukúnt, pukúnt awajsamiayi.
Iwia: Tsa, tíranki ajakrústatuk ewekátui.
Sechakuim: jujajáiiiii, jujajáiiiiii
Etsa: Aú nuátsaintmétska apachí?
Iwia: Ee aúka tirankí, jeánka nuátkattajai timiá shiram ainiancha.
Etsa: jajá, ya jukittia.
Tsukanká: Wi jukitjiai
Aújmatu: Tsukankásha pukúnt pukúnt awajsamia tímiai.
Etsa: Apachí yamáikia nuntumsají. Au nuáttsainmetska apachí.
Iwia: Páchitsuk nuatkáttajai ma nuntumtaimsachjak tirankí?
Etsa: ya jukittiá
Kuyu: jukittjiai wi.

3
Aújmatu: kuyuka ti pénker wéj awájmia tímiai.
Tatásham: wi jukitjiai
Iwia: Atsá, tírank tatáshmaka ajákrustatuk ewekátui, tírank kuyu imiá pénker
juráwai, tírank aúntsjai au imiá pénker juruiniawai.
Aújmatu: Yamaikia ekénsashtai, iniámtikrashtai, ekéntmajai métek, júkar,
júkar awájsatai. Ja kijín kijín, ja kijín kijín, táunash, ja wámpu wámpu, ja
wámpu wámpu, mai ju, mai ju, nekás nu nua matsatmanum tseként ejé
ejéam, nuíkia núaka menkár, aya entsak káanmatak pénker shakápatin
ajámunam namak cháker ajámunam, apújsarmiai tímiai.
Etsa: apachí itiurkáentmek? tsentsának untsúrmini wátsek ju námak wákna
nu, cháker ajána nu, pánna pánna amáta.
Aujmatu: túramu, pánna pánna ewékamuk, wákachmin, ewékamkui,
menárminish, menárminish apachí nekápsakia nu, tu tai menárinini júnaka,
numín achímtikias pujúras, menarínini ijiútaj tukamá sánia, ijiútaj tukamá
sánia, ijiútaj tukamá sánia, awá awájkua, níi ijiúmuchin ijiúakui ikiukiármiayi.
Etsa: námak wákachmin awajíp apachí, menárminini ijiúsam yu atá, juka
juínkia samikín aratátjame.
Iwia: Ayu
Etsa: kayánam juni pujustá, juni túram, juní awánkemsam jukár júkar
amájminiam apachí.
Iwia: ayu, káme juní jukár amátjai.
Etsa: ja samik samik, ja samik samik
Aújmatu: turamu, úunt samik, numi uunt ajatsámiayi. Nuyá numín kayán
netsépmatkia ikiukíarmiayi Maránunam.
Etsa: namakán achirmáktaj tukamá, esátai ushurín úteawai ajáimp, tuma
arúmame, kusúiii, kusúiii.

4
El ambiente o escenario: es la selva amazónica
Los personajes son:
Aújmatu Narrador o narradora
Iwia Gigante antropófago Cargado un shikiar y una hacha de piedra.
Etsa Hombre guerrero (sol) Con una lanza
Chinki: Pájaros Pavas, faisanes, carpinteros
Tatásham Pájaro carpintero Cabeza pelada y rabo pelado
Sechákuim Mujeres bonitas (3 o más) Que juegan y ríen jujajáiii, su traje es azul brillante
Únkum Ave negra
Tsukanká Tucán
Kuyu pava

Yamanua Juank
COMISIÓN ORGANIZADORA