JANUK’ARA

Qillqiri: jilata, Edwin Usquiano Quispe

Januk’arax jisk’a t’ampha ch’uxña aliwa. Aka quran alipax juphjam ch’uxña pallallanakawa.
Ukatx uka alinakapax waña pachanx qaqaruw tukuwayxi. Ukjamarus alinakapax janiw anch
jach’anakäkiti, tantiypachanakakiwa. Inas junt’u uraqinx jach’anak alirakchispa. Aksa suni
pata uraqinx jisk’anakakirakiwa.
Januk’ar alix kawkha parkins pampans yapu taypinakans jilakiwa. Jilpachax jallu pachanx
taqituqin sartaraki. Juyphi pachanx laqakiw wañstawayxaraki. Janiw anch awantkarakiti.
Ukampis uka pachax janirakiw añch utjkiti. Mä qawqhanakakirakiwa. Ukhamarus wali
jisk’itanakakiw uraqit mistsuraki. Ukatx kusa qullarakiwa.
Aka qurax purak kharitanakatakiw wali kusaraki. Ukatx chhuxrinaks kuna kharitanaks
qullarakiwa. Ukampis laka t’ijitakis walirakiwa. Januk’arax aptasax jarsuñarakiwa. Ukatx
laka p’iyarurakiw achxaruñaraki. Ukat jank’akirakiw laka th’ijx apaqaraki. Mätuqitxa, kharit
jaqinakatakix akjamaw wakichañaraki: nayraqatax januk’arax ch’uxñitkamakiw
apthapiniña; ukat jarsuñarakiwa. Ukatxa, wali ñut’u piqsuñawa. Ukxaruxa, kawkhatix
kharitak ukäwjaruw sapür uchaña. Ukjamat uka qurax sum jakayaraki.
Januk’arax markachiritakix wali aski qullarakiwa. Ukampirus walirakiw gastritis ukatak
sasaw sapxaraki. Janiraw sumpach yatiskiti, sumpach yatxatañarakispawa.