TZAAMANK

Xbeen li qawachin ut li qanachin wankeb junaq xchajom, nake xsik junaq tuj
ixq, re te xtzaama choq rixakil li ralaleb. Aban chi rubetal nake xke reetal junaq li
saajil tuj ixq, chan run a wam, ma tiik xchool, ma tijbil, ma sa tiikilal na behek, ma
maaka ratin baraq, ma aj kanjel, chan run a wan li xjunkabal li xna xyuwa, ma
toj uuchin ani na raatinaheb, Naq ak xe xsik ani te xtzaama, nake xye karu kutan
te xik xpatzbal, junxil li komon nake xchap li kutan Romink, xbanaq aan jun
hilobaal kutan, ut nake xsik ajwi junaq cheekal winq re na oksin aatin, wi li
yuwabej inka nake xnaw aatinak.
Toj eqela nake xik, Ut naq nake hulak rikin li qawachin, laj echal kabl li wank
rixqaal, nake xke xsahil xchool ut chirix aan nakoxe wiqla chiru li jalam u li
ochoch, mare Toloors maraj San Maars ut noko xe xkat xkanteleb chiru li jalam u
aan, ut naq nake raqe xkatbal li xkanteeleb li sumal aan, nake xke xsahil xchool
laj echal kabl, tojo naq nake xye li raatin.
Chakuyaq qa maak chankeb, xoochal chaq awikin ut ma taraj karu la kas, ma
taraj karu la chapom, maaka lajlo muqmukat wi, xoochal awikin xbaan naq jun li
kaux naqa kam chaq, xoochal, xoowakli chaq, naqa kam chaq sa la wochoch
, chanchan li uutzuuj na sununnak chanchan li azucen, anajwank naq
xoochal sa la wochoch, sa xkaba naq wan jun la china ixqaal ut sa
xkaba wan jun li china winq nakoxlak chaq, ut chirix aan li qajom,naqaj
aatinak awikin xlaqankileb xyuam li saajwinq, aban naq kamaan xo xkanab li
qawa yos, ut jokan xo xkanab li qa yosil,jokan ajwi xo xkanab li qa tzulul
qataqaal, naq li qa yuwa yos ki xkanab chaq li ralal kajol, jun winq jun ixq naq ki
xkanab chaq chi jokan naq kamaam yooko chi xbanunkil anajwan, li jokeal ki
xkanab chaq li rasient yos ut li jesukriist, aan li yooko chi xbanunkil , inka raj ban
toa tzeq, inka rajban toa hoy, inka raj ban toakanab chi maaka tooruq
xbanunkil, tento raj naq tooatzaq res , aan li qajom atqana atqawa at
waswiitzin , xbanaq jokan xe xye chaq ut jokin xe xkut chaq li qana ut qa yuwa
junxil. Tinkanab ob tuxtun, sa xpulaat la jalamu chan, ut aran xkanab li tumin.
Chi rix aan xchaqok la eechal kabl:
Naxuwak bayak, ee chan xaq ut naxye chi kamain: kaxaq na ok naka ye qawa,
kataxaq i-ru nake kaoxla, ninxuwak xaq e baan ex waswi iitzin, maaka ixq,
maaka nimla poyanam arin, wan jun in kachin toj kachin, toj kulaal, maji na xnaw
xkanjel, maji na xnaw mesuub, nimla ixq ta te raj, aj kanjel tana te raj, inkachin
lain maji na xnaw keek, kuubank ut maji na xnaw i s, maaka t-ruuq tinye, ka
xaq na ok nake banu, xok xaq la china tumin ut maaka tin ruuq cha sumenkil.

Na chaqok laj tzaam:

Aah, inka ban chan laj tzaam, tento ban, naq ta wabI li qa patzom, tento naq ta
sumelan li qaatin , moko ye eet batzunk ta naq xo chal, xo chal chi anchal qa
chool ut anchal li qaam, jokan xye xyuwa li al chaan li cheekal winq li yook chi
tzaqamank ut naxye: mare tawaj ta wabi bayaq li raachin.
Ut na aatinak li yuwabej: qawa Kiib oxib ta li waatin tinye xbanaq, inka jwal
ninnaw aatinak, yaban xoochal ban awikin, yaal ban yooko xyebal ut moko yal
yalok ta qe ut moko ye batzunk taqe, jokan xye chaq li qa yum, chaank li
yuwabej.
Na chaqok li xyuwa li ixqaal:ka mokot t-ruuk ta, moko cheek ta lin kachin, ixq te
raj twa bI, sikomaq junaq e re ak us wi, chan. Ut aran na ok xqaxsinkil li tumin li
nake xke sa li pulaat ut aran na chaqok wichik laj tzaam ut na xye: inka ban
qawa, chakuy ban qilbal toj toochal wi chik, se saawo wi chaq chik, taakuy
koybeninkil ta baanu usilal moko et batzul ta naqa kam chaq, tqakanab wi chik
li qatumin ut toj taakuy qilban chaan ut nake qaj chaq sa li rochocheb.
Li qawachin wan rixqaal ak na xboqeb chik li xyuwa ut na ut jokan ajwi na xyuwa
li rixaqil ut nake ok chi kuubank re te xsume laj tzaam ut eb li wachinbej nake
xye: mare us, qabiiq wan ut jun chik, us wachik naq xe xtzaama mare inka chik
xole xtzaamaq chankeb.
Xe hulak wi chik xkasutil laj tzaam
Nake wiqla wi chik chi ru li jalamu San Maars ut nake xkat wi chik li
xkantelebnaq nake raqe chi tijok, nake wakli chaq ut nake xke xsahil xhool laj
eechal kabl, ut nake ik wi chik chi aatinak.
Xoo chal wi chik awikin qawa, takuy qamaak xbanaq xo kulun ajwi jun xaman
awikin, xo aatinak chi chaabil, inka jwal kulrib li qatin ut kaj ban naq toj tcholaaq i-ru li barwan naqa ye xbanaq moko ya eet ut batzuul ta yooko
xbanunkil, ku xqa ye ta qayalaq wachaq mare to cholaaq ut mare inka, chankota,
xo chal ban chi anchal qa chool ut li qam, ayi xnaaj rochoch li saajwinq aan li xye
chaq li qachool chaan laj tzaam.
Ut nachaqok laj eechal kabl
Ka ta wi ru tinye ere, xqa ye raj bi ere naq inka ut toj kachin li ixqaal ut maji na
xnaw xkanjel,habi wa karu naka ye, xe kulun wi chik laj tzaam chan re li xyuwa
li xyuwa li ixqaal ut aran na chaqok li wachinbej ut na xye:chan put ru naka
kauxla at in kumpaal, maaka ixqaal ayi, jo xye li walal li xko toj kachin, mare
cheek ut na xnaw xkanjel te raj ut jun chik mare wan rixaqil le ralal matqanaw ta

bi, mare xkab ixq te raj wi chaan. Ut nachaqok laj tzaam: aah inka chi anchal qa
chool xo chal chaan ut nachal li wachinbej na xsut qis wi chik xkasut li tumin ut
laj tzaam naxye inka ban qawa taakuy ban qilbal ut qabinkil, yal naq ak re chi
jokan, maaka xooki sa jumpaat, aan wachik li kaxlan toj ta loq, toj ta patz, ta
wabi jo nimal xtzaq, ma toja ta chik li poyanam, t-qa kuy ban li beek xbanaq tqaj naq toa tzaqres. Chi rix aan nake xkanab wi chik li tumin chi ru li San Maars
ut nake xye naq toj t-qa bi wi chik, toj too chalk wi chik xbaan naq toj tento t-qa
yiib xyuameb li qalal qa kajol chaan laj tzaam.nake xchaqrabI rib ut nake xye
naq toj sa jun xamano wi chaq chik.
Li xyuwa li ixqaal nake xkuub wi chik rib karu te xsume wi laj tzaam, xbanaq
nake xuwak xbanaq laj tzaam kaweb xchool, mare to e xtuula, chalqeb wan ut
wi nake kulun wi chik toja yaal tana tqaye chankeb li wachinbej.
Nake hulak wi chik rox sutil eb laj tzaam
Nako chal wichik awikin qawa chankeb, ut aran naq inka chik nake qajsiik li
xtumin, ut nachaqok li xwachin li ixqaal ut naxye: ka ta chik t-qa ye awe qawa,
xe kuy ajwi li beek, xe x-aatinak ajwi, xo seeraqik ut x-qa yal ajwi qa qe, tqa kojob taak e chool, ka ta chik t-qa ye, yaal ajqi nake ye, ma yal t-numeq
ta ajwi chi rix, yal tento ajwi sa xbeen li ixqaal. Ut aran naq xcholaak li tzaam
ut inka chik nake xqajsi li ob tuxtun, aran chik na kana choq xtzaq tu nake xyere li
tumin aan.
Xchola chik li tzaam
Naq xe xye naq xcholaak i-ru li tzaam ut aran chik nake xkam rib sa usilal, aran
chik nake ok xyeebal chan ru te xbaanu ut laj tzaam nake xye chi jokain: se
saaw t-wanq li uki haut aran tqa kuub chi xjunil chankeb ut inka tqa najtobres
xbanaq ma jun ta karu na ok sa, wank naq na juke , usan ak sa yaal tqa banu
chankeb, usak chan xaq li xyuwa li ixqaal. Nake xchap li kutan Romink xbanaq
aan hilobaal.
Chi rix aan na xik li xna li al, na xloq chaq wiib liwr li kakaw nook xkanab chaq re
li xna li ixqaal, re t-kili ut buk re nak ak wanq xkakaw naq t-hulak li Romiink ut
jokan ajwi xna li winq ak na xkili ut na xbuk xkakaw ut ak na xchik jun laj tzo
kach, inka na xche kaajwi na xpoq li xsa ut li roq ut li xjolom na xset, chi choncho
na xkam. Ut li xna li ixqaal ak na xqixna jun ukal li ha.

Xhulak li kutan re uki ha

Ut naq nake hulak laj tzaam, ut li qawachin na xpatz: ma maaka bayaq in

qixinha awikin chan re xna li ixq, ut li qana ak lulu li xha ut na xtaqla sa xyi li
kabl re li qawachin ut aran nake xyiib li ha. Ut nake xsik junaq china al ut maraj
china ixqaal, mare wuqub maraj waqxaqibchiabre, re naq t-jekinq ha ut li china
al na xik xjekinkil li ha, jun kok kooch li kakaw ha nax kam ut nake xbak junaq
lamba wa maraj sut sa xkux ruq li chinal al re xmesbal mach li mama naq naraqe
chi ukak. Li china al na xjeki chaq li ha ut tustu naq na xke re winq,ixq kokal
nake ukak, naq xkul rib li xha laj tzaam, toja naq na ok wi chik xkeebal re li
wank rixqaal ut nake ok wi chik chi ukak.
Naq xraqe li ukak aran xraqe li uki ha ut aran xraqe li tzaam.

Xtzaqob li seeraq
Nabal pay ru li tzaamank
1) Tzaamank re junxil, chaabil na el li jun sumal.
2) Winq yal na xsi rib, na xkam xnaaj ru ka, xchampa ut x-ab ut naqa hulak
yal na xpatz xnaaj rab bar ti xjit.

3) Naq maaka eb xtumin yal na ke relqa ribeb, li al na xok sa muqmu ut

maraj sa qojyink li ixqaal.