FAMALUA FAMAYAGÖ-IDANÖ IRAONO

Sato : Manunö Buku Zinunõ Numero 167 : 1

do = D 4/4 MM = 96 – 104

Fandrita : Mangandrõ:
He Ama khõma si so ba zorugo, mõiga ma’ohe ndraono andre fõna-
U. Tema ba fahowu’õ ira tobali iraono-Mõ. Fahaõ ira, ba wanõrõ lala
sindruhu andrõ ba wogamõ fa’auri silõ’aetu, ba dõi Zo’aya ya’aga
Yesu Keriso. Yaduhu.
Fandrita : Famotokhi ba dõdõ:
Ya’ami ira Talifusõ, satua ndraono nibayagõ-idanõ, ni’omasi’õ ba
khõ Zo’aya ya’ita Yesu Keriso. Ba wamayagõ-idanõ I’a’asogõ
wangefa ba ngaŵalõ horõda, I’efa’õ ba wa’amate ba Ibe’e wa’auri
silõ’aetu ba niha samati khõ-Nia. Famayagõ-idanõ tenga ha fanefe-
idanõ sito’õlõ, hiza’i idanõ ni’oroi’õ Lowalangi sihasambua faoma
taroma-li Lowalangi. Lowalangi samõsa zangohonogõigõ famayagõ-
idanõ andre faudu ba ni’oroi’õ Yesu Keriso ba wamayagõ-idanõ fefu
soi. Taroma-li-Nia imane “Bõrõ da’õ, Miʼaeʼe, mibaliʼõ nifahaõ fefu
soi, wamayagõ-idanõ yaʼira ba dõi Nama, ba ba dõi Nono, ba ba dõi
Geheha Niʼamoniʼõ, mifahaõ ira ba woloʼõ fefu hadia ia niŵaʼõ-Gu
khõmi. Bahiza, fao khõmi Ndraʼo, ero maʼõkhõ, irugi gamozua gõtõ
danõ andrõ. (Matai’o 28 : 19 - 20). Haniha zamati nibayagõ-idanõ
da’õ ni’orifi ba nihuku zi lõ mamati. (Mareko 16 :16). Ya aboto-ba-
dõdõmi wa famayagõ-idanõ iraono no ni’oroi’õ Lowalangi, faudu ba
wamaduhu’õ zura ni’amoni’õ, bõrõ me fangoroi’õ famayagõ-idanõ
1
manandrõsa ba soi ma’afefu, ya’iada’õ fefu niha, he satua, he
sibohou’ebua, he si no biha fangerangera, ba hegõi iraono.
Mifondrondrongo daroma-li Lowalangi moroi ba duria somuso-dõdõ
nisura Mareko 10 : 13 – 16 “Ba laoʼ he khõ-Nia ndraono, enaõʼ
Ibabaya: ba lategu zolohe andrõ nifahaõ-Nia. Ba me iʼila Yesu, ba
mofõnu Ia, ba imane khõra: Mifaʼamõi khõ-Gu ndraono andrõ, bõi
mitenaŵa ira, ba zimanõ sa mbanua Lowalangi andrõ. Sindruhu
niŵaʼõ-Gu khõmi, si lõ manema banua Lowalangi andrõ simane
iraono, ba lõʼõ manõ lalania ba daʼõ. Ba Italagui ira, Ifahowuʼõ, Itufa
hõgõra tanga.” Ba ba zura Halõŵõ Zinenge 2 : 39 imane “Khõmi sa
gamabuʼula-li andrõ ba ba ndraonomi ba ba zi so ba zarõu fefu, gofu
hawaʼato nikaoni Zoʼaya, Lowalangida.”
Bõrõ da’õ wa ta’ohe ndraono andre ba tatou’õ ba danga Zo’aya
safõnu fa’omasi, me lõ fangiwa-dõdõda ba fa’ata’u, na ba khõ-Nia
so ira.
Ya’ami ira Talifusõ, molo’õ ba zi no i’oroi’õ Yesu, tafalua
wamayagõ-idanõ andre ba dõi Lowalangi Ama, Ono, ba Eheha
Ni’amoni’õ. Sinangea mutõngõni ba wamayagõ-idanõ andre, tenga
“Hewisa lala wamalua ya’ia”, hiza’i sabõlõ nisia’agõ ba wamalua,
ya’iada’õ: “Ba dõi Lowalangi Sisamõsatõlu”.
Tebayagõ-idanõ ba dõi Lowalangi Ama, fa bõi olifu ita gõtõ wekolida
ba gulidanõ andre, wa no amada Lowalangi andrõ, ba ama
ndraonoda gõi samatõrõ ya’ira, ba sondrorogõ.
Tebayagõ-idanõ ba dõi Nono, ba wamaduhu’õ khõda wa do Yesu
Keriso andrõ zangehao iraonoda, hegõi ya’ita satua, moroi ba
ngawalõ horõ, ba Ya’ia zangosambua ya’ita ba wa’amate ba ba
wemaoso-Nia, ena’õ simane Keriso si no mususugi moroi ba ngai
zimate simanõ gõi ita ba wanema fa’auri.

2
 Tebayagõ-idanõ ba dõi Geheha Ni’amoni’õ, ba wamaduhu’õ khõda
wa Eheha Ni’amoni’õ zangiagõ tõdõda ba tõdõ ndraonoda gõi, awõ
wa Ifatumbu’õ wamati, ena’õ moŵa’a ira fefu, ba modanedane ba
wa’omasi-Nia. Yaduhu.

Sato : Manunö: Buku Zinunõ Numero 167 : 2 (D = 1)

2. Ba no sa Õ’oroi’õ, wolohe iraono.
Afu tefahowu’õ, soroi Geheha-Mõ.
Fandrita : ... Muzizio zatua ndraono
Mangandrö ita:
He So’aya Lowalangima, umbu wa’auri ba fangorifima. Bõrõ
wa’omasi ba fa’ebua-dõdõ-U wa ma’ohe ndraonoma andre, ena’õ
Õ’fahowu’õ ira. Ya’e ndraonoma nibayagõ-idanõ ba ena’õ ba dõi
Lowalangi samõsa tebayagõ-idanõ ira, ba tebohouni ira ba Geheha
Ni’amoni’õ, fa tobali ira okhõta-Mõ, ba tema’õ ira tobali banua-U.
Fatumbu’õ ba dõdõra wamati, fanõtõna, ba fa’omasi, fa lõ farõi ira
ba khõ-U, he na so wanandraigõ ba fangabu-dõdõ, ba a’aro’õ
wamatira ena’õ lasõndra wa’auri silõ’aetu. Yaduhu.

Sato : Manunö: Buku Zinunõ Numero 167 : 6 (D = 1)

6. Ma’andrõ, bõi tebulõ, wa tana-khõ-U ira.
Sagõtõ fa’aurira, ba gulidanõ na.
Fandrita : Fanofu:
Yaami ira talifusõ satua ndraono, no mirongo wa famayagõ-idanõ
no nihonogõi Yesu Keriso ba wangoroma fawu’usa-li buala fangorifi,
ba Ikaoni ndraono andre Yesu Keriso ba we’amõi khõ-Nia, bõrõ
da’õ misalahini ndraono andre ba wanema-li ba wanofu
nitandrõsaigõ khõmi. Ba fatua-lõ da’õ da ta’endrongagõ lida ba
wamaduhu’õ famatida ya’ita niha Keriso.
... Muzizio zato
Endronga lida...
3
  Ya’o mamati khö Lowalangi Ama silö’ambö-fa’abölö, somböi
banua siyaẅa awö danö.
 Ya’o mamati khö Yesu Keriso, So’aya ya’ita, Ono Lowalangi si-
hasamösa, nitema nina-Nia Maria khö Geheha Ni’amoni’ö, ono
nono’alawe Ia, no manaögö huku Ia, barö mbawa Fondrio Filato,
teforöfa Ia, mate, ba lako’o. No möi Ia ba mbanua niha tou, no
maoso Ia moroi ba ngai zimate, me no irugi tölu ngaluo. No
manahae Ia, möi ba zorugo, dumadao ba gambölö Lowalangi
Ama silö’ambö-fa’abölö. I’otarai da’ö mangawuli Ia dania, ba
wanguhuku niha sauri, awö zi no mate.
 Ya’o mamati khö Geheha Ni’amoni’ö, ba ufati ha sambua mbanua
ni’amoni’ö, fefu niha Keriso, fa’awösa niha ni’amoni’ö, ba fangefa
horö, ba femaoso mboto zimate, ba fa’auri silö’aetu. Yaduhu.
... Mudadao Zato
Fandrita : Ya’ami ira Talifusõ, hadia omasi ami ena’õ mubayagõ-idanõ
ndraono andre ba dõi Lowalangi Ama, Ono, ba Eheha Ni’amoni’õ?
Na omasi ami ba mitema ligu “Omasiga”
Satua Ndraono : Omasiga
Fandrita : Hadia moroi-ba-dõdõmi omasi ami ena’õ iraono andre tobali
ndrotondroto zoroiyomo Lowalangi, he ba wa’auri, ba hezui ba
wa’amate? Na moroi-ba-dõdõmi, ba mitema-ligu “Moroi-ba-dõdõma”
Satua Ndraono : Moroi-ba-dõdõma
Fandrita : Hadia moroi-ba-dõdõmi mifabu’u gõi limi, mifahaõ dania ndraono
andre ba wanõrõ sindruhu lala saekhu khõ Lowalangi? Na mifabu’u-
limi, ba mitema ligu “Moroi-ba-dõdõma mafabu’u”
Satua Ndraono : Moroi-ba-dõdõma mafabu’u
Fandrita : Hadia moroi-ba-dõdõmi mifatenge ndraono andre ba wamahaõ ba
nomo Lowalangi, ba mifahaõ ira ba lala wamati Niha Keriso
Protestan, ena’õ tobali ira ndrotondroto mbanua niha Keriso sauri
4
 ba khõ Yesu Keriso? Na moroi-ba-dõdõmi, ba mitema ligu “Moroi-
ba-dõdõma mafatenge”
Satua Ndraono : Moroi-ba-dõdõma mafatenge
... Mudadao zatua ndraono
Tekaoni föna samösamösa ndraono nibayagö-idanö
Fandrita : Na simanõ, ba da tatou’õ ba danga Lowalangi ndraonoda andre ba
wamayagõ-idanõ.
Ya’ugõ onoma sotõi ........ ubayagõ-idanõ ndra’ugõ ba dõi Lowalangi
Ama, ba ba döi Nono-Nia Yesu Keriso, ba ba döi Geheha
Ni’amoni’ö. Yaduhu!
: Ba lõ fangorifi ba danõbõʼõ, ba lõʼõ gõi tõi bõʼõ nibeʼe ba niha, ba
gulidanõ, ba wangorifi yaʼugõ, baero dõi Yesu andrõ. (Halöẅö
Zinenge 4 :12).
Fandrita : Mangandrö ita: (Muzizio zatua ndraono)
He Yehowa Lowalangi Ama khõma ba khõ Zo’aya ya’aga Yesu
Keriso. Masuno Ndra’ugõ moroi-si’aikõ-ba-dõdõma ba ma’andrõ
saohagõlõ-U gamabu’ula-li-Mõ andrõ, ohahau sa’ae dõdõma
wangebua iraono andre me no ba danga-U so. Ma’andrõ khõ-U
ebua’õ-dõdõ-U khõra, fa bõi aefa-ba-dõdõra daroma li-Mõ, abõlõ’õ
ira ba wolo’õ khõ-U, timba ngawalõ wamaelungu awõ dandraŵa, ba
na elungu ira ena’õ ba bõi bõhõli ira, fazugizugi ba dõdõra, wa lõ
sameta horõ baero-Mõ. Amualagõ wa’omasi-Mõ khõ ndra satua
ndraono andre. Abõlõ’õ ira ba wamahaõ iraono andre, ena’õ lala
wa’aurira faudu ba zomasi Ndra’ugõ, afu oi orudu ndra’aga ba da’õ
ba gamozua, ba wanuno Ya’ugõ. Yaduhu.
… Mudadao zatua ndraono.

Sato : Manunö: Buku Zinunõ Numero 282 : 1

282. LALAMÕ UTÕRÕ, YESU
Lala: Da tagohi Fa’aurida (No. 287)
5
do = F 4/4 MM = 88 – 96