Minggu, 31 maret 2024 1. Joujou tu Parsaoran - Ibadah Hamu angka dongan, di manogot on, nunga marpungu hita dison. Ima di buhabuha ijuk na marningot hita di ari haheheon ni Tuhan Jesus. Dibahen I tapangido ma asi ni roha sian Tuhanta, asa di pasupasu punguanta sadarion. Gabe tau sangap di Goar ni Tuhanta. Antong las ma rohanta, tapuji ma Ibana marhite endenta: No. 96:1-3 “Nunga talu hamatean” - Nunga talu hamatean Dibaen Tuhan Jesus I, Ai na hehe do Ibana Songon na nidokNa I, Haleluya, haleluya Nunga hehe Jesus I, Haleluya, haleluya Nunga hehe Jesus i. - Ia angka boruboru Lao do tu tanoman I, Ndang disi be Tuhan Jesus Nunga hehe sian I, Haleluya…….. - Marlasroha be ma hita Ala hehe Jesus I, Ai malua sude hita Sian hamagoan I, Haleluya…
2. VOTUM – INTROITUS – TANGIANG.
P : Marhitehite goar ni ni Debata Ama dohot doar ni AnakNa Tuhan Jesus Kristus dohot goar ni Tondi Parbadia. Amen! J : Ale Jesus Tuhan Nami….. P : Didok Tuhanta Jesus : “Ahu do Haheheon dohot Hangoluan” J : Ganup na mangolu jala naporsea di Ahu, naso tupa mate ibana saleleng ni lelengna. P : Martangiang ma hita: Ale Tuhan Jesus, Nunga hehe Ho sian hamatean i , nunga tutu hehe Ho. J : Ari on do na jinadihon ni Jahowa, marolopolop jala marlas ni roha ma hita disi, Haleluya.! P+J: (Mangendehon) Haleluya…… Haleluya…… Haleluya…… P : Ale Tuhan Debata, Ama ni Tuhan Jesus, na mandok mauliate do hami tu Ho di manogot on, ala ditaluhon Ho do dosa dohot hamatean marhite hamamateMi, ala disondangi Ho tanoman nami, asa marpangkirimon na mangolu hami ala haheheon Mi. J : Ndang pola mabiar hami mida hamatean, ai Ho do ulu name, ruasMu do hami, Ho ma di hami, jala hami di Ho, nang saluhut ngolu nami. P : Dipaunsat Ho do hami sian haholomon tu hatiuron, sian hamatean tu hangoluan. Antong pargogoi ma hami mamuji dohot mangoloi Ho di ariari ni ngolu nami pasangaphon Ho dibagasan haporseaon na mangolu, paima sahat hami tu lambungMu. Amen!
3. MARENDE BE. No. 90: 1+4 “Sai Marlas ni Roha”
- Sai tapuji Debatanta Ale hajolmaon I, Ai naung hehe do Tuhanta Sian hamatean I, Dipasidung Jesus i UlaonNa sasude, Patupahon haluaon Di saluhut hajolmaon. - Dohot ho, o hamatean Nunga mago soropmi, Suruhonku pe udean Ndang na tinggal au disi, “Anggo au mangolu do Sai mangolu dohot ho !”, Ninna Jesus tu rohangku Molo ro hamateanku.
4. RESPONSORIA (1 Korint. 15)
P : Nunga tarbondut hamatean, nunga soluk hamonangan. Jo hamatean, didia hamonganimi? Jo, hamatean didia soropmi? J : Puji ma Tuhan ale Tondingku, naung manaluhon hamatean i. Puji ma Tuhan ale tondingku, naung manghamonangkon jolma pardosa sian hadosaon i. P : Alai mauliate ma di Debata, na pamonang hita marhite Tuhan Jesus Kristus. Onpe, masihohot jala somubauba ma hamu, jala lam sumurung ma tongtong dibagasan ulaon ni Tuhan i. J : Ai diboto hamu do, ndang magopo halojaon muna dibagasan Tuhan i. P : Alai nuaeng ma pabotohononku tu hamu, angka dongan, barita nauli, na hubaritahon tu hamu, naung jinalomuna naung gabe hajongjongon muna. Laos i do gabe parhitean muna gabe malua, namun ditiop hamu hata nabinaritahon tu hamu; ia na so sandok magopo hamu porsea. Ai sian mulana hupasahat tu hamu na hujalo; on do: naung mate Kristus alani dosanta, hombar tu na tarsurat i. naung tartanom do Ibana, gabe di pahehe di ari patoluhon, hombar tu tarsurat i. J : Alai anggo so adong haheheon ni angka na mate, ndang na hehe nang Kristus. P : Ai anggo so hehe Kristus sian angka na mate, rumar ma jamitanaI, laos rumar ma nang haporseaonmuna. Tardapot ma nang hami ala pargapgap di Debata, alai maralohon Debata huhatindangkon hami, naung di pahehe Kristus i, hape ndang dipahehe, anggo sandok so mulak mangolu angka namate. SM: Sebab jika benar orang mati tidak dibangkitkan, maka Kristus juga tidak dibangkitkan. Dan jika Kristus tidak dibangkitkan, maka sia-sialah kepercayaan kamu dan kamu masih hidup dalam dosamu. Ama: Anggo holan di tano on hita mangkirim di Kristus i, jolma na dumangol do hita sian saluhutna. Ina: Alai anggo hehe Kristus i sian na mate, Ibana do parjolo ni angka na monding i. P : Ai songon marhite sian sada jolma songgop hamatean, songoni do marhite sian sada jolma heheon ni angka naung mate. Ai songon na di bagasan Adam saluhut mate, songon i di bnagasan Kristus sude di pangolu. PNB: Dan sesudah yang dapat binasa ini mengenakan yang tidak dapat binasa dan yang mati ini mengenakan yang tidak dapat mati, maka akan genaplah Firman Tuhan yang tertulis: “Maut telah ditelan dalam kemenangan. Hai maut di manakan kemenanganmu? Hai maut dimanakah sengatmu?” P : Alai dosa do sorop ni hamatean, jala patik I do gogo ni dosa i. Alai mauliate ma di Debata, napamonang hita marhitehite Tuhanta Jesus Kristus! J : Onpe, hamu angka donganku na hinaholongan, marsihohot jala so mubauba ma hamu, jala lam sumurung ma tongtong di bagasan ulaon ni Tuhan I, ai diboto hamu do: Ndang magopo halojaonmuna di bagasan Tuhan i. P : Dungo ma hamu, marsihohot haporseaon, tang ma hamu jala margogo. Unang ma lului hamu Jesus di inganan ni angka mate. Alai porsea ma hita di barita na uli ni Tuhanta, Ibana do haheheon dohot hangoluan. Martua ma angka tumangihon hata ni Debata jala umpeopsa. P+J: Amen!!
5. MARENDE BE. No. 743: 1-2 “O Tuhan Togutogu ma Au” (Aek
Sarulla) - O Tuhan togu-togu ma au, tu dalan lomo ni rohaMi, Raphon Ho sonang mardalan au, nang rahis maol sidalananki, TondiMi baen manggohi au on, Margogoihon au naposoMon, Pasangap Ho dingolungkon, Paima sahat tu surgo au on. - Panghulingi ma au O Tuhan, Na rade tumangihon hataM, Sai tumpahi ruasMu Tuhan, Na uasan nuaeng di hataM, Sai patau ma au on naposoM, Manjou halak na dao sian Ho, Ro di na so tumanda Ho, Muba gabe pangoloi di Ho.
6. JAMITA (Markus 16 : 9 - 18).
7. MARENDE BE. No. 91:1…. “Hatuaon do” P. Pelean
- Hatuaon do Las ni roha do Hangongot ni Tuhanta i, Mago do hita Ngot ma Tuhanta Las be, las be ma rohanta i. Mago do hita Ngot ma Tuhanta Las be, las be ma rohanta i. - Hatuaon do Las ni roha do Hangongot ni Tuhanta i, Monang do Jesus Talu sibolis Las be, las be ma rohanta i. Monang do Jesus Talu sibolis Las be, las be ma rohanta i. - Hatuaon do Las ni roha do Hangongot ni Tuhanta i, Mungkap do dalan Tu hangoluan Las be, las be ma rohanta i. Mungkap do dalan Tu hangoluan Las be, las be ma rohanta i.