Miriam

Peteῖ táva hérava Horqueta oῖ peteῖ kuñataῖ hérava Miriam, ha’e omba’apo ojohéi
ao.Peteῖ asaje ha’e oraha ao ijárape ha ohasa peteῖ avatity.
Upépe ohecha peteῖ mitᾶ iñakᾶrague sa’yju kuarahýicha ha hesa mimbi yvágaicha,
Miriam osapukái ha mitᾶ opuka ha okañy avatitýre tesa pirípe ndaipóri ohechavéva
chupe.
Pe asaje Miriam osẽ okápe omongaru haĝua hymbajaguakuéra ha ko’ᾶ mymba
oma’ẽjoa avatitýre, upépe osẽ chupe pe mitᾶ ohecha’akue ambue aravo,
oñemboja hese ha’ete ku oñe’ẽséva chupe, ha’e katu ndoikuaái mba’épa ojapóta
tuichaiterei oñemondýi, opytavoi iñe’ẽngu, are rire oñe’ẽjey. Upévo ojuhu peteῖ
avati vosa ijykére ohejava’ekue chupe pe mitᾶ’i.
Upéi omombe’u isýpe mba’e ojehuva’ekue chupe, kuñakarai he’i oiméne
oñembosaráise nendive, ajeve oheja ndéve avati vosa.
(Alejandra Burgos rembiapokue)

Ahaiguy mbohovái oῖ porᾶva.

1) Moñe’ẽrᾶ kuaarapoite ha’e:
 Miriam ha jaguáre.
 Miriam ha isýre.
 Miriam ha Jasy Jaterére.

2) Haipyvo mokõiha omombe’u:

 Miriam rembiasakue.
 Miriam táva réra.
 Miriam rembiapo.

3) Moñe’ẽrᾶ avatee ha’e:

 Miriam ha isy.
 Miriam.
 Miriam ha Jasy Jatere.

4) Mitᾶ oheja mitᾶkuñáme:

 Avatiky.
 Avati vosa.
 Mokõivéva oῖ porᾶ.

5) Miriam jeko omba’apo:

 Mymba mongaruha ramo.
 Ao joheiha ramo.
 Tembi’u apoha ramo.

6) Mitᾶkuña ohecha rire ko mitᾶ opyta:

 Tuichaiterei opo ñemondýigui.
 Ndoikuaái mba’e ohecháva.
 Opyta noñe’ẽvéi.

7) Ko’ᾶ mba’e ikatu oiko:

 Okaháre pyharevete.
 Ka’aguyháre asajepyte.
 Mokõivéva oῖ porᾶ.

8) Miriam oraha haĝua umi ao ohasava’erᾶ:

 Avati pire renda.
 Avatiky renda.
 Avatity renda.

9) Omimbi yvágaicha oje’e avei:

 Overa yvágaicha.
 Ojajái yvágaicha.
 Mavavéva ndaha’éi.

10) Moñe’ẽrᾶ oguereko:

 Irundy haipyvo.
 Mbohapy haipyvo.
 Po haipyvo.
 11) Moñe’ẽrᾶ noñe’ẽi:
 Miriam ha jaguáre.
 Miriam ha ikyvýre.
 Miriam ha Jasy Jaterére.

12) Ko moñe’ẽrᾶ ha’e:

 Mombe’u’ypy.
 Mombe’urᾶ.
 Mombe’ugua’u.

Aipe’a moñe’ẽrᾶgui ojeruréva.

1. Tero (3)
Sustantivos

2. Teroja (3)
Adjetivos

3. Ñe’ẽtéva (3)

Verbos
4. Ñe’ẽ juruguáva
(3)
Palabras orales
5. Ñe’ẽ tῖguáva (3)
Palabras nasales

6. Ñe’ẽ orekóva
pundiekõi (3)
Digramas
7. Jahecháva (3)
Imagen visual

8. Mbojojáva (2)
Comparación