baba ejiogbe meyi: orumila nioderé oderé layorí erán, orumila

nioderé oderé layorí ekú, orumila nioderé oderé layorí eyá, orumila
nioderé oderé layorí adié, orumila nioderé oderé layorí euré,
nioderé layorí ashama ikú, nioderé layori ashama aron, nioderé
oderé ashama ofo, nioderé ashama eyó, ashama iña, ashama ayaré,
ashelú, onilú, ona, ketá siború fase sikodá aleripín orinimogue
ekún, orumaleisotá, orumila orubo.

baba oyekun meyi: ariku madawao olofin impororo poro yarun oni
babalawao adifafun obe

Súyere: “Ikú Yemiló, Ikú Yemiló, Oreyé. Ikú Yemiló.

Aron Yemiló, Aron Yemiló, Oyeré Aron Yemiló Ofo Yemiló, Ofo
Yemiló, Oyeré Ofo Yemiló Eyó Yemiló, Eyó Yemiló, Oreyé Eyó
Yemiló”.

baba iwori meyi: oyiki yiki mayo mayo adifafun abebere kokore
yebe lampe shango

Súyere: “Borotí Borotí Coco Lodé, Lodé”.

baba oddi meyi: achama, aruma, oddi codima, iku codima, arun
codima, ofo kodima, eyo kodima, iña kodima, shenkuereima
ibatikotubale lordafun ella tuto, codima orunmila lorugbo

Súyere: “Odimodimo Dire- Mama Yeki, Mama Yekí. Odimodimo

Dire- Mama Yeki, Mama Yekí”

baba iroso meyi: aparilani awantalaosha abebe cosiña cosi mado

lordafun yewa, adifafun eshu, maferefun osun
Súyere: “Olofin Loriyeo Modupue Lorun. Olofin Loriyeo Modupue
Lorun”.

baba ojuani meyi: iku fawa pororo site akitifa mamaforosile ifa ni
kaferefun alaguema, ni kaferefun obatala

Suyere: Agangara omo olodumare, agangara omolodumare, ariku

lowao, omo olodumare, agangara omo olodumare.

baba obara meyi: eye bara ni bara kikate awo, adifafun oropo
baba, obara ni bara shango, obara olorun, omo ni bara orunmila
orubo

Suyere: Obara do kikate, afeyu weye kikate awo

baba okana meyi: shakutu mashakuala oyo fetan, oyo fetan akuko.
okan ni oni kana umbati asode botalokun unlo, okana oni kana
kana kanaye, adifafun orumila, maferefun eshu, orumila orugbo

Suyere: Eshi bi akata shureo, ashi akata shureo, ashi bi akata shureo

baba ogunda meyi: teteiye iya ifa ni kaferefun a la iboru, ni

kaferefun a la iboya, ni kaferefun a la iboshishe, oshanla, ni
maferefun oduduwa orugbo

Suyere. Erosi, baba karele, baba karele, magulenguo awo.

baba osa meyi: orunmila adifayoko lordafun yewa, ni adifafun eshu,

ni adifafun olokun, adifafun agayu, ni oya, osa osanire, osa olokun
ayarakoto, osanile orumila orubo

baba ika meyi: abedemeyeko meyi, iguayokoko ifa, ni kaferefun

elebute, jekua ochanla birinigua, onibarabaniregun oni mireo ogun
a la guede, meferefun olokun

Suyere: mama yokota, mama yokota, orimi mama yokota oromi.

Adifafun elebute
baba otrupon meyi: jekua jey, otoro otoronshe kere ni papo
oluo pami, oyugbona pami, maferefun oñio

Suyere: oñiñi lachoro ñio, oñiñi lachoro ñio, oñiñi lachoro ñio, oñiñi
lachoro ñio, oñi ferul choro eggun, oñiñi lachoro ñio

baba otura meyi: ashegun ifa, ifa imale, sale male,

malekun salams, ni adifafun nangareo, ni maferefun shango

Suyere: Nangare nangare, nangareo, ifa imale, nangareo, olorun

imale, nangareo

baba irete meyi: eyelembere maferefun fayore, maferefun oshun

orunmila ni adifafun ariku madiwa

Súyere: “Arikú Manigua, Arikú Manigua Onikebachú Adideo, Arikú

Manigua”.

baba oshe meyi: kulu kulushe adifafun akatampo yalode mawao,

elegua moloku, kerebalade oshe oshun

Súyere: “Chen Chen Ologuo Yalode Mayao”.

baba ofun meyi: mafun kafun alaye olofin, eggun mafun eggun,
adifafun oduduwa oshanla, arabateguache ifa je kua baba

Súyere: “Baba Fururu Eré Reo, Okañeñe Leribo. Eleriba Basiba

Laguo, Eyiborere Basibao, Ero Ayé Ayaguao, Eyiborere Basibao.
Ero Ayé Ayaguao, Eyagualero Elese Kan”.