Canto de Hatun Pukllay Soltera Suway

Mujeres:

Cheyqa cheyqa chayamuyku (bis)

yauripampallas solteraqa laramanillay manzanaqa.

Varones:

Soltero kamas hamushayku manzana puras hamushayku

vikuña walay walamuyku taruka pikway pikwamuyku

II

(Saludo)

Yauri llacta napaykuyki hatun punallay napaykuyki

solterollaykis hamushani manzanallaykis hamushani

III

(varones)

Nokas kani laramani nokas kani kinsachata

soltera suwas hamushani manzana suwas hamushani

(mujeres)

asikuspama qhawashayki ima allintaq kakushawaq

chiqchiq chiqchisqan solterito soltero manraq tukusqanki

 (varones)

sumaq t´ikatas masqashani yana ñawitas masqashani

maypipunitaq tariruyman piwanpunitaq tuparuyman

(mujeres)

imaykitataq chinkachinki ñawiykitaraq pichakamuy

roqto umaman hamusqanki qayto kunkaman hamusqanki

(varones)

Pinkuyllituy pinkuyllituy pinkuyllituy sirenado

kay solterata suwaysiway kay manzanata apaysiway

(mujeres)

Hinallapunis noqa kani hinallapunis noqa kani

ñawi ruruypi encantuyuq sonqo ruruypi encantuyuq

(varones)

Qantapuni munaqkuyki manallapuni wayllutiyki

laduykipiraq wañurusaq sonqopunkiypin wañurusaq

(mujeres)

Imallapaqtaq munaykiman waqcha qeleta munaykiman

qepan puriqta munaykiman mejoreschayma solterayqa

IV

(varones)
 Pinkuylluy ama waqaychu guitarray ama waqaychu

sumaqta waqaspaykiqa sonqoyta suwashawanki

(mujeres)

Soltero suwakusayki manzana apakusayki

sumaqta tukasqaykiwan sonqoyta suwashawanki

(mujeres)

Tupaykamuy tupaykamuy tinkuykamuy tinkuykamuy

soltera pura tupaykusun manzana pura tinkuykusun

(varones)

Pañamantachu munashanki lloqemantachu munashanki

munaqtiykiqa qoyusayki qoqawaykita qoyusayki

(todos)

Tupaykamuy tupaykamuy tinkuykamuy tinkuykamuy

castilla pura tupaykusun labrada pura tinkuykusun

Contrapunto

VI

Tupayusunchu – tupamuyari

sillarusayki – atillawaqchu

churarusayki – mamaykitari

hayñachu kani – kallpa kashanchu

qheynaymi kallpa – valor kashanchu

rakhuma valor – asichiwanki

qanchu kachanki – mamasitayki

saqraq hapinan – chuñu saruyta

táwi táwicha – sarurusayki

wiphay manzana – wiphay soltero.

Sillayki pacha – ni atinkichu

publico runaq – llanqatañama

antohananta – ñañuma kasqa

qoqawaykita – ni gustuypaqchu

churayusayki – noqacha viday

pañamantachu – sillaruykiman

lloqenmantachu – wayqeykitawan

churamushani – tawqa tawqata

wiphay manzana – wiphay soltero.

ukhuchanmantan – dalipakamuy

dalemushani – rikuma kasqa

kunan chichuta – q´ewe pinkuyllu

saqeyusayki – ni atinkichu

watapiñacha – machuy manejo

entregawanki – haqay wayqeyki

llama uñata – antohamushan

taytay nishaqta – paychatawanchu

mamay nishaqta – sillayusaqpas

 wiphay manzana – wiphay soltero

VII

(despedida)

Adios niway despediway yauri llacta adios niway

watamanñacha kutimusaq takisqallayta yuyarispa.

VIII

Khunanqa ripukapusunchis khunanqa apakapusayki

vicuñachitayta yachachimusayki tarukachawayta yachachimusayki

IX

Toqroyo pata campanita despedidata tukaykamuy

kutimusaqchus manañachus hatun pukllaychus apawanqa.

toqroyo pata campanita despedidata tukaykamuy

kutimusaqchus manañachus hatun pukllaychus apawanqa.

yauri llaqta gobernador pasñakunata wisqachimuy

kunan tutasis lloqsimusaq chichu ima rihurinman