2.

Apajui chichame nuigtu kuichik pachisa dekamu

2350 nagkesau awai versículo awai kuichkin pachis tawanu. Jesus nuna pachis chichasui, tikish
waji ainanuna nagkaesau.

¿Wagka apajui chichamesh kuichkin pachisash chichawa?

Tujutta jimag, wajuk anentaimtamenu, nuniashkumesh kampatumanu:
1. _____________________________________________________________________
2. _____________________________________________________________________
3. _____________________________________________________________________

¿Shiig kuitamak takau?

Tujamji juu curso wijai chichaku ata, shiig takasa pujutan ujapaktinme. Nuniakjum
unuimagtatjume shiig takasa pujutanuna ¿wajuk shiijas diisa takamainaita nuna? Yamai Jose
takatji apattja diiyamu jose takasbauji apu wiyakush anentainkachu takasbauji atu pachisa.

Josek, shiig apajui emtinish kuitamak takau.

Apajui chichamenia aganbau: Nagkamnamu 37 y 39-45

Ausata chicham ijumja tibau:

Tuja Jacobpak josen ima senchi tikish yachi once aidaun
nagkaesau anejakui, tujash yachi aidauk iinak imatikas
anempainashji tuidau asan kajejuinawai, sujukajui Egipto
nugkanum. Egipto ejegawajui dutikawagmatai nuwiya aents Potifar
daagtin sumakui, Potifaran suntag yaakta utuawainum tusa
kuitamin aidaun apuji faraogkan atuwee ajakui, Jose ame yamaik
dekas mina jegajuiya aina nunuu kuitamin ata tusa ashií niina wajiji
susa idaisauwai. Potifara nuwee senchi wakejukui Jose, Ijai
kanagmi tama Jose dakitau dakitjam kajejuk tsanumjun, aents
achika chimpitainum egkeauwai.

Apu faraonka inake umutain shikika suu aidaun apuji, pagkan najanin aidaun apujijai mai
kajamjajui maki makichik dita wajukawagtinuk ayanme nuna ujakui kampatum tsawag asa jigkim
apu Faraogka shikika susatnug umutain, tikichig pagkan najanin kampatum tsawag asa jigkittame
nunikmim suwenum jigka nenaa maantamawagtatui tusa ujaku duka imatikkas uminkauwai.
Faraog kajanum kajamjauwai siete baka duwejam pegken aidau siete baka watsakun
pegkenchau tsumain aidau. Apu Faraogkan umutai yaa jaah suwanu adeajui, Jose kajanmayan
dekaun adeajui, nunik apu faraaogkan ujak tiuwai mikichik datsauch hebreo Jose daantig aents
achikam enketainum egketanu dekawai tiuwai kajanmayan. Kajanmaya ujakam apu emauwai
josen, siete mijan yapajut tepeattawai trigo shiig kuashat siete mijanumia utuakta tiuwai. Faraog
Josen. Yamaa apu emaag ose jiigki Egipto nugkanum yakat aidaun diyaak ijajak weuwai aents
aidaunash chichamenash antukauwai. Jegamkauwai jegan muntan siete mijan nujan tepetai
ayujatnug aentsjin, nujan siete mijan iyajui egiptonum tikish nugkamashkan, Egipto tawag
sumaidau trigon josenug Jose pataji canaam batsatus waituidau nujagtai Jose yachi aidau Egipto
nugkanum tauwai yachig benjaminkan juchuk, Jose jach egiptonumia nugkuawai chichawai
Egipto chichaman yachi aidauk imagkaju ainawai atumesh yaa ainagme dekapkantin ainasjumek
takun makichik yachig achika egkeauwai, dekas atumi yatsum ekeu itata dekas chichak jumek
tiuwai, Jacob dakitawai awematan benjaminkan Egipto, Jose menkaekauwa agkai tau asa.
Yapajut tepeantai awebauwai benjaminkan Egipto, nui Jose wantintukui nuniak senchi untsumak
buutiuwai ashií egiptaunmayash dekau ainawai tsankundaijau ainawai yachi aidaujai, niina
sujukaju ainanuna. Nuiak tiuwai: Apajui juni akupkata tujamidau asagmatai, minak atumek, juni
sujutkau ainagme. Nii yutai aidau ijumjatin ati dutikamtai nuna yuwinak iwaku atum wegantus juu
nugkanum batsamsatnume tau asa. Apajui mina juwi itajua faraogkan chichajig ema apujtusa
duka, nuadui minak ashí niina jenia aidaunak amina chichamjumin batsasta dutikakum ashi
Egipto nugkanmashkam amek kuitamkata tujutiuwai. Nagkamnamu 45:7-8

Shiig kuitakmak takasbauji, diismi Josenu shiig anentaimsa

takasbaujishakam:

Shiig dekau Shiig anentaimu Nigka dekau dekaskenum Apu wajasui ashí
apajuin nuniau asa wajuk shijash dutinmainaitjapita tusa takat aidaun
kajinas anentaimu takamainaitja tusa nunak dutik mainanu

Shiig dekau Takatnash dekau ajak senchi nejeamtai Tikish Tsankugkantin

wajukuita wajukmainaita yapajut tepeamtais aidaunash tsankugkantujash
nunashkam itugmainaita nunash shiig takau senchi uyubau kajegkantu pujuchu

Wajuk takasbauwaita nunu diismi

Makichik aentstsuk kuitamainai takatjinas uyumas, puyatjus wakejus shiig anegtaiman diisa ninu
ibau emaa waji aidaunash, tikichi wajijinash niinu ibau ema kuitamainai waji aidaun takagkuch. Ii
wainag duka apajuinu ainawai nii najagkauwai nagkamtinis.nuniau asamtai.

1. Kanaktajum jimantijum, aug mattsaami jigtigkatinanu

amastatjime makichik papish agagbaun. Aents shiig
kuitamak takau niime pachis, Jose aenstji disjum
augmattsajum nuna. Jigtikkagtin tujamtatjime Josek pujutjig
pachis anegtaimsam diistajum.
2. Jimag aenst kanakujumnu ujaniktajum wajuk antukujume
nunuu.

Apajui ausami:
Apawa tuke pujuwa nayaimpinum yamai segajame
minash Jose takatji pegken ajakua nunig etita.
Minash yainkata ame wakegamun takansatjame
ame minash dekamtijunta wajuk kuitamainaitja
shijash kuichkinash shiig uyumasan
takamainaitagnu.