SÍMBOLOS DE LA PATRIA

CORO

Aujmatmau
Somos libres, seámoslo siempre,
y antes niegue sus luces el Sol,
que faltemos al voto solemne
que la Patria al Eterno elevó.

BANDERA HIMNO NACIONAL ESCUDO

Declaración Universal de los Derechos Humanos

El 10 de diciembre de 1948, la Asamblea General de las Naciones Unidas aprobó y proclamó
la Declaración Universal de Derechos Humanos, cuyos artículos figuran a continuación:

Wampis
DISTRIBUIDO GRATUITAMENTE POR EL MINISTERIO DE EDUCACIÓN
PROHIBIDA SU VENTA Historias y relatos PERÚ Ministerio
de Educación
Wampis
Aujmatmau

1
 Ministerio de Educación

Dirección General de Educación Básica Alternativa, Intercultural Bilingüe

y de Servicios Educativos en el Ámbito Rural

Dirección de Educación Intercultural Bilingüe

Aujmatmau
Historias y relatos Wampis-Inicial

©Ministerio de Educación
Av. De la Arqueología cuadra 2, San Borja
Lima, Perú
Teléfono: 615-5800
www.gob.pe/minedu

Primera edición digital, 2021

Elaboración de contenido
Dina Socorro Ananco Ahuananchi

Revisión lingüística
Máximo Noningo Sesen

Asesoría y revisión técnica (Digeibira-DEIB)

Marlene Sofia Silva Huerta

Diseño y diagramación
Gervacia Hermelinda Mamanchura Sardon

Ilustraciones
Jean Pool Bejarano Herquinigo

Cuidado de edición
Nérida Gamboa Sotomayor

Hecho el Depósito Legal en la Biblioteca Nacional del Perú N.° 2021-00460.

Todos los derechos reservados. Prohibida la reproducción de este libro por cualquier medio,
total o parcialmente, sin permiso expreso de los editores.
Impreso en el Perú/Printed in Peru
 Iwaiñamu

Uchi aiñata:

Ju papi aujsam nekattame ame nunkemin aujmattai nukap

iruna nu turam wariña jintintrama tura wari enentain ikurtama
nusha ashi enentaimsam iista. Juka aujmainitme amek,
pataimijai tura amikrumjaisha.

Aujmattai jui aarmauwa ju atumi chichamen aujkurum,

aujmatkurum, mátsatkamunam shir arantunisar pujutcha
unuimartattrume.

Aujmattaiya ju kuitamatarum, juka papi amikrumjai metek,

nukap tsawan uyuntamsattarme.

¡Iiña aujmattairi wararsa aujeaji!

 Chai
tankumamu
Yaunchuk unt chai tankuma, timayi. Chai,
uchirin apujas ikuak kunchain waruk pujurun,
kaekaemrakua jeari, achik jukin.

5
Nutika apujas pujuras, iju achir ayu ayureakua
shir unt tsakatmaru. Kuntinka peaknum aya tepau,
timayi.

6
Nawanta, iju achira yuakur wechattajik”, tau unt.
Chaika nakita. Tumak, ¡Ka-kakakakakaka! Tusa,
muuke pear, nantatsuk tepau.

7
Chikichik tsawantai, chai ijun achiak pujaun iis
ikuak, untka emki wu, tuma weaj-kama untyawan
inkunku. Turam, “¡nawantru, yawa inkuntayi! ¡Yawa
inkuntayi! Tusa, untsua.

8
Untsuam, yaki sake waarkurin eketu, nunak kupik
japiki tsekea tsekeakua aparin jearin.

9
Yawan jeari ¡puju pujut!, awatea, tura maa ajapa
ikukin. Nunik, nanchi nanchikrar kues amasmau jea
ta, yawajai maaniku asa.

10
Kajek jea ta, yurumka yutsuk tepau. Tuma
tuma-kua, kashi tsawar, tsankur, yurumkan yua.

11
Tura, chikichik tsawantai, kashik chaijai ikam wu.
“Nawanta, iju achiram yuata”, tau. Tama, sake
waruk, ijun achia.

12
“Nawanta, jasta, ai amain-tukta”, tusa, weak
ajapa ikukin.

13
Nunik jinta wetatman untyawa kajen ataksha
inkunku. Tura inkunkam unt chain untsua.

14
Chai yaki eketu, un-tsummaun antuk, sake kupik
juki, takaku tsekea tsekeakua jeari, nuisha aitkasan
yawajai mania.
Nunitai iis untka ikuak, jea waketkin.

15
Tura ajapa ikuki, taati tusa nakau. Tati tama,
tama, menkakau. Nunikmatai, aruman werin iistasa,
turasha wainkiachu.
Chai ninki yawajai maa maaniakua kajek, tuke wu.

16
Wampukas
wampis
nuwajai
Wampukas wampis nuwan uuk tsanirma puju
jaku, tima nuna aujmattsatajai.

18
Nuwa nukuri tura aparinka penke nekaiñachu.
Wampukas shuarka, nuwan shir senchi anea asa,
pamau namanken paantam tsamakujai itarea.
Turasha nuwaka namanken yuchau asa aya
paanmanak jua.

19
Wampukas shuarka, wi wiñakainkia ipamat
patittiawai tumakai jinkitia, tusa nuwanka shir
akatar ikiua.

20
Nunis pujau nukap tsawan. Tumatumakua, nuwa
ajapruk ashi irar wantintrau.

21
Tumamtai, unt nawantrin inia, ya shuara junas-
ha jutikrama, tusa. Tama, uchi aparinka wampukas
shuaraiti, tau. Yumi yuta aniakai taawai, tusa ashi
ujaku.

22
Uruchnasha itartimayi, tusa ujaku.
Tama, wampukas itip tura tarach najanat unuiturta,
tita, tau unt, nawantrin.

23
Kashi tsawak, ipamtari tamtai nuwaka wu,
wampuksajai inkuniktasa.
–Itip uruk najantaimpait nu ataksha awainkim shir
jintintruata tita, tau apari.

24
Nuwaka wampuksa inkun, chichaki weak, itip tura
tarach weantusha itur najantaimpait, tusa inia.

25
Chikich tsawantaisha nutiksan, jutika kanka
seapsha, kuwin seapsha najantaiya, tusa, ataksha
awainki jintintia. Turaturam, nuwa ashi shir
unuimaru.

26
Turamtai, chikich shuar aiñasha, ika, umak
wajasar ii irunu, nitasha unuimartaj tusar.

27
Yaunchuk untka uruchnaka takajakcharu tiñu
armayi. Achu nuken jeawar itiprus puju jakaru.
Nunis matsatun, wampukas nuwan tsanirma asa
jintintiamunam nitiasha iis unuimakaru.

28
Eakmau aiña
najaanamu

29
Yaunchukka, Kujanchmaka uchi natsa iwaramu
a jaku.
Chikichik tsawantai, unt chichak, washi numpin
yumai tuku utita, tusa, iñayua kumaijai juki,
kampatum tsetsakan maser, susa akupkau.
Turasha, eke weachunak tsaan yama umikmaun
juki umukna.
30
Turamu we, washi taati tuutu, yawekin. Numpika
kunkuu jau, nu Kujancham yuruati, tusa.
Nunis pujupuju yaweki, washisha winíñak ashi
ijusa ain numpin yua. Yuaj kama, yumin penker yu
jamaiñan nekapar juki juki yua.

31
Nutika, numpiñam washika pet, pet jakin.
Tumamtai, Kujancham iñayua juki washi akutataj
kama awajir yaja akuna. Tura, kumaijai tsentsak
masermaun juki enkek ampunteaj kama,
wajamurinin jusa ajuaru. Atak ampunteaksha
awajiru.

32
Tsetsaknaka ashi amuku, kampatumchik susamu
asa. Tukuchu, tuma asa maman tsentsaka nunin
awa nuna maser chipatnum enkek jukin. Turamu
asa yamaiya juisha tsentsaka anniti.

33
Tura nuna juki unta jeenwaketkin. Tuma chichak,
na-kanakakuan, penke tachmatai yawekin
ikukjai, tau.

34
Puyatak iis.
–Numpi yuachumek, tau unt.
–Atsa, yuachjai, tau.
–Nekaspash yuachum, ju kusum akatmata, tau.

35
Kusum amuknam, tsaanku nampeak ¡kutu kutut!
imau. Tumaj kama, numpi yuamurin ¡kutut! imaku.

36
Tumamtai, “ameku yuachjai takum, yuamjama”
tusa, kutukasa imumtikak iñaisau.

37
Tura ikuak, unt jutikas yuminrau:
–Uchi natsa tukuka shir yua pujustiñaiti, tukuchuka
shir waittsañaiti, tusa kusui usukia.

38
39
CARTA DEMOCRÁTICA INTERAMERICANA
 SÍMBOLOS DE LA PATRIA
CORO

Aujmatmau
Somos libres, seámoslo siempre,
y antes niegue sus luces el Sol,
que faltemos al voto solemne
que la Patria al Eterno elevó.

BANDERA HIMNO NACIONAL ESCUDO

Declaración Universal de los Derechos Humanos

El 10 de diciembre de 1948, la Asamblea General de las Naciones Unidas aprobó y proclamó
la Declaración Universal de Derechos Humanos, cuyos artículos figuran a continuación:

Wampis
DISTRIBUIDO GRATUITAMENTE POR EL MINISTERIO DE EDUCACIÓN
PROHIBIDA SU VENTA Historias y relatos PERÚ Ministerio
de Educación
Wampis