B’ALQ’ATIM TZIJ

Jun.
Waq Waq’ wak’ mak
K’o awaj, k’o b’aqil, k’o b’anoj
Chupam we nu Tzij
We katkowin cheri ub’ixij
Man al ta la’ waq’
Waq waq’ wak’ mak

Keb’.
Le qal ak’al jun uk’a’nal
Kakanaj ruk’ le aqanaj
Are’ k’u aq’abal kaqaj
kakalal pale uk’amal
le q’anaq’ le kaqaj.

B’IX.
Jun.
Kawaj kine’ pa ja tijob’al
Kawaj ke’n riq ewachi’l
Are k’ula’ kawaj kinb’ano
Are’ kula’ utz kinwilo.

Kinweta’maj tz’ib’anik
Kinweta’maj ajilanik
Are’ rajawaxik k’u chwech in
Are’ k’opa nujolom.

Ak’al chat’a we nu b’ix

Ak’al chuj b’ina junam
We kinatarane’j at
Jun utz k’aslemal, kaqariq awuk’.

B’IX. Keb’.
jun nuq’ab’ kinwajilisaj
jun nuq’ab’ kinqasaj
jun nuq’ab kinya’ chwij
jun nuq’ab’ kinya’ chinowach
kinsalab’aj kinyikiya’
kin k’utu chi kinki’ko’tik

we jun nuq’ab’ chik kinwajilisaj

we jun nuq’ab’ chik kinqasaj
we jun nuq’ab chik kinya’ chwij
we jun nuq’ab’ chik kinya’ chinowach
kinsalab’aj kinyikiya’
kin k’utu chi kinki’ko’tik

jun waqan kinwajilisaj

jun waqan kinqasaj
jun waqan kinya’ chwij
jun waqan kiya’ chinowach
kinsalab’aj kinyikiya’
kin k’utu chi kinki’ko’tik

we jun waqan chik kinwajilisaj

we jun waqan chik kinqasaj
we jun waqan chik kinya’ chwij
we jun waqan chik kinya’ chinowach
kinsalab’aj kinyikiya’
kin k’utu chi kinki’ko’tik