MALLKUMPI TIWULAMPI

Mä khunu uruw, khaya qullu patanakanaw, sï. Mä mallkuw qunusiskatayna.

Ukat mä akatxamat mä tiwulax ukakanakan jalanaqasin jikxatatayna, siya. Ukat
mallkur unjasinxa, mayampi mayampi uñkatäna, sï. Näti arxayitani sirxama.
Mallku jani kamsipanxa, akhama sasawa jiskhintataynaxa, siy.

-Tata mallku, janiti thayjktama? Mallkux, uk ist’asinxa, aliqakiwa qunusiskana,

sï. Khunus khunuskakinaw. Jan mallku kun sipanxa, tiwulaxa mayampi
jiskt’ataynaxa, Jila, janiti thayktam?

Mallkux chhiqanakapat khun thalarasisaxa, sataynawa, Chachaxa janiwa

thayawa jiskiti, tata tiwula, sa. Uk ist’asaxa tiwulaxa.

- Nayax chacharakitpi, sasaw, sataynax. Ukhamatixa chachapurastanx,

apustañani, sasay sataynax. Ukhamat yatiñanix, khitis chachatan ukx, sasaw
sataynax, sï. Khitiy jan thayaw jiskchinit ukaw atipanixa, sasaw tiwulax satayn,
siya.

Ukham sasax tiwulax pachpa qulluruw, mallkun maysaxuparuwa,

qunt’asitaynaxa, sï. Ukat machk’amxatxa, kunturixa

– Tiwul walikisktat, janit thayktam sasaw, jiskt’atayna, siya. Tiwulaxa wali

chachachasisapuniw sataynaxa, sï.

– Mallku, kawkhanraki chachasti thayawa, sataynasti, sasa. Wali jayapuniw

qunxapxataynaxa, siya. Ukhamarus khunuxa khunuskakitaynawa, Ukatxa,
mayampi mallkuxa jiskt’ataynaxa.

– Tiwula walikisktati, janiti thayktama? Tiwulaxa, jiwa jiwaw, -walikisktwa,

sasawa , sataynaxa. Ukata machk’amxaruxa, mallkuxa mayampi jiskt’ataynaxa,
siya. Ukirinxa janiwa kunasa arsxanati, siya. Tiwularuxa q’ala khunuxa
khunxatxataynaxa, siya. Mallkusti chhiqhanakapxaruwa qunt’asitaynaxa, siya.
Ukhamarusa, khunxa aliqakiwa thalarasinaxa, siya. Ukhamat, tiwulaxa janiwa
mämpisa unxtxanati, siya. Ukhamata, mallkuxa atipatanaxa, siya. Ukat
machk’amxaruxa, mä siwiq’arawa jiwat tiwulxa kusisisawa
manq’antxataynax,siya. Ukat siwik’arasti, akham sasaw tiwularux sataynax,
siya. - Ay, tiwula, kamisarak mallkurust saykatatasti? Malkust mallkuchixaya,
sasina.