P'IQI JALIRI

Tarata suyuna, Susapaya markana, jaqinakaxa parliritayna jaliri p'iqita. Akhama sasina:

Mä warmixa, Jusiphina sata, jayp'u tuqiru, ch'amaktapiski uka uwrasa, taqapi llupt'añataki

saratayna. Jupaxa sarnaqatayna uka laq'a sirkpacha, uka tuqinxa ch'ari khuwanaka walipuni

jiltaratayna, umampi k'ayita, kami laq'aru satata, walipini jiltatayna.

Jupaxa uka ch'amakana taqapi llupt'asina, lawa k'ututayna, k'ullunaka, jisk'a tarunaka; uka

luratayna. Ukatxa saraqasina taqapiru kutitayna; Jupaxa ch'akura jaytatayna uka tuqiruxa. Ukatxa

wasitata saranaqasina uka ch'ari khuwanakana, akatjamata ma p'iqi jalirí wali wararasina juparu

wali nuwjatayna, wilamaya luratayna, ajanuta ch'akutayna, Jupaxa waraktasita t'ijtasina marka

tuqiru saratayna jacht'asisa.

Markanxa, warmi, chachanaka parlaratayna. Uka warmixa jiwaniwa, sasina. Mä aukixa uka

isch'ukisina wali jach'tasisa saranaqatayna. Puchhapataynawa. Mä qhawqha urunaqata, mamapa

jiwatayna Takana markaru, p'iqipa uka thakhinakana, yapunakana, saranaqatayna. Ukhama siwa uka

jaqinakaxa. ¿K'arisipxipachati? ¿Ukhamapachati? Janiwa yatipxti.

Yatiqiri
Adivinanzas

Floro Mamani Qhispi