Kausachun Jesús Resucitado!!!

Ancha cuyasqay wauqi, paniycuna.

Kunanmi yupaichachkanchik Jesúspa wañuqkunamanta Kausarimusqanta

Kaimi kay qatun willakuy: Jesúsmi Resucitarqun.

Jesús Chiqap Diospunin, rimayninpas chiqaptaqmi, huañuytapas, llapa quchatapas

vencinmi.

Paimi, llapa runata, salvawarqanchik crusninwan.

Cunan punchaumi, jatun cusi punchau, llapallanchik Jesúspi iniqcunapaq, paymi

resucitasqa kachkan, San Pablopa nisqanman qina.

Kimsa runacunam, cunan jesús Resucitasqaman asuycachihuanchik: María

Magdalena, Juan, chaiymantañataq Pedro.

1.- María Magdalena, arí paymi manaraq jesústa riqsispaqa ancha juchapi causarqa,
ichaqa jesúsmi tucuy quchanmanta paita panpacharqa, chaimi pai, ancha cusicuywan,
cuyacuymanta jesústa qatirqa.

Paytaqmi, tuta-tutallaraq rirqa chai Jesúspa pampakusqan chayta, chaymi warmi

kachkaspan, Apostolcunamantapas puntantaraq, willakurqa Jesúspa
resucitasqanmanta.

2.- San Juan, paimi Warmallaraq-kachkaspan Jesústa qatirqa, llapan

apostolnincunamanta sullkam karqa. Paimi mama manchakuspa, mana pinqakuspa,
llapallan apostolcunamanta, sapachallan Jesusta qatirqa, chai amargura callinta, calvario
orqucama, jesúspa mamallanwan kuska. Chaimi pay qillqasqata saqiwarqanchik chai
tawa kaq evangeliota.

3.- Pedro. - paimi jesústa negarqa quimsa kuticama, manaraq gallo waqachkaptin,
ichaqa quchanmanta waqaspan jesúspa panpachaininta tarirqa. Paitam Jesús akllarqa
primer PAPA canampaq, paimanmi Jesús saqirqa kay iglesianchikta, puntaman
pusawananchikpaq.

a) Arí, cunanmi yuyarin obispunchik, llapallan huarmikunata, arí qamkunayá chay

María Magdalena qina, Jesústa qatiychik, paita kuyaychik, qinallataq paimanta
willacuychik. Arí wawaykichikta, wilkaykichiktapas yachachiychik Diosninchik
kuyayta, pai mañakuyta, allin esposa, allin mamá qina.
Chay huamanguino, María Parado de Bellido qina, anchata callpanchakuspa,
allinta puntaman llaqtanchikta puririchiychik.

b) qinallatarmi, obispunchik yuyarin llapallan jovenkunata, arí paikuna raikum PAPA

francisco llapa obispocunahuan quñunakurqa, qayna wata octubre quillapi.
 Chaynallataqmi, enterun mundomanta quñunakurqaku panamá suyo llaqtapi
llapa jovencuna, kay pasaq enero killapi, papa franciscuwan.
Arí qantam joven, kunan Dios qayasunqi, chay joven Virgen María de Nazaretta
qina, Diospa kuyakuynin, llapa runamakunaman apanaykipaq, paypa munaynin
ruranaykipaq, ama pinqakuspa, ama manchacuspa, Diosta kuyaspa, paypa
kallpanchasqan kay llaqtanchikta puntaman apasun.

c) Kunantaqmi yuyarinchik, Pedropa sucesornin, Santo padre - PAPA Franciscuta,

arí paipa representantin kay Perú suyunchikpi, Nuncio Apostólico Monseñor
Nicola Girasolim, visitaycamuwarqanchik kay huamanga llaqtanchikta, kay pasak
semanata, papa franciscupa cuayacuyninta apacuycuspa, paymi domingo
ramospi compañaycuwarqanchik.

Kunanyá wasikichikman kutispa, kusisqa celebraychik kai paskuata, quk allin

mondongollatapas mikuspa.

Qinaspam ama qunqankichikchu niyta, llapallan wasikichikpi kaqkunaman, Taita

Obispunchikmi, kunan llapallan wasipi kaita munan, paimi apachikusunkichik
bendecionninta llapallan familiaykichikman, paimi lliuta kuyasunkichik.