Lámina 7

Sepan quantos esta carta vieren cómmo nos, don Sancho, por la gracia de Dios,
rrey de Castiella, de Toledo, de León, / de Gallizia, de Seuilla, de Córdoua, de Murçia,
de Jahén e del Algarbe, e sennor de Molina, por rruego de don / 3 Gonçaluo, arcobispo
de Toledo, primado de las Espannas e nuestro chançeller mayor en los rregnos de
Castiella, de León e del Andaluzía, / tenemos por bien de ffazer estudio de escuelas
generales en la villa de Alcalá. Et porque los maestres e los escolares ayan uolun/tad de
venir ý a estudio, otorgámosles que ayan todas aquellas ffranquezas que a el estudio de
Valladolit. Et mandamos e deffendemos que /6 ninguno non sea osado de les fazer
ffuerça nin torto nin demás, a ellos nin a ningunas de sus cosas, ca qualquier que lo
ffiziesse, pechar/nos ýa en pena mill maravedís de la moneda nueua e a ellos todo el
danno e el menoscabo que por ende rreçibiesse doblado. Et porque esto sea / firme e
estable mandamos ende dar esta carta seellada con nuestro seello de plomo.
Ffecha en Valladolit, XX días de mayo, era de /9 mill e CCC e XXXI annos.
Yo, maestre Gonçalo, abbat de Aruas, la ffiz escreuir por mandado del rrey / en
el anno dezeno que el rrey ssobredicho rregnó.