Ferrandus, Dei gratia rrex Castelle et Toleti, Legionis et Gallecie, omnibus /
hanc cartam uidentibus, salutem et gratiam. Mando firmemientre e / 3 deffiendo que nenguno non sea osado, nin ricomne ni otro nengu/no, de prender conducho nin comer en las casas ni en los uassallos del / abbad nin de los monges de San Fagund, por oquier que sean, ca qui /6 lo fiziesse, pecharíe el conducho e lo que hy prisiesse doblado al abbad, e / a mí, los XL morabetinos del coto que yo he puesto en mío regno, ca bien / quiero que las cosas del abbad de Sant Fagund, que quiero bien e que / 9 me faze seruicio, que sean gardadas e deffendudas e nengún non fa/ga en ellas tuerto nin fuerça nin demás. Facta carta apud Çamoram, rrege exprimente, IIII die ianuarum, era Mª CCª LXª nona.