CANTOS A ELEGWA

I
Bara súwá yo omo yalawa ná
Ko mamá ke’ñi irawoeee
O Bara wá yo Eke e, Eshu Odara omo yalawa ná
Kó mamá ke’ñ irawoeee.

II
Agó to’ yó ma de ka wa o. O le le
Agó to’ yó ma de ka wa fu mi iye, Iya unsoro koto
Omo lowó si ireo. O le le.

III
Iba orishá iba alaye o, ashe Moyubba.

IV
Ashe, mo jubba orisha, Mo jubba o. Mo jubba orisha
Coro: Ashe mo jubba orisha.

V
Iba ‘go, ago mo jubba (Bis)
Omodé koni’ko Iba’ go, agó mo jubba Elegwa Eshu lona.

VI
Agongó L’aro, Agongó Laroye
Elegwa dé ma da nki o.

VII
Agó Elegwa buke’ ke (Bis)
Agó Laroye buke’ ke

VIII
Agó Elegwa ó bu kénké
Agó Laroye ó bu kénké.

IX
Ishonshó abe (Bis)
Odará ko lerí e yó. Baba sé mí.

X
Elegwa o Elegwa nso aña (Bis)
Alaroye mo da nkí o
Elegwa nso aña.

XI
Alaroye yo kó dé, Alaroye yo kó dé.
Coro: Iba orisha íma wo. Alaroye yo kó dé.
 XII
Eshu odara agó, kini made yo Elegwa
Kini made yo Elegwa, kini made yo Laroye.
Coro: Eshu Odara agó kini made yo Elegwa

XIII
Eshu Gbeleke, iba’laye
Agó laroye. Iba’laye.

XIV
Eshu mi ni e a, Aladdó ni she. Eshu mi ni
Alaroye aladdó ni she.

XV
Kiri nyá, Kiri nyá, agó kiri nyá
Elegwa ta ni ko só.

XVI
O-n-yó-ló
Coro: Bara yó ló nkú elé.

XVII
Efun ya tó pán l’owo
Coro: O bu kenke. O bu kenke.

XVIII
Elegwa, ya tó pán l’owo
Coro: O bu kenke. O bu kenke.

XIX
Ogum, ya tó pán l’owo
Coro: O bu kenke. O bu kenke.

XX
Adó ashu re o. Adó ashu re o
Bara layiki, ado ashu re o