KAPITULU I

INTRODUSAUN

1.1. Antesedente

Laserasaun perineum hanesan kanek iha dalan moris ne’ebé akontese

waainhira inan ida partu normal no mós partu spontanha ne’ebé ajuda ho
ekipamentus hanesan ventosa no bele akontese tamba episiotomia ne’ebé halo
husi parteira iha momentu partu ho razaun iha indikasaun ruma. Laserasaun
perineum ida mós bele akontese ba inan ne’ebé primipara no mós bele akontese ba
multipara

Bazeia ba dadus husi Organizaun Mundiál Saúde (OMS) taxa mortalidade

martenal iha mundu iha tinan 2015 hamutuk 216/100.000 moris ho partu. Taxa
mortalidade materna iha nasaun ne’ebé foin dezenvolve ne’e a’as liu kompara ho
taxa mortalidade matena iha nasaun avansadu, ne’ebé ho númeru mortalidade inan
nian hamutuk 239 kada ema ida 100.000 ne’ebé moris iha tinan 2015 no iha
nasaun avansadu iha de’it 12/100.000 moris ho partu. Kazu laserasaun perineum
ba inan partu iha mundu iha tinan 2015 hamutuk 2,7 milhões (WHO, 2015).

Iha Azia kazu perineál mós sai hanesan problema bo’ot ida iha sosiedade no
50% husi insidensia laserasaun perineum iha mundu kazu maioria akontese iha
Azia. Iha nasaun Indonezia laserasaun perineum hetan husi inan hamutuk 57%
inan partu pervagina, husi total 1951 partu spontanea, 57% inan hetan suku iha
perineum 28% episiotomia no 29% laserasaun spontanea (Depkes RI,2017).

Dadus husi survey Demógrafika saúde Timor-Leste tinan 2016, hatudu

katak taxa mortalidade materna iha Timor-Leste hamutuk 195/100.000 moris ho
partu no rasio mortalidade relasiona ho isin rua mak 218/100.000 moris ho partu,
maske iha redusaun a’as kompara ho nasaun sira seluk iha Reziuan Sudeste
Aziátiku.
 Tuir relatóriu Informasaun Sistema Saúde, Ministeriu Saúde (2022) kazu
mortalidade inan hamutuk 25 ne’ebé kompostu husi Hospital Nasionál Guido
Valadares (HNGV) Hospital referral 16 no husi Munisípiu hamutuk 9.

Tuir relatoriu komunitaria servisu saúde Comoro Dili (2022) inan partu ho
total … pessoas, husi hirak ne’e inan laserasaun perineum total hamutuk …
pesoas.

Kauza husi laserasaun perineum bele hare’e husi fatores rua, hanesan fatores
fetal no materna. Fatores fetal ne’ebé kauza akontese ruptura perineál mak bebé
nia todan moris, pozisaun ulun la normal, distosia kaba’as, problema kidun no
seluk tan. Bebé moris ho todan 4000 gram bele hasa’e risku akontese rupture
perineál ida ne’e tamba perineum la iha forsa atu tahan bebé nia ulun ho bebé nia
todan bo’ot. Fatores materna hanesan idade ida <20 anos, paridade, maneira
haka’as ne’ebé lalo’os (Fathus, 2014).

Impaktu husi akontese laserasaun perineum ba inan pós-partu seluk mak

akontese infesaun iha kanek suku fatin ne’ebé hada’et ba kanal urinaria bele mós
ba dalan moris ne’ebé bele hamosu komplikasaun infesaun urinaria no mós
infesaun iha dalan moris. Husi ida ne’e mós belé akontese ran sai tamba vassu
sanguineo nakloke ne’ebé la taka kompletu to’o ran sai bebeik. Jestaun ruptura
perineum ne’ebé ladun di’ak bele hamosu infeksaun (Suriani, 2013).

Solusaun ne’ebe uza atu solusiona laserasaun refere maka hakerek nain
deside halo obstetriku ba inan Pós-Partu ho laserasaun perineum grau II iha
Servisu Saúde Komunitária Comoro.

1.2 Formulasaun Problema

Bazeia ba deskrisaun iha leten , maka hakerek na'in halo formulasaun ba

kazu mak hanesan oinsa atu halo Kuidadu Obstetriku ba Inan Pós-Partu ho
Laserasaun Perineum Grau II iha Servisu Saúde Comoro?

1.3 Objetivu Peskiza

1.3.1 Objetivu Jeral

 Implementa kuidadaus manajementu obstetriku ba inan pós-partu ho
laserasaun perineum grau II koresponde ho jestaun obstetriku ne'ebé maka
aplikaliu husi obstetriku tuir 7 etapas jestaun Parteira tuir Varney.

1.3.2 Objetivu Espésifiku

1. Bele halo rekolla ba inan pós-partu ho laserasaun perineum grau II Sra….

Idade… anos P.. A..iha sala puerperium Comoro tinan 2022.
2. Bele halo analiza dadus ba inan pós-partu ho laserasaun perineum grau II
Sra…. Idade… Anos P.. A.. iha sala puerperium Comoro tinan 2022.
3. Bele halo identifika diagnose obstetriku ba inan pós-partu ho laserasaun
perineum grau II Sra… Idade… Anos P.. A.. iha sala puerperium Comoro
tinan 2022.
4. Bele halo antisipasaun no asaun imediata ba ina pós-partu ho laserasaun
perineum grau II Sra… Idade… Anos P… A… ho laserasaun perineum iha
sala puerperium Comoro tinan 2022.
5. Bele halo planu ba inan pós-partu ho laserasaun perineum grau II Sra…
Idade… Anos P… A… iha sala puerperium Comoro tinan 2022
6. Bele halo implementasaun obstetriku ba inan pós-partu ho laserasaun
perineum grau II Sra… Idade… Anos P.. A.. iha sala puerperium Comoro
tinan 2022.
7. Bele halo evaluasaun rezultado husi obstetriku ba inan pós-partu ho
laserasaun perineum grau II Sra… Idade… Anos P.. A.. iha sala puerperium
Comoro tinan 2022.
1.4 Benifisiu Husi Peskiza

1.4.1 Ba Hakerek Na’in

Peskizadora bele implementa siensia koñesimentu no esperiênsia real hodi halao

parteira Institutu Superior Cristal (ISC) no nu’udar referensia espesial ba
estudante ho implementasaun obstetrisia ba inan pós-partu ho laserasaun perineum
1.4.2 Ba Instituisaun
Hasa’e prosesu estudu no aprende nu’udar materia no mata dalan ba
estudante Parteira Institutu Superior Cristal (ISC) no nu’udar referensia espesial
ba estudante ho inplementasaun obstretisia ba inan pós-partu ho laserasaun
perineum

1.4.3 Ba Peskiza Fatin

Peskizadora espera katak bele fó informasaun no apoiu ba profisional

saúde sira hodi hasa’e kualidade atendimentu iha Servisu Saúde Komunitária
Comoro hodi halo obstetrisia ba inan pós-partu laserasaun perineum.
 KAPÍTULU II

ENKUARDAMENTU TEÓRIKU

2.1 Pós-partu

2.1.1 Definisaun

Depois de partu iha lian latin bolu puerperium, liafuan puer ho signifika
bebé no parous signifika partu, puerperium katak tempu depois de bebé moris.
Puerperium hanesan período rekuperasaun hahú husi plasenta sai ikus iha orgaun
repodutivu fila fali hanesan kondisaun antes isin rua. Período puerperium ou nifas
komesa husi oras rua depois de plasenta sai husi uteru to’o orgaun repodutivo fila
fali ba antes isin rua ( Bahiyateun,2016)

Tempu pós-partu dura durante semana 6 to’o hahú loron partu. Durante
períodu ne’e mudansa fíziku ne’ebé akontese durante isin rua fila fali ba
kondisaun antes isin rua, periodu ida ne’e mós tempu ba inan atu toma
responsabilidade atu tau matan ba bebé ne’ebé sei presiza kuidadu no dependente
husi inan rasik, períodu ida ne’e bele hamosu problema liu-liu inan hetan
difikuldade atu hatoman an bele sai inan ida (Mochtar,2012).

Tempu nifas (puerperium) hahú depois de plasenta moris no ikus

wainhira orgaun repodutivu fila-fali ba kondisaun antes isin rua puerperium dura
durante semana 6 to’o 8 hanesan tempu ne’ebé presiza atu oan fatin rekopera fila-
fali ba kondisaun normal (Bahiyatun,2010)
 2.1.2 Objetivu Pós-partu

Tuir (Saifudin A, 2009), objetivu tempu pós-partu entre seluk mak

hanesan:

1. Kuidadu saúde ba inan no oan, di’ak iha fíziku tantu psikologiku.

2. Detekta problema, kura no refere kuando akontese komplikasaun ba
inan tantu oan.
3. Fó edukasaun saúde kona-ba saúde ba individu nutrisaun,
planeamentu flamiliar, maneira no benefisiu fo susu imunizasaun ba
bebé inklui kuidado oan lor-loron.
4. Fó atendimento planeamento familiar.

2.1.3 Etapa Pós-partu

Tuir (Angreni, 2010), pós-partu fahe sai etapa tolu (3) mak hanesan:

1. Puerperium sedu, katak inan saudavel fila-fali no bele haruka hamriik

no la’o inklui hala’o aktividades hanesan ho inan normal sira seluk.
2. Puerperium Intermedia katak área fatin lulik normal fila-fali
aproximada semana 6 to’o 8
3. Puerperium Remote, katak tempu ne’ebé inan saudavel fila-fali,
prisipal liu kuando inan durante isin rua partu iha komplisaun.

2.1.4 Mudansa Pós-partu

Tuir (Ambarwati, 2008) mudansa iha pós-partu mak hansan tuir mai
ne’e:

1. Uterus
Uterus akontese prosesu, involusi, prosesu involusi mak hanesan
uterus fila-fali ba kondisaun antes isin rua.
2. Lokhea
Lokhea mak likidu ne’ebé sai husi cavum uteru liu husi vagina durante
tempu puerperium. Lokhea enfrenta mudansa tamba prosesu involusi.
Lokhea fahe ba 4 hanesan;
 1. Lokhea rubra
Lokhea ne’ebé akontese iha loron iha loron 1 to’o 3 depois de
partu kor mean tuan ne’ebé kontein desidua, hanesan raan
fresku hetan restu husi ketuban, sel desidua, vetriks, caeosa,
lanugo no restu husi meconium
2. Lokhea sanguinolenta
Lokhea ne’ebé akontese iha loron 4 to’o 7 depois de partu, kor
mean ho coklat ho lendir.
3. Lokhea Serosa
Lokhea ne’ebé akontese iha loron 7 to’o 14 kor lokhea
mudansa sai kinur ba coklat tanba kontein serum no leukosit.
4. Lokhea Alba/putih
Lokea ne’e kontein leukosit, selapus lendir serviks, hanesan
likidu ne’ebé kuaze la iha kor. Lokhea alba akontese husi loron
14 ba leten.

3. Vulva no Vagina
Vulva no vagina hetan presaun no mós istika ho maka’as durante prosesu
partu, orgaun rua ne’e nafatin iha kondisaun kendur. Depois de semana
tolu, vulva no vagina fila-fali ba kondisaun antes de isin rua.
4. Perineum
Depois de partu perineum sai mamar tamba antes ne’e estika husi presaun
bebé ne’ebe book an ba mai.
5. Serviku
Involusi serviku no segmentu okos uterus depois de partu la hanesan no la
fila fali hanesan kondisaun antes de isin rua. Serviku no segmentu okos
uterus mosu bubu mihis no nakloke iha loron balun depois de partu porsiu
sente mamar no mean.
6. Mudansa psikolójiku
Iha períodu mudansa psikologia ne’e fahe ba faze 3 mak;

a. Taking In
 Akontese iha loron 1 to’o 2 depois de partu, inan nafatin pasivu no
depedente tebes ba ema seluk.

b. Taking Hold

Dura loron 3 to’o 4 depois departu, konsentrasaun liu ba abilidade atu

simu responsabilidade tomak ba kuidado bebé. Iha momentu ida ne’e
inan sensitivu tebes, tan ne’e presiza matadalan no enkorajamentu husi
parteira atu bele atende hodi utrapassa kritiku ne’ebé inan infrenta.

c. Letting Go

Inan simu responsabilidade nu’udar inan atu halo kuidadu ba bebé foin
moris no inan atende no inan atende ou senti nesesidade bebé ne’ebé
dependente lo’os husi inan

7. Miudansa Sistema Digestivu

Inan sei senti hamalaha no hakarak atu han iha oras 1- 2 depois de partu.
8. Sinais Vitais
a. Temperatura
Iha loron dahuluk (24 oras) pós-partu temperature isin sae oituan
(37,5°c-38,5°c), lakon likidu no kolen. Wainhira kondisaun normal
temperatuta sai normal.
b. Pulsu
Pulsu normal ba ema bo’ot mak 60-100x/minutu, pulsu hafoin
partu bai-bain sei lalais.
c. Respitatoriu
Kondisaun respiratoriu sempre iha relasaun ho temperature no
pulsu, winhira temperatura no pulsu la normal entaun respiratoriu
mós sei la normal. Ezeptu iha problema ruma iha kanal
respiratoriu.
d. Presaun Aterial
Sei tun depois de partu tanba iha ran sai. Tensaun arterial a’as
hafoin partu bele fó sinal akontese pre-eklamsia pós-partu.
2.1.5 Nesesidade Bájiku Pós-partu

Papel importante sira ne’ebé maka presiza iha pós-partu tuir Siti Saleha
2014 mak hanesan tuir mai ne’e;

1. Hahan no Likidu
a.Han hahan ne’ebé iha nutrients atu bele hetan proteina ne’ebé
sufiesinte, mineral no vitamina.
b. Hemu be’e pelumenus kopu 8-9 kada loron.
c.Hemu vitamina A (200 Unit) atu bele fó vitamina A ba bebé liu
husi inan nia susuben.
2. Deskansa
Inan sira presiza deskansa durante períodu pós-partu atu hasae
produsaun susuben no Evita inan nia kolen.
3. Ambulansi lao
sAmbulansi Sedu (early ambulantion) katak parteira bele konsisten
lalais atu guia inan pós-partu hader husi fatin toba no guia inan atu
lao lalais.

4. Eliminasaun
Durante oras ne’en hafoin partu, inan bele ona so’e be’e ki’ik,
wainhira urin tahan kleur iha urinaria bele akontese problema iha
orgaun urinaria, ezemplu infesaun. Defeksaun espera inan hetan
BAB loron 3-4 durante pós-partu.
5. Personal Hygine
Presiza isin mós atu Evita infesaun no aumenta laran senti
konfortavel.
6. Sexualidade
Fizikamente seguru atu bele halo relasaun sexual wainhira ran
para.
7. Vizita Pós-partu
 Minimu halo dala 4 halo vizita iha tempu pós-partu atu hatene
saúde inan no bebé foin moris no mós detekta lalais karik iha
komplikasaun ruma.

2.2 Laserasaun Perineum

2.2.1 Definisaun

Laserasaun perineum hanesan kanek iha perineum ne’ebé akontese

wainhira bebé moris mai tantu espontanea ka uza ekipamentus ka prosedimentu
ruma. Laserasaun perineum kuaze akontese ba inan iha momentu partu dahuluk
no dalaruma mós bele akontese ba parte tuir mai. Iha prosesu partu sempre
akontese laserasaun perineum tantu spontanea ou bele mós episiotomia ne’ebé
halo husi parteira iha momentu hahoris ( Wiknjosastro,2015).

Laserasaun perineum hanesan kanek ne’ebe hanesan kanek bai-bain

akontese iha momentu partu. Laserasaun perineum bele akontese spontanea ou
episiotomia ka partu ho ajuda husi ekipamentus (Irianto,2014)
2.2.2 Klasifikasaun Laserasaun Perineum

Tuir cunningham (2020), laserasaun (ruptura) perineum fahe ba parte

sira mak hanesan tuir mai ;

a. Grau 1
Ruptura perineum grau 1 iha; mukosa vagina, komisura posterior.
b. Grau 2
Rupture perineum iha; mukosa vagina, komisura posterior, otot-otot
perineum, kulit perineum maibe lakona spingter ani.
c. Grau 3
Ruptura perineum iha; mukosa vagina, komisura posterior, kulit perineum
to’o otot spingter ani.
d. Grau 4
Ruptura perineum iha; mukosa vagina, komisura posterior, kulit perineum,
otot spingter ani to iha mukosa rectum.

2.2.3 Sinais no Sintomas Husi Laserasaun Perineum

Iha sinais sintomas akontese laserasaun perineum (Sukarni K, ZH, 2013)

hanesan tuir mai ne’e;

a. Raan fresku nee’be suli kedas depois de bebé moris.

b. Kontrasaun uteru diak.
c. Plasenta moris kompletu.
d. Oin namkurut no fraku.
2.2.4 Fator Kauza Laserasaun Perineum
Tuir (Depkes, 2004) fator kauza ruptura perineal hanesan;
1. .Fator Inan
a. Paridade

Hanesan kondisaun inan ne’ebé iha relasaun ho total oan ne’ebe partu.

b. Espasu Moris
Espasu moris hanesan tempu entre oan agora no uluk, espasu moris
menus husi tinan rua hanesan risku a’as tamba bele hamosu
komplikasaun iha partu. Espasu oan tinan 2 to’o 3 hanesan esfasu
moris ne’ebé diak liu ba inan no bebé.
c. Partu ho prosedimentu (ekstrasaun vakum, ekstrasaun forsep)
Partu ho prosedimentu uza vakum no forsep bele haklo ruptura iha
perineum.
d. Idade Inan <20
Idade inan <20 posibilidade bele hetan lasesarasaun perineum tamba
perineum la iha forsa atu bebé nia ulun.
2. Fator fetal
a. Bebé nia todan
Bebé nia todan bele influênsia prosesu partu kala II. Bebé moris ho
todan>400 gram bele hasa’e risku akontese ruptura perineum.
b. Distosia kaba’as
Hanesan komplisaun ne’ebé akontese iha partu wainhira bebé nia ulun
sai tiha ona maibe bebé nia kaba’as sei belit iha pelviku.
c. Apresentasaun ho kidun
Hanesan kondisaun ida ne’ebé bebé ho pozisaun ulun iha fundus uteru
no kidun iha kavum uteru okos.
3. Fator Ajudante
a. Episiotomia
Hanesan prosimentu ne’ebé halo husi parteira iha momentu partu atu
fó dalan bebé nia ulun hodi liu no ajuda prosesu partu ho lalais.
b. Maneira oriente inan
Wainhira dilatasaun kompletu sujere inan bele haka’as wainhira la iha
kontrasaun sujere inan deskansan uituan, han no hemu wainhira la iha
kontrasaun.
c. Maneira komunikasaun
Servisu hamutuk no inan no bele atende prosesu partu ho lalais no
prevene akontese ruptura perineum.
d. Abilidade tahan perineum wainhira espulsaun ulun
Wainhira ulun vulva (5-6cm), tau hena mós no maran ne’ebé hakilar
1/3 iha inan nia kidun okos no tau hena mós no maran iha inan nia
kabun leten atu hamaran bebé wainhira bebé moris. Proteje perineum
ho liman ida (iha hena mós no maran nia okos), liman fuan bo’ot iha
parte sorin husi perineum no liman fuan ha’at iha parte sorin perineum,
iha bebé nia ulun ho kuidadu bele hamenus ka minimiza nakles iha
vagina ho perineum okos. Tahan bebé nia ulun ho kuidadu, proteje
perineum no kontrola bebé nia ulun ho kuidadu bele hamenus ka
minimiza laserasaun iha vagina no perineum.

2.2.5 Impaktu Husi Laserasaun Perineum

Tuir (Wiknojosastro,2015) impaktu husi laserasaun perineum hanesan;

a. Infesaun
Laserasaun perineum bele ho lalais kontamina husi fezes tanba besik
anus, infesaun mós bele sai kauza kanek ne’ebé la para

b. Raan Sai
 Raan sai husi kanek perineum bele sai maka’as, liu-liu iha ruptura
grau 2 no 3 ruptura sae liu ba vulva no vagina

2.2.6 Kuidadus Ruptura perineum

Haktuir (Angraini, 2010) kuidadu perineum ho objetivu atu prevene

infesaun husi orgaun reprodutivu sira ne’ebe kauza mikro-organismu tama liu
husi vulva no vagina ne’ebe nakloke hela ka rezultadu husi ploriferasaun
bakteria iha pensu. Kuidadu kanek perineum katak atu hadi’a fila fali orgaun
jenitaliku feto nia hanesan tenpu antes isin rua. Kuidadu hygiene iha periodu
pós-partu atu labele akontese infesaun. Tempu kuidadu perineum hanesan:

1. Hamos orgaun genitalia

Depois de partu bai-bain perineum sei bubu.
a. Kuidadu orgaun genitalia hanesan fase ho sabaun ho be’e mós depois
hamos área vulva to’o anus halo maran hafoin uza pensu. Pensu troka
minimal troka loron tolu dala ida.
b. Wainhira soe be’e ki’ik no be’e bo’ot hotu presiza hamos área vulva
no anus hamos husi oin ba kotuk halo maran, atu prevene akontese
kontamisaun bakteria husi anus ba vulva.
c. Fase liman ho sabaun ho be’e mós antes no depois hamos área
genitalia.
d. Hanorin inan hamos área genitalia ho maneira hamos haleu área vulva
uluk hafoin hamos área anus.
e. Labele kaer área kanek.
 2.2.7 Prevensaun Laserasaun Perineum

Tuir Mochtar (1998) servisu hamutuk ho inan no uza manual ne’ebé

apropriadu bele regula bebé nia ulun, kabaas no isin lolon tomak atu prevene
ruptura perineum ou minimiza ruptura perineum. Dalan ne’ebé rekomenda atu
minimiza akontese ruptura perineum inklui;

1. Wainhira bebé nia ulun loke vulva (5-6cm) ajudante tau hena mós no
maran no hikar halo triangulu iha inan nia kidun okos no prepara hena
mós no maran tau iha inan nia kabun leten atu hamaran bebé wainhira
moris
2. Proteje perineum ho liman ida ho hena mós no maran, liman fuan
bo’ot iha sorin ida husi perineum no liman fuan ha’at iha sorin seluk
iha bebé ulun kotuk.
3. Proteje perineum no kontrola bebé nia ulun, kabas no isin lolon tomak
ho kuidadu bele hamenus ruptura iha perineum no vagina.

2.3 Teoria Jestaun Parteira

2.3.1 Definisaun

Jestaun obstertiku mak hanesan prosesu husi rezolusaun problema uza

hanesan metodu atu organiza hanoin asaun ho baze iha teoria sientifiku, hetan
representasaun sekuênsia lojika ou estájiu atu toma desijaun foku ba kliente
(Asrinah, 2010)

2.2.3 Etapa 7 husi Varney

Etapa 1. Rekolla Dadus

Mak hanesan etapa primeiru ne’ebe mak presija halo evaluasaun ba

kondisaun pasiente ba kondisaun pasiente nian ho maneira kompleta ba etapa
primeiru ida ne’e tau hamutuk informasaun sira ne’ebé mak lolos husi istoria sira
ne’ebe mak relasiona ho kondisaun pasiente nian.

Etapa 2. Analiza/Interpretasaun
 Etapa ida ne’e halo interpretasaun dadus (dadus husi rezultadu
asasmentu) kompostu husi diagnose obstetriku no problema. Dadus báziku ne’ebé
kolleta ona halo interpretasaun nune’e bele formula diagnosa problema ne’ebé
espesifiku.

Etapa 3. Identifika Diagnostiku

Etapa ne’ebé indentifika problema ou diagnostiku potensial seluk ho

baze problema seriu ou diagnostiku ne’ebé identifika. Etapa ida ne’e iha
antisipasaun bele halo prevensaun enkuantu observa kliente, espera nia prepara
kazu diagnostiku potensial problema realidade ne’ebé akontese.

Etapa 4. Identifika no Atribui

Nesesidades asaun Imediata parteira ou mediku no konsulta tratadu

hamutuk seluk mai membru ekipa saúde ne’ebé akordu ho kondisaun kliente,
nesesidade asaun imediata sei identifika akordu ho autoridade parteira inklui,
asaun independente, kolaborasaun ou referênsia.

Etapa 5. Planejamentu Atendimentu

Planu atu kuidadu obstetriku ho baze diagnostiku no problema

estabelesimentu, kada desizaun planea sei rasionasi no totalmente validas, bazeia
ba koñesimentu teoria atualiza husi akordu ho suposiaun kona-ba buat ne’ebé la
feitu.

Etapa 6. Realiza Planu

Realiza planu ho efisiênsia, efikasia ho di’ak. Planu bele feitu

inteiramente husi parteira ou klientes no ekipa saúde seluk. Karik parteira labele
dehan mesak sei iha responsabilade ba partu garantia etapa inplementsaun hansan
realiza ne’ebé koreta.

Etapa 7. Avaliasaun

Halo avalisaun efetivu ho kuidadu hotu ne’ebé fornese ona, asaun hirak
ne’e responde tuir nesesidade ne’ebé identifa ona iha problema diagnostiku.
Rejultadu avaliasaun halo akordu ho kondisaun kliente. Husi akordu ho (Varney
2004) dokumentsaun ou informasaun kona-ba dezenvlovimentu asistênsia
obstetrika ne’ebé mai husi realiza ho SOAP, hanesan; Subjetivu, Objetivu,
Asesmentu, Planeamentu.

2.4 Dokumentsaun

2.4.1 Definisaun

Definisaun dokumentus geralmente dokumentus bele signifika hanesan

notas otentiku id aka karta original hotu ne’ebé bele prova ka halo sai hanesan
provas iha kestaun legais (sudarti, 2010)

Dokumentasaun iha obstertiku hanesan provas notas ida no hanesan keixa

ne’ebé mak parteira iha hodi halo nota ne’ebé benefisiu ba iha interese kliente,
parteira no ekipa saúde ne’ebé fó atendimentu saúde ho fundasaun komunikasaun
ne’ebé adekuadu no kompletu por eskritu ho responsabilidade parteira (Suarti,
2010).

2.4.2 Elementus Husi Dokumentus

Tuir (Varney,2007) parteira nia hanoin momentu hasoru kliente inklui

etapa 7. Atu ema seluk hatene saida Mak hala’o husi parteira liu husi prosesu
hanoin sistematiku maka halo kada dokumentasaun iha format SOAP hanesan ;

1. Dadus subjetivu
Hanesan dadus ne’ebé uza hala’o liu husi anamnesa. Dadus ida ne’e relasaun
ho lamentasaun pasiente nian, bele hetan informasaun direita husi pasiente ou
familia pasiente.
2. Dadus Objetivu
Hanesan rezultadu ezaminasaun ne’ebé halao husi parteira. Ezaminasaun refere
inklui ezaminasaun kondisaun, ezaminasaun sinal vital, ezaminasaun fisiku husi
ulun to ain no ezaminasaun adisional (teste laboratoriun, raio-x, usg no seluk-
seluk tan).
3. Asesmentu
Asesmentu hanesan dokumentus rezultadu anamnesa tantu implementasaun
husi dadus subjetivu no objetivu. Ezaminasuan ne’ebé permanente no akuradu
setifika lalais halo detektasaun mudansa ba pasiente no bele foti desijaun ka asaun
ne’ebé adekuadu. Ezamisaun ida ne’e sei inklui;
a.Diagnosa ka problema
b. Diagnose ka problema potensial
c.Identifika nesesidade asaun sedu atu antisipa diagnose ka problema
potensial. Nesesidade asaun sedu identifika tuir kompentênsia paretira
no inklui asaun idependente, asaun kolaborasaun no asaun transferênsia
pasinte.
4. Planu
Planu hanesan prosesu halo agora no futuru. Planu ida ne’e forma bazeia ba
rekollamentu dadus no anamnesa kona-ba inan ne’ebé halo tiha ona.
Atendiementu ne’ebé planu iha bele ajuda pasiente atinji progresu no tenki tuir ho
rezultadu kolaborasaun ho pesoal saúde,ezemplu Doutor. Aleimde kontein planu,
etapa planu mós kontein implementasaun no evaluasaun. Implementa atendimentu
tenki hetan aseitasaun husi pasiente, ezeptu karik pasiente iha situasaun ida
lahatene a’an ka tenki hetan atendimentu refere. Depois de atendimentu halao
presiza halo evaluasaun ne’ebé kontein analiza rezultadu ne’ebé atinji ona. Karik
objetivu nian la atinji, evaluasaun sei sai baze atu buka atendimentu alternativu
atu ne’e objetivu ne’ebé dezeju bele atinji (Dr. Lyndon Saputra, 2014).