APRENDIZAJE YORUBA

PRESENTACION AL OSHA :
Mo ni omo .................................awo orunmila......peleo (orisha) 3 veces
Ma ja kiki won orun, mo dupe
Igbo baba
Igbo yeye
Fun mi ni ori ire
Te de iwa pele
A dupe, ashe.

Limpieza con el IRUKE :

Se coge el iruke frente a orunmila y se reza :
“Osa meyi baba afose jekanda rana asi ou sarayenye ebo”.
Se comienza uno a limpiar pasando la cola por todo el cuerpo diciendo :
“Iku, iku bogbo aremi babae”

Verso para saludar a IFA :

Adaba susu awo won lode Ajirikin

Adifa fun won lode Ajirikin
Oniti won batiji ki won omaamu oju bakin
Ifa aji amojubakin lon i o
Manmanje oju wa kofo
Adabasusu awo won lode Ajinrin

REZO 2
ORUNMILA ELERI IPIN IBE KEJI OLORDUMARE
ONI TUMO AGBEDEGBEYO APA LOSIYAN
WI ODUDUWA SHE ISHE MINI
ORUNMILA SHOMO SHOMO

Traducción rezo 2
ORUNMILA, testigo final (testimonio final)
Segundo de Dios, quien enciende todos los idiomas
Quien dice adivinanzas en las controversias
Dice ODUDUWA facultad a mi trabajo
ORUNMILA cuida de sus hijos

Rezo a ORUNMILA para inicial el día.

ORUNMILA ELERI IPIN

IBIKEJI OLORDUMARE
A JE JU OOGUN
OBIRITI APIJO IKU DA
OLUWA MI ATOIBA JAYE
ORO ABIKU JIGBO
OLUWA MI AJIKI
OGEGE AGB AYE GUN
ODUDU TI NDU ORI EMERE
A TUN ORI TIKO SUNWON SHE
AMOIKU
OLOWA AIYERE
AGIRI ILE LLOGBON
OLUWA MI AMOIMOTAN
AKO MO O TAN KOSHE
A BA MO TAN IBA SHE KE

Traducción
ORUNMILA, testigo del destino
Segundo de OLORDUMARE
Eres más eficaz que la medicina
Tú la órbita inmensa
Que aleja el día de la muerte
Mi señor, todopoderoso, sálvame
Espíritu misteriosos que luchó con la muerte
El primer deber es saludarte en la mañana
El equilibrio que ajusta la fuerza del mundo
Tu arte, cuyo esfuerzo es reconstruirlo la criatura
De la mala fortuna
 Reparador de la desgracia y la fatalidad
El que sabe la inmortalidad
Señor rey de las grandes posibilidades
Perfecto en a casa de la sabiduría
Mi señor infinito en conocimiento
Por no conocerte bien somos inútiles
Oh, si pudiéramos conocerte bien
Todo sería bueno para nosotros.

Para presignar o presentar a las personas, se le tocará las siguientes partes del cuerpo:

Cabeza AGO ORI

En la nuca AGO IPAKO
En la garganta AGO OFUN
Hombro derecho LAPA OTUN
Hombro izquierdo LAPA OSI
El vientre OLU YUN
Rodilla derecha ITAN BORUKU
Rodilla izquierda ITAN BORUKU LODE
Pie derecho ELESE KAN
Pié izquierdo ELESE MEJI
Mano derecha OWO OTUN
Mano izquierda OWO OSI
ARIKU BABWA (Se le presentará en la parte de arriba de las manos)

CONSULTA ALEYOS :

Despues de la moyugba se dice :

Odu kuele kuele ni omode (nombre aleyo) iponi odara.
Y se reza :
Opele ogbo o akinosa
Balogun lode orun, olumoran lode owo
Arihinin rohunun, ogbo ohun to wi o
Iwo lawo emi logberi
Ohun to wi iwo logbo
Bi o ba ti ri ni o wi o
Ma fire pebi, ma fibi pere
Iwaju opon ogbo, hellin opon ogbo
Olumu lotun-un, olukanran losi
Aarin opon ogbo ita orun
Ile ogbo agbalagude
Atiwaye ojo, atiwo orun
Aje iwo naa gbo
Ogbo ohun ti olowo yii wi o.
Ire

ATENCION ORULA

CICLO DIARIO.-
Poner la estera frente al lugar sagrado de Ifa. Tocar con la cabeza en la estera como un signo de gratitud hacia
el espiritu de la tierra (onile), y dar tres palmadas para anunciar su presencia en el igbodu. Algunos awo rocian
una gota de agua en el piso y varias gotas de agua en su Eshu e Ifa diciendo : “ Ile tutu, Eshu tutu, Ire orunmila”

Despues de la moyugba se dice :

Eri omo awo orunmila osatrupo omo oabatala ifa olufandei

Odu kuele kuele ori awo iponi awo odara.

Rezo a OLODUMARE al empezar el dia :

Iba olodumare, oba ajiki ajige. Ogege agbakiyegun. Okitibiri oba ti napo jo iku da.
Atere Kaiye, awusikatu, oba a joko birikitikale, alaburkuke ajimukutuwe, ogiribajigbo,oba ti o fi imole se aso
bora, oludare ati oluforigi, adimula, olofin aiye ati orun.
A fun wen ake wen, owenwen ake bi ala.
Alate ajipa olofa oro oba a dake dajo.
Awosu sekan. Oba ajuwape alaba alase lori ohun bogbo.
Araba nla ti nmi igbo kijikiji.
Oyigiyigi oba akiku ati oba nigbo, oba atenile forigbeyi, awamaridi olugbhun mimo to orun.
Ela funfun gbo o oba toto bi aro, pamupamu digijigi ekun awon aseke
Awimayehun olu ipa oba airi. Arinu rode Olumoran okan.
Abowo gbogbogbo ti yo omo re. Ninu ogin aiye ati Orun. Iba to-to-to.
Ase.
ORIKI ESU ODARA :

Akaribiti, awo ile onika, ejo langba ni nfi gbororo ni imoran olofin.
Da orunmila, baba nlo sode, aiye ni ko ni de, baba ni on je elegede on a de, baba ni on je doboro on a bo, o ni
se on barapetu. O ni se on mo Esu Odadara.
O ni ko tun si ohun tinda awo lona

ORIKI A ORUNMILA :
Olodumare, mo ji loni. Mo wo gun merin aye.
Igun kini , igun keji , igun keta, igun kerin olojo oni.
Bogbo ire gbaa tioba wa nile aye. Wa fun mi ni temi. Taya tomo tegbe togba.
Wa fi yiye wa. Ki of fona han wa. Wa fi eni eleni se temi.
Alaye o alaye o. Afuyegegege meseegbe. Alujonu eniyan ti nfowo ko le.
A ni kosi igi meji ninu igbo bi obi. Eyiti o ba yako a ya abidun dun dun dun . Alaye o, alaye o.
Ifa wa gbo temi. Esu wa gbo temi. Jeki eni ye mi. Jeki eni ye mi . Jeki eni ye mi.
Ki ola san mi taya, tomo, tibi, tire, lo nrin papo ni ile aye. Wa jeki aye mi. Kioye mi. Ase.

REZO APERTURA ADIVINACION :

Orunmila eleri ipin ibikeji olodumare.
A je je ogun obiriti a pijo iku sa.
Oluwa mi amoinmotan a ko mo o tan ko se.
A ba mo o tan iba se ke
Oluwa mi olowa aiyere omo elesin ile oyin.
Omo ol ope kan to san an dogi dogi.
Oluwa mi opoki a mu ide soju ekan ko je kekun hora as aka saka akun.
Omo oso ginni tapa ti ni ewu nini.
Omo oso pa de mowo pa de mese o mbere al epa oje.
Oluwa mi igbo omo iyan birikiti inu odo.
Omo igba ti nsope jiajia.
Iku dudu at ewo oro ajepo ma pon.
Agiri ile ilobon a bolowu diwere ma ran.
Oluwa mi a to iba jaiye oro a biku jigbo.
Oluwa mi ajiki ogege agbaiye gun.
Odudu ti idu ori emere o tun ori ti ko sain se.
Omo arin ti irin ode owo saka saka.

Orunmila iboru, orunmila iboya, orunmila iboshishe.

ORIKI DARAJI : (PERDON)

Orunmila mo pe, orunmila mo pe, orunmila mo pe.

Ifa mope, ifa mo pe, Ifa mo pe.
Oduduwa mo pe, oduduwa mo pe, oduduwa mo pe.
Igi nla subu wonakankan detu. Orunmila ni o di adariji.
Mo ni o di adariji. O ni bi Oya ba pa ni tan.
A ki i a sa a, a fake eran fun u. A dariji o ni bi sahngo ba pa ni tan.
A ki i, a sa, a fagbo fun u. A dariji, o ni bi Ogun ba pa ni tan.
A ki i, a sa a, a faja fun u.
A dariji. Oduduwa dariji wa bi a ti ndariji awon ti o se wa. Ase.

MEYIS
Baba Eyiogbe : Baba fefe baba rere, adifafun echu, lordafun orunmila, kaferefun olokun.
Oyekun meyi : Ariku madawa omini mashayo, adifafun oluo agogo.
Iwori meyi : Yiwi yiwi, mayo mayo, adifafun koko loyebeifa.
Odi meyi : Ashamaruma addima addima baba yerimo oshanla.
Iroso meyi : Moshebo, taruku taruku, variase variase, adifafun yewa.
Ojuani meyi : Adifafun agangara adelepeko ko omo olordumare.
Obara meyi : Onibara olodobara alegbara adifafun elewa.
Okana meyi : Shukutu mayawala adifafun akuko.
Ogunda meyi : Adifafun olofin, adifafun orunmila, adifafun obini meta.
Osa meyi : Bara buru, buru bara afoshe baba, obragadan addie oyopekara.
Ika meyi : Ika ikani ebo, adifafun elebuta.
Otrupon meyi : Jekua baba enini, lashope miñio, eñiñi lashoro ekun adifafun shango.
Otura meyi : Ashekun difa imale, adifafun imale
Irete meyi : Baba eyelembere oko lae adifafun aporoye.
Oshe meyi : Kulu kulu she oshe, maluku maluku, aun babalawo adifafun akatanpo.
Ofun meyi : Baba oragun, jekua baba ifa ofun mafun tale okan juju ledie adifafun olofin.
 1° TABLERO ( Se divide el tablero en dos con eiogbe)
Oshe Tura : Oshe tura oni tonguerere adifafun ile ibu.
Suyere : Auroloa auroleo, adifafun ile ibu, auroloa auroleo
Toyale
Padrino
Oyugbona
Oyekun nilogbe : Aru ni shupa keta siboru.
Suyere : Ifa she sikoda (probar ashe) 3 veces.
Ogbe di : Ogbe di kaka, ogbe di lele, adifafun borotita, maferefun oshun.
Ogbe bara : Ogbe bara bi abere baba terere adifafun sese
Ogbe bara bi abere baba terere adifafun shango
Ogbe bara bi abere baba terere alordafun olofin
Ogbe yono : Obosobo Bocono adifafun shena.
Ogbe sa : Afefe salu aye, afefe salu olorum, adifafun ewe bara maferefun shango.
Ogbe tua : Baba mofoyu sese adifafun oluo alabi adifafun Ayacuá adifafun oluo sigüayu.
Iwori bofun : Ifa kaferefun shango ati yemaya.
Suyere : Guere nito guere guere, guere shango takua, guere nito guere.
Obara ogbe : Omo ki shere oma eru kada thinshomo eleggua.
Suyere : Ifa timodashe, ifa timodashe, obara ogbe (3 veces).
Ogunda bede : Abebego, abebego, abede eran kule.
Osa lofobello : Cabeosa oma inturi, oma lordafun babalawo olofin, orunmila lorogbo.
Suyere : Piriti, piriti omode lara . (3 veces) Se limpia la cara de la persona .
Otura niko : Iku onika, otura niko kuokuo omo orunmila. Kaferefun eshu.( se marcan los 4 puntos cardinales).
Otura sa : Owo epo okoyoni
Suyere : eki megua, eki megua, shango elebo eki megua.
Otura tiyu : Oyu tami tami, odefa bi aikordie lebo. Kaferefun olofin.
Irete yerro : Orunmila lorugbo to iban eshu .
Suyere : Oyiki yiki ota lo mio, oyiki yiki agbado okuma, oyiki yiki ota lo mio.
Otura she : Ida kuda kudu, ishe kushe lordafun orunmila, kaferefun olokun.
Okana yekun : Oddum eledum olorum eledum, asho risa osode orunmila odum toyale.

2º TABLERO

Ogbe roso : Ogberoso untele, ashe ebbo, ashe to ariku babawa orunmila akualosiña, akua ebbo rori orunmila isota.
Ogbe roso untele ashe.
Atie deku.......deku atie
Atie deya.......deya atie
Atie akuko.....akuko atie
Atie agbado…agbado atie
Atie juju.........juju atie
Toyale
Otura She : Ida kuda kudu, ishe kushe lordafun orunmila, kaferefun olokun.
(Se pone ashe en las manos)

3° TABLERO ( Cierre del ebo y destino)

Otura she : Baba yegue, ida kuda, iru kuru, ire kute obere keta oni babalawo.
Toyale
Irete yerro : Orunmila lorugbo to iban eshu .
Suyere : Oyiki yiki ota lo mio, oyiki yiki agbado okuma, oyiki yiki ota lo mio.
Oshe nilogbe : Otolomu toyale adifafun yalorde.
Ika meyi : Ika ikani ebo adifafun elebuta.
Ojuani shobi : Tabayoku bain bain lobati adifafun oun babalawo meridilogun tindodifa ile olofin.
Okana sa : Kobi lari ti oniku oyolan papi ilu reno, ifa ni kaferefun obatala ati eshu.

A continuacion se pregunta con igbo si EBBO ADDA si dice que si se canta Okana Yekun.
Si dice que no , se averigua lo que falta y se cumple, despues se pregunta el destino del ebbo, asi como de los animales y
demas objetos con quien van.

4° TABLERO

Odi fumbo : Odi fumbo ara, ara oshanla, ara inle aye moyerani oshanla lese iku paraldo orunmila lorugbo.
Toyale
Ika meyi : Ika ikani ebo, adifafun elebuta.
Okana sa : Kobi lari ti oniku oyolan papi ilu reno, ifa ni kaferefun obatala ati eshu.
.. Se pone el ebo sobre el tablero y se envuelve hacia fuera diciendo :
APAKUANDI ARO
APAKUANDI EJO
APAKUANDI OFO
APAKUANDI TO BOGBO OSOPO
Se coloca el ebo sobre el tablero y con el irofa y escobilla se le da vueltas en ire diciendo:
OFO UNLO
ARO UNLO
 Se mencionan todos los osogbos . Se pasa el ebo por debajo se dan pequeños golpes con el irofa, pidiendo los Ireses y se
saca con el Irofa por debajo del tablero.
IDDIN OLOMO WEWERE
UMBALULO LODA ESHU ODARA.

ORUM

Suyere velas :

Eggun fumi
Eggun fumi
Itana lawro lawro
Eggun fumi
Itana eggun lelekun
Itana eggun lelekun
Olodumare eggun lelekun
Awa olorun egun lele kun

Ochebille a Eggun :

Ogbe yeku yeku awaloni

Bife obbi ayilode mayebi
Ogbe yekun olorun olani
Yere umbati balu

Suyere akuko a Eggun :

Akuko mankio
Akuko mankio
© Ewe eye iku odara, akuko mankio
Iku yere
Iku yere

Suyere eyele a Eggun :

Eggun awanilorum
© Eyele nileo akoro loye nileo

Suyere Oti :

Eggun lokua oti lario

Eggun lokua oti lario

Suyere Omi :
Eggun lokua omi lario
Eggun lokua omi lario

Suyere Oñi :
Eggun lokua oñi lario
Eggun lokua oñi lario

Suyere tirada obi :

Obis boca arriba y le echamos omi
Awara wara, obi mi yegun awa
Obis boca abajo
Obi iku, obi iku lele
Obi awa lorun

Invocación a los egguns :

Aumba wa ori
Aumba wa ori
Awa osun
Awa oma
Awa oma leyabo
Bogbo eggun kaure
Bogbo eggun (nombre).
Encantamiento de Orun :
Obe le iku
Eku awa ni lorun
Ella orun orun laye iku
Baba nigua ase ni iku
Baba nigua ase nibora
Bebe kenile soku
Bebe kenile
Orun eko logua
Abe lele kuele
Abe lele kuele
Baba kori kori eku fefe laye
Afefe ekun ayalorun aferekun ella lorun
Baba tokun
Aferekun egun mawa
Nireo toreo
Egun mawa nireo tokun
Iba kinilorun eku owa egun
Egun maware
Oku baba
Egun masoku okere obariba
Bebe belekun mayare bele belekun
Mayare awa olokun
Shango, shango, ashe.

Rezo a orum :

Obi yeku, yeku iku eggun awani lorun

Lowo fibi iku
Awa ni lorun
Moyeku obi
Oba ti oba ku olorun
Mowa yode eggun obi
La fibi iku
Okana yureo
Obati biku lowo lese
Ire ara onu
Bainle ire obi ifa
Obi fun eggun
Obi fun inle
Obi fun olorun
Obi fun eggun odara

Llamada a Orum :

A we toro mole iku olele

A we toro mole iku olele
Akoko toro mole iku de akoko nibe
Emi se banse yo
Awo nire iku olele

Rezo egguns familiares :

Eggun emi ogba ini intori ni odum ifa awo

Eggun intori ni garo eyi ran lomoni emi ara emi ire.

PLANTE DE AWOFAKA E IKOFA

Toda ceremonia de Ifa comienza siempre, por darle cuentas al muerto de lo que se va a hacer ;

CUENTAS A EGUN :

1º Una vez completada la Atena a egun, se procede a encender las itanas con los siguientes rezos :
Ojuani Hermoso : Awo ikeke adifafun orunmila.

Itana lau lau

Egun lau lau

Itana egun lelegun

Awo olodumare egun lelegun
Itana egun lelegun
Awo olorum egun lelegun
2º Acabada de encender las itanas, se deja caer la moneda. Suyeres de invocación a egun ;

Lauba awa ori

Awa osi, awa oma
Awa oma, la yae bogbo egun kowe

Obi iku, obi egun

Obi awa nilerum

3º Dar obi a egun, moyugbando.

Mientras se moyugba a los eguns, el awo auxiliar rezara con el pagugu .
Oyekun nilogbe : Chesi bodo lorisha, Adifafun pagugu.

4º Oshe bile a egun ;

Obi yokun egun, awalofun yowanifw
Obi eafu egun
Obi itana mayerbi
Egun umbaty umba umbaku
Olorum mawoyerde egun
Obiliku okana yireo
Umbati buku lowo lese ire, ara omo
Obi ofa
Obi fun egun
Obi fun egun odara
Cuentas a egun de lo que se va ha hacer diciendo : Egun omi omo kan (nombre) Awo de orunmila (nombre), dandole
cuenta de un Inshe, ni obi omi tuto , itana bogbo adimu y eyebale (animales que se ofrendan)
Aquí se le da ya obi en la forma conocida.

5º Sacrificio de animal de egun.

Se dice :
Egun mofi kirimba eveni (animal) ny akokan.
Sacrificio se dice :
Eweye (animal) mankio.
Umbate koro maneke
Bogbo egun unyen
Osheminiee, osheminiee, etc...

6º Por ultimo se limpian con cascarilla todos los asistentes.

Suyere :
Baba lordo nilefun (4 veces)
Nilefun awonile
Baba lordo nilefun.

OSAIN

1º El oba se arrodilla frente a bogbo ewe y reza Irete kutan.

Irete kutan : Shemi omi rioma kekere ite kita ayanoku tiyana tiyana adifafun orunmila.

2º Después el oba entregara al awo correspondiente los ewe y este a su vez, se lo presentara al otro awo que lo
acompaña, para que los ripien, en una cazuela de barro.

3º Dentro y debajo de la cazuela se pondra y rezara el odum de Oshe juani

Oshe juani : Kekere babade akokona omode adifafun osain.

4º Mientras se ripia se canta el siguiente suyere :

Bama la kiva
Iya , Iya
Ewe, ewe
Bama mo kibo
Ebo, ebo

5º Se sazona la cazuela con los siguientes ingredientes :

Omi, oti, oñi, eku, ella, awado, epo, ori y efun.

6º Obi a osain .
Se le sopla obi con 4 atares en los 4 puntos cardinales. Luego se pasa el pie derecho y el izquierdo, diciendo :
Elese otun walde
Elese si lakatoyo

7º Se reza ashe en el tablero con los odum de los awoses plantados.

TOQUE DE LA PUERTA
1º Los adeles se meten dentro de una igba sazonada con eku, ella, awado y guabina, dentro de la igba se escribe :
Oshe tura-Ojuani bara-Otura she.

2º Se escribe en el suelo detrás del shilekun los odum : Oshe tura-Odi meyi-Otura she

3º Los awoses permaneceran dentro del bodun y uno fuera, el futuro apetevi de orula se arrodillara fuera del bodun,
frente al shilekun con el siguiente dialogo :
Apetevi : Toca tres veces la puerta.
Obba : Pregunta ¿quién es?
Apetevi : Dice su nombre
Obba : Pregunta ¿qué busca?
Apetevi : A Orula
Obba : ¿Para que?
Apetevi : Para salud, ashe y desenvolvimiento.
Obba : Ashe

Esto se repite 3 veces.

Mete la mano por debajo de la cortina y restriega los adeles por el suelo diciendo :
Biti biti bitire
Ikofa orunmila
Wara, wara omofa
Biti, biti, bitire

LAVATORIO
1º Se pone en una palangana , los eshus, ogun , oshosi y osun.

2º Se entregan lo kofa diciendo : Aquí te entrego estos kofas judios, para que me los devuelvas cristianos.

3º Se entragan jabon y ewe diciendo : ewe foshewa

Aeee foshewa
Oshe foshewa
Aeee foshewa

4º Se va echando omiero, mientras se cantan los suyeres de osain.

5º Para levantar a los awoses : se les da osun y se dice :

Oferekete ayada dideo
Oferekete kukute kukute demaro

6º Se le echa oti a osun rezando :

Iroso tolda ele bo quiteño
Fotiwo, fotiwo
Obba ire un fotiwo obba ire

7º Para echar omi se reza :

Iroso che oluyenye adifafun ashefo
Fotiwo fotiwo
Obba ire un fotiwo obba ire

8º Por ultimo se reza :

Osumbure komonbure
Burulanga labose
Osheminieee
Se da una vuelta sobre el pie izquierdo diciendo :
Danteri danterio danterio
To iban eshu

ALAWA FOKETE
1º Dentro del bordun se pondra una estera y los awos que consagraron osain cogeran los kofas y los pondran en igbas
para ponerlos diremos :
Oto ota alaguaniche
Oto ota alaguaniche

2º Se ponen los awos de pie detrás de las igbas y van entrando los aleyos de uno en uno, se arrodillan frente a las igbas
y se les rocia con omi diciendo :
Alawa fokete oyu
Alawa fokete ofo

OBI A BOGBO OKORO

1º Elewa ;
Moyugba
Rezo Ogbe ate :
Rezo a elewa
Oshe bile
Se le da obi dandole cuentas de lo que se va a hacer.

2º Ogun ;
Rezo ogunda meyi :
Rezo a ogun
Oshe bile a ogun :
Oshe mobelo
Ori olosha
Adite ogun
Se da obi.

3º Oshosi ;
Rezo de oshe kana :
Rezo Oshosi
Oshe bile
Se da obi

4º Osun ;
Rezo Irete roso :
Rezo osun
Oshe bile
Se da obi

Después de dar obi a bogbo akoro se presentan los animales a sacrificar diciendo antes de unyen :
Baba mofi kirimba, eyeni (animal) ni akokan.
Se procede al sacrificio de forma normal .

BAJADA Y EYEBALE A ORUNMILA

1º Se arrodillan los awos y los aleyos que van ha recibir en una estera frente a orula.
El obba procede a coger las dos itanas y hacerle una cruz en la frente a los awo y después de lo cual prende las itanas
rezando ojuani hermoso con el siguiente suyere :
Orisha awo ikoko
Orunmila itana leri ni kaurima
Orisha awo ikoko
Osheminie

2º Bajada de orula.
Ifa iye orunmila
Biololo okan
Kiowa ileo
Biololo uya
Kiowa ileo
Biololo ita
Kiowa ileo
Biololo ibu
Kiowa ileo
Biololo uke
Kiowa ileo

Se rezan los 16 meyis

Se procede a moyugbar
Se le da cuenta a orula de lo que se esta haciendo

3º Obi a orula.
Para dar obi a orula rezamos :
Ogbe sa : Afefe salu aye afefe salu olorum adifafun ewe bara
Ogbe Di : ogbe di kaka ogbe di lele adifafun morotita maferefun oshun.
Seguidamente se reza el oshe bile.
Suyeres :
Ifa orula obimofiye
Shorodende obimofiye shorodende
Olofin obimofiye
Shorodende obimofiye shorodende
Odudua obimofiye
Shorodende obimofiye shorodende
Afrekoleri obimofiye
Shorodende obimofiye shorodende
Oluo obimofiye
Shorodende obimofiye shorodende
Oyugbona obimofiye
Shorodende obimofiye shorodende
Apetevi obimofiye
Shorodende obimofiye shorodende
Eri umpon obimofiye
Shorodende obimofiye shorodende
Elese umpon obimofiye
Shorodende obimofiye shorodende
Orunkana obimofiye
Shorodende obimofiye shorodende
Atabalemu obimofiye
Shorodende obimofiye shorodende
Atebayacuanza obimofiye
Shorodende obimofiye shorodende

Se intercambian lo trozos de obi diciendo :

A medio otun
A medio osi

Después de sacar los odum se canta lo siguiente :

Orula ma iboru, orula ma iboya, orula ma iboshishe.
Oluo ma iboru, oluo ma iboya, oluo ma iboshishe.
Oyugbona ma iboru, oyugbona ma iboya, oyugbona ma iboshishe
Apetevi ma iboru, apetevi ma iboya, apetevi ma iboshishe
Amoso ma iboru, amoso ma iboya, amoso ma iboshishe.
Amoro ma iboru, amoro ma iboya, amoro ma iboshishe.
Akuaye ma iboru, akuaye ma iboya, akuaye ma iboshishe.

Después se dice :
Odum
eruale
Obanla
eruale
Oshun meri
Yeyeo
Yanya
eruale

Iboru, Iboya, Iboshishe.

Se procede a sacrificar las adies.

Frente a orula habra un plato con omi tuto de donde se sacara el agua para refrescarlo.