OBBI OMI TUTU, YEN DE EYEBALE, ADDIMU Y ORO A EGGUN

1.-) Oriki y Suyere de la Itana

Oriki:

a.) Ojuani hermoso Awo Ikuku Awo Itana Ori mafun ache.

b.) Baba Osa meyi, Baba buru buru, baba foche foche, Adifafun
Orunmila, Oni baba Agboniregun.

Suyere:

a.) Itana keke, iku Eggun keke, Baba Ori boye itana keke (bis)

b.) Itana Eggun lele ekun (bis)

Awo ikuku laulau itana Eggun lele ekun

Con el siguiente suyere se va colocando una a una las dos

Itana al lado de la teja de Eggun:
c.) Itana laulau Eggun fumi lau lau
Coro: Itana laulau

2.) Oriki y Suyere del Pagugu (bastón)

Oriki:
Shesi bodo Lorisha Adifafun Pagugu

Suyere:
Solo: Orere iki Oba orere iki oba
Mofoyuwo releo
Oduaremu kayoba

Coro: Orere iki Oba orere iki oba

Mofoyuwo releo
Oduaremu kayoba
3.) llamada a Eggun

a) Aumba awa Ori, Aumba Awa Ori

Awa Ozun, awa Oma
Leri Oma leyawo
Bogbo Eggun Kaure

b) lankue eggun lankue Eggun

lankue Eggun ara ago ile
lankue Eggun

c) Nire nire Awa ni Olorun

Awo ikuku Oba leri odara
(Rindiendole pleitesía al rey de los Eggun que están en la tierra)

d) Jekua Orun Awa ni Olorun

jekua Eggun iku mawa
(Rindiendole pleitesía al sol, sombra y a los Eggun que murieron con
honor)

e) Funfule Eggun, funfulele Eggun

Eya Oro Awa iku
Funfulele Eggun

f) Aye tori mole sikuo… olele

akufon tori mole boshure
a koko nigbe(niwe) iku omode
tori mole a koko nigbe (niwe)
emi (eni) sewan (seban) seyo magbo nile
Sikuo Olele

Continúa la llamada a Eggun pero se rezan los (4) signos

controladores de Eggun

Onio koto koto koto ye iye

Onio koto koto koto ye
Bogbo Ara Onu
Ogunda labiode: Biode biyire Eggun, meta motoba, idde iku Eggun
payiku, iku Eggun Ogunda la biode kayiku ebbó Eggun, Ebbo kayiku.

Onio koto koto koto ye iye

Onio koto koto koto ye
Bogbo Ara Onu

Ogunda Ofun: Maferefun bogbo Eggun, lordafun osu oyu eni omade
eyo tolofu.

Onio koto koto koto ye iye

Onio koto koto koto ye
Bogbo Ara Onu

Otura niko: Baba guaye iku baioku, Chango maguate Eggun lese
olopin Eggun odara mayiku ebbó.

Onio koto koto koto ye iye

Onio koto koto koto ye
Bogbo Ara Onu

Irete yero: Baba Orun, baba Orun lekun Orun timbele abure lode,
abure lode nilefun mayire Awo Olodumare kaboe nile Awo iku baba
echu masoku ebo kayiku ebo iku Olorun

Onio koto koto koto ye iye

Onio koto koto koto ye
Bogbo Ara Onu

Solo: Iku Eggun waraye

Coro: Okoro

4) Moyugba a Eggun:

La Igba con los cuatro (04) obbi se presentan al cielo y se dice:

Olorun Obbi obari lorda Eggun

Se echa Omi a la derecha y se dice:

Omi Eggun emi belere otun ni oba
Luego se hace lo mismo a la izquirda:
Osini laye ache ewere were iku omaye

Se procede a sacar obbi a obbi de la jícara y mientras los coloca

en el suelo o piso se dice:

Bogbo Eggun akuala yagbe Eggun Odara Obbi Oyiyi Orun akuala
Obari laye, Obari Iku Oyiyi

MOYUGBA A EGGUN:

BABA ORUN AYARE UN YEWA

OBBI ASHIKUELU OBERIBI KULOYE ORUN EGGUN
OYIYI MEYI, OYIYI IKU, OYIYI EGGUN
WEWE ERUN WEWE ERUN EGGUN
OBBI YEWE ORUN EGGUN
OYIYI MEYI OLERI LEDUN MASAKUN MASAKUNBELE
BABA LEDORUN OLORUN LAFE OFUN, OFUN LAYE
OBBI YEKURE I YEYEO OBBI
YEKURE EGGUN: EGGUNS DE IFA, IWORO Y OMOLOGU
KE TY NBE LORUN TY NBE LESE OLODUMARE
INLE MOFE EGGUN MOFE

ALAFIA LOKUN,EYEIFE LAYE BABA ORUN, ETAWA LO OGUN OYE

EGGUN, OKANA KANA SHIRE ORUN ASHIKUELU OYIYI MEYI EYE
MANKIO ARIKU BABAGUA OGOGO YERE IKU OGOGO ORUN
BOGBO CHANGO BABA EGGUN, ALAFIA OLORUN ALADU ASHE
EGGUN: EGGUNS ARAE
KE TY NBE OLORUN TY NBE LESE OLODUMARE EYEIFE ORUN
ASHIKUELU DEDE LA BORU, DEDE LA BOSHISHE, INLE AFOKAN
KAWAYO OBI ETAWA DEDE LA WA OMO EGGUN
OMO IKU SHEWE LOYA, ORUN KUA YERE OMO TY NBE LORUN
OBI LORE LODO NILEFUN OKANA KANA YERE ORUN ASHIKUELU
OLELE LAYE EGGUN IKAN BURUKU NBA TY SODE NLO
OYIYI MEYI, OYIYI EGGUN, OYIYI OLORUN OLORUA
OBBI A DEDE LEMPO
 EGGUN IKU NDEDE BOGBO CHANGO
BABA EGGUN TY NBELESE OLODUMARE NYEUN: LO QUE SE LE
VA A SACRIFICAR A EGGUN.

5) Oriki a Eggun:

a) “Eggun intori ni garo eyi ran lomoni emi ara emi ire”

b) “Eggun bawa mayeni iku Eggun bawa mayeni Chango”

Eggun nyeun: (Se dice lo que se le va a sacrificar y las ofrendas

de addimu y sese)

Luego se toma una vista del piso y se pican varios pedacitos

diciendo:

1ra vista ALAFIA: Olorun fiedenu lade ache Orun, Eggun (si no es
para un solo Eggun se dirá bogbo Eggun) Timbelorun Olodumare.

Se coloca la primera vista en el piso y se toma la siguiente

realizando el procedimiento anterior, mientras se implora con el
siguiente Oriki y esto se sigue hasta la última vista de Obbi.

2da vista EYEIFE: Baba Iku Orun Ashikuelu dede la boru dede la
boshishe Inle afokan kawayo Obbi Fiedenu.

3ra vista ETAWA: Etawa Dedelewa Omo Eggun Omo Iku shewe loya
Orun kua yere Omo Timbelorun Obbi Lorun lodo Ni Lefun Fiedenu.

4ta vista OKANA: Okana kana shire Ashikuelu Olele laye Eggun Inka
buruku umbati sode unlo Fiedenu.

5ta vista OYEKUN: En este paso se pica Obbi de cada una de las
cuatro (04) vista con el siguiente Oriki: Oyiyi Iku, Oyiyi Eggun, Oyiyi
Orun, Oyiyi Olorun, Obbi a dede lempo Eggun Iku Ndede Orun
Chango (Eggun ó Bogbo Eggun según sea el caso) Fiedenu
Timbelorun Olodumare.
6) Oche bile a Eggun:

“ Obbi yeku yekun iku Eggun awa lorun awa bife,

obbi aya olorun, Eggun obi tiwa mayebi
umbati, umbaiku Olorun mawayode,
obbi ala fibiku, okana yureo,
umbati lese ara Orun, baba ire obbi Ifa.

7) Antes de levantar los Obbi del suelo se echa omi sobre los
mismos con el siguiente Oriki:

Leyeri Olorun Obbi boribiku Eggun Obbi Odara.

Se colocan ambas manos sobre la primera vista y de derecha

izquierda realiza el siguiente Oriki direccionando la mano derecha
hacia Orun diciendo:

Solo: Inle ni mokue

Coro: Akueye
Solo: Orun ni mokue
Coro: Akueye
Solo: Eggun ni mokue
Coro: Akueye

8) Con las cuatro (04) vistas de Obbi en la mano y llevándolas en

dirección al cielo se dice:

a) Obbi Eggun, Obbi Orun Obbi Awanilorun.

b) Obbi yekun Obbi a Eggun, Obbi a Eggun Awanilorun

Para lanzar los Obbi, direccionándolos a los cuatro puntos

cardinales: Ati waye, Ati Waloa, Ati walorde, Ati Cantare

9) Presentación de los animales a Orun antes del sacrificio; los

mismos se colocan sosteniéndolos por los elese y con la leri
sobre la teja de Eggun donde se encuentra ya preparada la
respectiva atena con los Oddun para tal fin, en voz suave y
melodiosa se entona:
 a) Akofa oku oro
Akofa oku oro
Oku oro Baba
b) Iku iku yere
Iku iku yere
Iku yere

c) Baba ide moro

Baba ide moro
Ide moro Baba

10) Luego se hace el respectivo sarayenye a los presentes para lo

cual tomamos el siguiente suyere, tomándose en cuenta que
cualquier otro que sea para Eggun puede también ser empleado
para dicha ceremonia:

a) Sarayenye iku
Eggun iku
Sarayenye lona
Oba yele Eggun iku

11) Eyebale a Eggun: Lo siguiente es un Oriki antes de cada matanza

a Eggun que el oficiante debe decir:

Oriki: Eggun mofi kirimba eyeni (akuko-eyele-etu etc) ni akokan

Suyere:

a) ñakiña ñakiña iku Olorun

bara ñakiña,ñakiña Olorun

b) bara yawese yawese Iku Olorun

bara yawese Iku Olorun

c) Oggun choro choro eyebale de karo

d) Iku yere Iku Yere

Eye iku yere
AKUKO

Apon: Akuko eye mankio (coro)

Coro: Ewe eye iku odara, Akuko mankio

Apon: Akuko Eggun Akuko(bis)

Ifa dogun, Ifa doma
Akuko Eggun Akuko

Coro: Akuko Eggun Akuko(bis)

Ifa dogun, Ifa doma
Akuko Eggun Akuko

ADDIE

Apon: Erun seye (bis)

Coro: Ewe EyeeeE erun seye

Apon: Eggun awalorun erun seye

Coro: Ewe Eyeeee erun seye

Apon: Addie Olorun, erun seye

Coro: Ewe Eyeeee erun seye

OSADDIE

Apon: Chon chon Iku Eggun ibailele

Efun eyebale leri osaddie

Coro: Chon chon Iku Eggun ibailele

Efun eyebale leri osaddie

EYELE

Apon: Eye eye eye nilorun

Bogbo Eggun unyen
Eyele nilorun
Coro: Eye eye eye nilorun
Bogbo Eggun unyen
Eyele nilorun

Apon: Eye eyele, eyele dundun bawa

Eggun Awa iku sotowani
Chango Eggun Awa unyen

Apon: Eye eyele eyeni leo akokoro

Lode Eggun awa iku

Coro: Eye eyele eyeni leo akokoro

Lode Eggun awa iku

Nota: Se hace la acotación que todo aquel suyere conocido por el

Awo para dichos sacrificios es aplicable, siempre y cuando el mismo
este dirigido para tal fin.

12) Oti, Omi y Oñi a Eggun

OTI

Apon: Oti lairo oti lairo

Eggun lowao Oti lairo

Coro: Oti lairo otilairo

Eggun lowao Oti lairo
OMI

Apon: Omi lairo omi lairo

Eggun lowao Omi lairo

OÑI

Apon: Umbatolo oñi oñi ekikan, umbatolo oñi oñi okoro

Coro: Umbatolo oñi oñi ekikan, umbatolo oñi oñi okoro

13) ORO A EGGUN

1) Omo alawo yale fiedenu

Akufao, Omo alawo ya le fiedenu akufao akufao
(Ofun yemilo, Paraldo de los platos)

2) Osio Olodumare fiedenu akufon

Osio Olodumare akufon
(Nosotros llegamos a ese espacio terrenal por mandato del
tiempo, no permita que lleguemos a el antes del tiempo)

3) Baba ide moro (bis)

Ide moro baba

4) Tele mopantele (bis)

Wayeke wayeke
Odoso umbo ara umbo
Wayeke wayeke wayeke
Bio wayenye
(El cuerpo va al rio, tele mopantele un nombre de Aggayu)

5) Aye aye leri leyó

Omo loyere, Omo Oya
Eleri leyó, omoloyere
Akara Irawo
Eleri leyó omoloyere layeo
(Por que todos los animales de Eggun, no se le quita la leri
excepto la eyele)

6) Laye baba layeye

Laye baba la fisi

7) Ba kero mi
Coro: Bakeroma
Muni muni
Coro: Bakeroma
Alatocha
Coro: Bakeroma
Baba keromi
Coro: Bakeroma
 8) Awa lona la iku osio
Awa lona (bis)
Oke onao la iku osio
Awalona la iku
(La muerte es lo último que vemos)

9) Woyorele la iku osio woyorele

Oke ona o, la iku osio woyorele

10) Bogbo juani che (bis)

Bogbo ten un yen Olodumare
Bogbo juani che

Nota: En este suyere N° 10 se le coloca a Eggun los Adimuses

con ese suyere

11)Sese ewe isese

Awa ni sese
Awa iku

Nota: En este suyere N°11 se colocan las flores (sese) a los

Eggun

12) E….. Iku oni yoba (bis)

Bogbo eleguede motio
E….. Iku oni yoba (bis)
Bogbo eleguede motio

13) Okokan lami waye, okokan lami wa Orun

(Tengo un solo corazón para los Orichas y el mundo)

14) Oba kunku oban teleo ilele ile

Oba kunku baba iya ero layiki ma adeo
(con el bakuele estoy llamando l padre y la madre, con un
alo fuerte y rendirle a su corona)
15) Ire loya fa…ara…na,
Ire loya la Otun
(Oya siempre da el ire de Eggun y que venga por el lado
derecho)

16) Iya mi kuyeo, baba mi kuyeo

Alagbaro to laye
(Si ya mi madre y mi padre murió ay que parar la muerte
en el mundo)

17) Mofoyugbo rele ó alagbaro to laye

(que mis ojos no se pierdan ante el mundo)

18) Mofoyugbo wo rele

Nota: Hasta acá se trabajaron los suyeres al Oro a Eggun del

primero modulo, por lo que ay que resaltar que cada vez a la
hora del cierre de estos suyeres, debemos despedir los
mismos con el siguiente suyere:

19) Shon Shon Kuami Iya yaya Shon Kuami

20) Shon Shon Kuami Iya Eggun Shon Kuami
21)Shon Shon Kuami Baba Eggun Shon Kuami
22) Shon Shon Kuami Bogbo Eggun Shon Kuami
23)Shon Shon Kuami Ara Onu Shon Kuami

De igual manera los suyeres meyi a meyi se desarrollaran en

el Segundo modulo.

Luego se lanzan los Obbi a verificar si Ebbo Ada con el

siguiente suyere:

c) Obbi Eggun, Obbi Orun Obbi Awanilorun.

d) Obbi yekun Obbi a Eggun, Obbi a Eggun Awanilorun

Si Ebbo Ada se viran las vistas de Obbi y se dice con dos a
la derecha de la teja dándole vuelta en el piso en sentido
contrario a las agujas del reloj:
“Obbi mayekun laye…
Iku Eggun mayekun laye”

Luego se toman las otras dos vistas y del lado izquierdo de

la teja se dice:
“Awara wara Obbi mayekun (bis)
Iku Eggun Obbi mayekun, Obbi leleo, Obbi Odara”

14) luego se toma Efun y se limpian todos los participantes

sobre la teja y Orun con el suyere de costumbre:

“Awa loda nilefun (bis)

Nilefun Awa Ile”

15) Para retirase todos del lugar de la ceremoia se entona el

siguiente suyere:
“ Shon shon shon kuami
Omo lariyo shon kuami”