IGLESIA NACIONAL PRESBITERIANA DE MEXICO A.R. REG. CONST. SGAR/126/93.

H. PRESBITERIO CH´OL DE CHIAPAS REG. CONST. SGAR/126:11/94

H. CONSISTORIO “GETSEMANÍ”
EJIDO AMERICA, MPIO. SALTO DE AGUA, CHIAPAS . Lema: “HACEDLO TODO PARA LA GLORIA DE DIOS” (I COR. 10: 31).

Asunto: i tsict’esΛntel.
23 de noviembre de 2019
Iglesia Nacional Presbiteriana de México
Iglesia “Cristo el Rey”
Ej. San Miguel, Mpio. Salto de Agua

C’uxbibilet bΛ la’ H. Consistorio “Cristo el Rey” mi cΛqueñet lojoñ saludo tij c’aba’
lac Yum Jesucristo xcoltaya lac cha’añ.
Isumjlel ili carta wolibΛ c choc lojoñ t’ilel ti’ la’ t’ojlel H. consistorio jiñΛch cha’añ
mic tsictesañ lojoñ cha’añ ya’ ti misión “Luz y Salvación” col. Los robles, mpio.
Palenque ambΛ ti’ wenta ili Iglesia Getsemaní, añ juntiquil hermano i c’aba’
Gilberto miembrobΛ en plena comunión ya’ ti misión. Tsa’ caji ti’ tsictIyel ti’ tojlel
lac quermañujob cha’añ ili hermano Gilberto yaix woli ti’ chumtΛl yic’ot juntiquil
xch’oc che bajche i piΛl che’ mach ñujpuñemic. Jiñi anciano comisionado tsi’
c’ajtibe jiñi hermano mi’ isum wolibΛ ti’ tsicti’yel ti’ to’jlel, jiñi hermano tsi’ yΛlΛ
cha’añ isumjlelΛch. Jiñi anciano tsa’ix i tsictesa ti’ t’ojlel jiñi ancianojob. Che’ bΛ
yujilob jiñi ancianojob temel yic’ot jiñi pastor tsΛ majli ti’ pejcΛntel jiñi hermano
come añ i cargo como secretario ti’ directiva. Jiñi hermano yic’ot jiñi xch’oc tsi’
tsictesa cha’añ che’Λch añob, chumulobix. Jiñi xchoc i c’aba’ María Montejo tsa’
mejli i tsictesañ cha’añ miembro activo ya’ ti’ iglesia la’ cha’añ. Jiñ cha’añ woli’
tsictesañ lojoñ tij la’ tojlel H. consistorio bajche’ mi la’ ch’Λmbeñ isumjlel tsa’bΛ i
mele ili xch’oc. Ili xchoc jiñΛch juntiquil menor de edad jiñ cha’añ mach mejlic ti’
ñujpuñijel ti’ registro civil. Com cu’jbilojoñ bajche mi la’ ch’Λmbeñ isumjlel yic’ot
bajche mi’ la’ cΛybeñ i cuxtΛlel jiñi xch’oc che ba ora miembro ya’ ti’ iglesia la’
cha’añ.
Cojach isumjlel ili carta, mij pijtΛbeñ lojoñ i jac’bΛl. Lac yum mi weñ coltΛñetla ti
melol i ye’tel.

A wermano ti’ Cristo.

A.I Sebastián López Montejo

Secretario

Pbro. Francisco Pérez Arcos A.I. Francisco Avendaño Arcos A.I. Sebastián López Montejo
Presidente vicepresidente secretario