Documentos de Académico
Documentos de Profesional
Documentos de Cultura
Geteeeer patur koyo ana tejo kang manter, horek sanjawineng sasono pahargyo
bebasan sorak hambato rubuh swarane. awit keno pangaribawane risang
temanten kakung ingkang ketingal agung,ageng lan wibawo.
Temanten kakung lamun cinondro bebasan kurang condro luwih warno. dasar
pekik ing warno, dedek pidhekso pangawak pradoto. langkun-langkung
sinasaban busana kang tinaretes benang kencono, sumunar agilar-gilar nanging
datan hambelerengi. Soyo malih hangagem dhestar hangembo noto tan ono kan
kuciwo
KETIKA SINDURAN
Titipurno adicaro panggih, tumuli lumadi adicaro sinduran,kawistaro temanten
kekalih sinengepan sindur ingkang kaaturaken dening ingkang Ibu,. tanggapin
sasmito ingkang Bopo gito-gito angasto poncoting sindur tumuli hanganthi
putro temanten kekalih tumuju ing kursi palokrami.
Bekti dhumateng ingkang Romo labet enget bilih ingkang romo wus sembodo
ngfukir jiworogo dadya lantaraning tuwuh.
Parandene sumungkem dumateng ingkang ibu labet enget bilih ingkang Ibu wus
kinaryo papanig yoga brata salebeting nawa condro doso ari, sarto hanglelithing
wiwit alit dumugi akir dewoso,bebasan cilik digedhek.ke,bodho kapinterake.
CONDRO KATEANAN
Swuh rep doto pitano, hanenggih pundi to negari, pundi to deso, ingkang
wonten wismo kang kaeoa adi doso purwo. Eko marang sawiji, adi tembung
linuwih, doso wilangan sepuluh, purwo wus ngarani marang kawitan.
Panjang, dowo pocapane. Punjung, dhuwur kawibawane. Pasir, pawedhen.
Wukir, gunung. Loh, tegese subur kang sarwo tinandur. Gemah-ripah, ateges
murah ingkang sarwo tinuku.
Hanenggih punika wismo, mula kinarya bebukaning panyandro, setunggaling
wismo ingkang rinenggo-renggo sagunging kaendahan rerupen ingkang maneko
warni, satemah adamel edi miwah asri ing pandulu. Sedayo kalowau
mratandhani bilih sakalangkung ageng raos bombong kabingahanipun ingkang
hangrenggani wismo hamangkugati, hanenggih panjenenganipun Bp ................
ingkang nembe kepareng mbinojokromo atmaja, hangrakit sekar cepoko mulyo
amimoko putro mahargya siwi.
Puniko ari kang katiti mangsa tgl........ pinilih menongko dinten sawiji, jenongko
dados dinten kabingahan tuwin kabagyan. Mulo puniko kinempalaken poro
kadang poro sentono miwah pitepangan, mitro lan kanca, kinarya regenging
pawiwahan lan pahargyan, pinuji ing suko winantu ing raharjo lan basuki.
Mila mangkono, puniko luhur-sucining sedoyo andadosaken adeging deso
dados satunggaling papan panggenan ingkang sayo panjaaaang punjung dhuwur
kawibawane, saya adoh kuncarane, saya jero tancebe, sayo malembar jenenge,
ingkang celak samyo mentiung, ingkang adoh samyo mentelung.
Sanadyan to papan jembar dados katon rupak, bebasan tumpang cukit tepung
taritis, anamung setunggal kewalo datan wonten wargo puniko deso ingkang
alampah cecengilan punopodene memengsahan lan sesatron. Tansah guyub
rukun, datan wonten ingkang alaku drengki, srei, jail-methakil menapadene
panasten, tinebih ing laku durjono lan dur angkoro. Satunggal kewalo datan
wonten ingkang kori, tansah samiyo sakyeg saeko-proyo hangagem budi utomo
tumuju mring kautamen.
Pinunggel semanten rumpoko panyandraning kawontenan, awit yen to cinondro
jangkep sedinten sedalu natas mboten wonten pedhote, bebasan, turah warna
kurang condro. Wonten galap gangsuling atur anggen kula hanyondro
kawontenan, mugi diagung ing pangaksamo.
Nuwun.
DADI ATI
Lk : (bowo)
Gegarane wong akrami
Dudu bondho dudu rupo
Hamung ati pawitane
Luput pisan keno pisan
Yen gampang luwih gampang
Yen angel angel kelangkung
Tan keno tinumbas arto
Pr :
Nggoleki sing koyo ngopo,
Wong nyatane kalakon seprene
Angger-angger gendro,
Wekasane malah mbangun tresno
Dudu bondho dudu rupo,
Mung atine dadi tetaline
Guyub rukun kadyo,
Pepindhane mimi lan mituno
Wus jamak lumrahe,
Yen wong urip coba lan godhane gedhe
Supradene, Ora nganti ndadak dadi gawe
Rino wengi dadi ati,
Wong prasojo luhur bebudhine
Sabar tur gemati,
Momong putro alus bebudhine
YIDAM SARI
Bowo (Dhandhanggula):
Dhuh wong ayu pepujaning ati
Kayo negene wong nandhang asmara
Apata awakku dhewe
Dhuh Dewa jawata gung
Welasa mring awak mami
Besuk kapan ketekan
Jejer lan wong ayu
Umpakmakna nahkodha
Tanpa prau sasadara den pepetri
Nyidam sari asmara
Langgam:
Umpama sliramu sekar melati
Aku kumbang nyidamsari
Umpama sliramu margi
Aku kang bakal ngliwati
Sineksen lintange luku semana
Janji prasetyane ati
Tansah kumanthil imdg netra rinasa
Karasa rasane ndriya
Midera sajagad raya
Kalingana wukir lan samodra
Ora ilang memanise adhuh
Dadi ati salawase
Nalikanira ing dalu atiku
Lam-lamen sira wong ayu
Nganti mati ora bakal lali
Lha kae lintange mlaku
CAPING GUNUNG
BOWO
Saben bengi nyawang konang
Yen memanjang namung karo janur kuning
Kembang wae weton gunung
Pacitan sarwi jenang
panas udan aling-aling caping gunung
nadyan wadon sarwi lanang
Minumane banyu bening
LAGU
Dhek jaman berjuang
Njur kelingan anak lanang
Mbiyen tak openi
Ning saiki ono ngendi
Jarene wis menang
Keturutan sing digadhang
Mbiyen ninggal janji
Ning saiki opo lali
Neng nggunung
Tak cadhongi sego jagung
Yen mendhung
Tak silihi caping nggunung
Sukur biso nyawang
Nggunung deso dadi rejo
Bene ora ilang
Nggone podho loro lopo
SARUNG JAGUNG
Sarung jagung, abote kebacut tresno
Tak rewangi korban jiwo rogo
Mlaku adoh tan nggresulo
Watone sesandhingan, kang gawe tentrem rasaku
Nadyan munggah gunung, nora wegah
Watone tansah sumanding