¡VY’APAVÊ 

ARAPOTÝRE – FELIZ PRI
MAVERA!

PRIMAVERA II

EMILIANO R. FERNÁNDEZ
MBA’E

I
Ohasa tiempo ro’y
Primavera oĝuahê
Ñu ka’aguy o-florecé
Hokypa i-verde asy
Palo blanco ha tajy
Mombyrýgui jahecha
Ka’aguy oñuâmba
Hechapyrâva yvoty
II
Yerbas, arbustos y flores
Entero ipotyjera
Yvotyty jahecha
Con exquisitos primores
Bello aspecto encantadores
Kóva ko tiempo ogueru
Ko’ê jave rehendu
Himno de aves cantores
III
Campichuélo-pe resê
Hovyûmba rejuhu
Ka’aysáre rehendu
Umi pykasu rasê
Churiri ha pitogue
La novia pepo asa
Nde ári katu ohasa
Bandada pyku’ipe
IV
 Kokuerére rehendu
Sarîa oñe’êjoa
Ñandu guasu omburea
Ha o-rronca ñakurutû
Pe javoráire jaku
Ayvumiéma ojapo
Alba oñe’ê chiriko
Tataupa ha’e mytû
V
Mbokaja ipotypa
O-adorna kokue rape
Pindo rakâre opepe
Tu’î ha marakana
Ha opurahéi ñakyrâ
O-anunciá sandía aju
Yvapovô ha yvaviju
Tape ykére okukuipa
VI
Kuarahy oñapymi
O-calma pe yvytu
Rehecha jasy pyahu
Ikarâpa po’imi
Estrella-kuéra omimbi
Jepiguágui iporâve
Siete cabrilla ojere
Hesakâvo ko’êtî
VII
Roasada ha morotï
Hesa’yju pytângy
O-rayá pe kuarahy
Osêmbotávo omimbi
Ojeroky panambi
Mbyju’i ha mainumby
La creación ombohory
Niño ára hi’aĝui
VIII
Ko’êmba vove ñasê
Ja-cruzá umi vecindad
Ñahetû umi reseda
Ha umi rosa pytâite
Jahechaseveseve
Umi huerta florecida
Rosa, jazmín morotîva
Ndaho’i pe hyakuângue