14082020/jun

NIMAQ’IJ RE LE NUTINAMIT Q’ANTE’L

Kamik uq’ijol le utikb’alil de timamint re Q’antel, kmal le kaxla’n winaq, le ub’i

le nimaq’ij are re le tz’b’atal pa le cholq’ij kaxlán, q’ij re le upaqlem le nan Ya

pa le uk’ux kaj. “La Asunción de la virgen a Cielo”. Nimaq’ij re le tinamit kb’anik

ronojel junab’ are taq kopan le olajun q’ij re le waqxqib’ ik’ re le cholq’ij kaxla’n.

Le ub’í le qatinamit kunuk’ keb’ no´jib’al, le nab’e are le ub’i ya’tal kumal le

ojertaq winaq, Q’antel le ub’eyal are rulewal q’ana pwaq. Le uk’ab’ are le b’i’aj

xkikoj le musib’ rumal le uq’ijol le kityox re le qij le xwok le ja tyoxb’al re le

tinamit.

Rumal le ub’i le qatinamit che le ‘qij jas ne le kamik ronoje junab’ kwok uloq

le mimaq’ij, jawje k’o joljoj taq kb’anik.

Kchaplex le nimaq’ij ruk’ le ch’ab’al re le Ajaw ruk’ le nan Ya pa le tyox ja,

b’elejeb’ q’ij chuxe’ le qas uq’ijol, are taq kopan le Q’ij, nimalaj aq’ab’

kapoqosax uq’aq, kb’an le umixa e k’ya winaq re le joljoj taq k’olib’al ke opan

che uya’ik ukotz’ij, urajil che umaltiyoxixik le tewchub’al uya’om chike che jun

junab’.
 14082020/jun

Le ajtijoxelab’ kuk’ le ajtijab’ kakimulij kib’ che uq’aljaxsik le chak kb’an pa taq

le tijo’bal ruk’ jun b’inem jawje’ le alaj taq ak’alab’, alab’om, altomab’, ajtijab’

kakimulij kib´ ruk’ q’ojom, xojowem, joljoj taq atz’yaqbál re le amaq tinamit

che uk’utik le ki’kotemal cher e ajq’antelab’ kakiya’ uq’ijol le qak’oliba’l.

Chuquje’ le ajk’aynelab’ ke opan che taq le q’ij ri, jasne le re t’uy, awaj, kaxa,

tem, mexa, k’olb’al taq’ atyaq, k’olb’al taq laq’, roski’l , kab’, ronojel uwach ka

noj le uwosaq le k’o cho le ja tyox.

Necher man xuqxuta la le’, k’o xojowem kech le ajxojownelab’, chuqje’ ke

sak’ik ajq’ojomnelab’ le nimaq kijub’umwi le kib’i’, are la le qaskakeyej le

alb’on altomab’ rumalcher kuya’o keb’e xojowoq ruk’ le kich’ab’.

Chuquje’ kwok etz’anem re potz’, ajtikanel aninaq’, ajkojnel bicilceta,

ajwokonel re jelalaj taq tzijob’elil, chuquje’ kchay le Q’apoj ali Ixq’anil re

Q’antel ruk’ nik’aj altomab’ re aj etz’nelab’, re le ajchakib’ re le q’atb’al Tzij, re

le k’olib’al.

Joljoj taq le kb’anik che uya’ik uq’iloj le qatinamit Q’antel, necher che le junab’

ri’ man k’ot jun che taq le jastaq ri’ xb’anik, xa rumal le yab’il le tajin kub’an

k’ax chq’e , rumal la’ rajawaxik kuj tob’an che uq’atexik uwach, ruk’ le ukojik le

ch’uqb’al tza’m chi’aj, qachaj le qaq’ab’ amaq’el ruk’ ch’ipaq, chuquje man
 14082020/jun

keqanimataqib’ jawje laj e k’ya winaq’ ek’olik, wem rajawaxiktaj kujel b’i cho

le qachoch arene utz la we kuj kanaj choja, arecha junab’ jumulchik kaqil le

jelalaq taq jastaq kb’an pa le minaq’ij re le qatimanit Q’ante’l.