1278, setembro, 9. Segovia.

Alfonso X outorga aos moradores da medina de Baena (Córdoba) os mesmos fueros e franquicias que teñen os poboadores do
alcázar de Baeza (Jaén).
A.- AHN, Nobreza, Ducado de Baena, carp. 128, nº 1. Orixinal, pergameo, castelán, gótica cursiva. Plica con tres buratos para o selo.

Sepan quantos esta carta uieren e oyeren como nós don Alfonso por la graçia de Dios rey de Castiella, de | Toledo, de Leon, de Gallizia, de
Seuilla, de Cordoua, de Murçia, de Jahen e de Algarue, por fazer bien e merçed a | todos los pobladores que poblaren suso en el Almedina
de Baena, tan bien a los que agora y son moradores como a los que seran | d'aqui adelante pora siempre. Otorgamosles que ayan el fuero e
las franquezas bien e conplidamientre que han los pobladores |5 que moran en el Alcaçar de Baeça aquellos que fizieren uezindat en el
almedina sobredicha teniendo y la mayor casa poblada1 | con la mugier e con los fijos o con la otra compañia que ouieren. E mandamos e
deffendemos que ninguno non sea osado2 | de yr contra esta carta pora quebrantarla ni pora mitiguarla en ninguna cosa. Ca qualquier que lo
fiziesse aurie nuestra | yra e pechar-nos-ye en coto mill maravedis de la moneda nueua e a los pobladores del logar sobredicho o a quien su
uoz | touiesse todo el daño doblado. E porque esto sea firme e estable mandamos sellar esta carta con nuestro seello de plomo.
Fecha la carta en Segouia, viernes nueue dias andados del mes de setiembre en era de mill e trezientos e diez |10 e seys años.
Yo Johan Perez, fijo de Millan Perez, la fiz escriuir por mandado del rey en veynt e siet annos que el rey | sobredicho regnó.

1
pobla|da] final de liña.
2
osa|do] final de liña.