SARAY ESTACION ED KRUS

(No grupo, nayarin onggapon mangancion)

SINO AKO
Hiram sa Diyos ang aking buhay, Ikaw at akoy tanging handog lamang.
Di ko ni nais na akoy isilang. Ngunit salamat dahil may buhay.
Ligaya ko na akoy isilang pagkat tao ay mayroong dangal.
Sino ang may pag ibig sinong nagmamahal.
Kung di ang tao Diyos ang pinagmulan.
Kung di ako umibig kung di ko man bigyang halaga.
Ang buhay kong handog ang buhay.
Ang buhay kong hiram sa Diyos, kundi ako nagmamahal, sino ako?

PANGIGAPON DASAL:
- Diad ngaray Ama, tan Anak tan Dios Espiritu Santo. Amen.

- Katawan min Jesus, wadia kamin atipon pian dalepdepen mi ray irirap mon dinalan diad
inpanakbat tan inpatey mod Krus makasengeng ed maabagey tan maandon panangarom
pian narondon mo kami ed kasalanan.

- Antabay mo kami pa pian nalikna mi met iratan ya irirap ya dinalan mo pian matua so
panbabawi mi ed saray kasalanan mi.

- Awat mo kami pan minabang ed gloriam ya ando lan ando.

Amen.
 ONAAN YA ESTACION
Si Jesus Asentenciaan ya Ompatey.
Mk. 14: 61-64

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: O Jesus, inawat mon maulimek tan maliket so sentenciay patey lapud panangarom ed
sikami. No gaween dad sikami so andi panangasi tan ag makatonungan, tulungan mo
kami pa met ya maanos tan mapaabeba ya singa sika.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KOMADUAN ESTACION
Say Krus so Impasakbat dad Jesus
Jn. 19: 14-17

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: Pinabli min Jesus, inakom tan sinakbat moy Krus ed saray mandaldalan takeb mo lapud
arom ed sikami. Yabuloy mo pan akbibiten mi ran maaro so ermen mi lapud Sika, O
Katawan.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!
 KOMATLON ESTACION
Say onaan ya inkiparokol nen Jesus ed detdet na Krus.
Jn. 15:18-20

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: Jesus ya Katawan mi niparokol kad belat na awit mon Krus ya pangipolang mod saray
kasalanan mi. Yabuloy mo pan nagawaan miy simbang na onaan ya inakaparokol mo,
say ag mi la komon kapelag ed kasalanan. Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KOMAPAT YA ESTACION
Nabet nen Jesus so Ina to ya maermen
Jn. 19:25-27

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: O Jesus, agaylay sakit na aliknam nen nabet moy Inam nen manpaarap kad kalbaryo.
Ontan met so alikna na pinablim ya Inam. O Ina, na kaermenan, itdan mo kami pa met
na baleg ya ermen ed saray kasalanan mi ya akalanor ed irap na anak mo. O Jesus iter
mo pad sikami baleg ya panangaroy Inam.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!
 KOMALIMAN ESTACION
Tinulungan nen Simon Cireneo si Jesus ya manakbat na Krus
Mk. 15: 20-22

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: O Jesus, baleg so pilalek min manakbat na krus mo. Tulungan mo kami pan mantepel na
saray irirap laut lad saray nisengeg ed Sika. Ipanunot mo pad sikami ya natulungan mi
met komon iray arum ya totoo.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KOMANEM YA ESTACION
Pinonasan nen Veronica’y lupa nen Jesus
Mt. 25:37-40

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: O Jesus, pinonasan nen Veronica so linget tan dala ed manirap ya lupam. Nanlinget ka
ed sibeg to tan intilak moy bakat na lupam ya masagrado ed panyo to. Komon
nipanengneng miy panangaro mid Sika diad panangasi tan pangaro ed saray walad
kaliber-liber mi.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!
 KUMAPITON ESTACION
Si Jesus niparokol ya Pidua
Is. 53: 4-6

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: O Jesus, niparokol ka lamet a pidua lapud belat a Krus mo. Balet binmangon ka nin
siansia ya intuloy so panakar mo. Kerewen mi pan ipaliis mo kami pad kasalanan ya
makapatey. No singa bilang et napelag kami lapud kakabusan mi, tulungan mo kami pa
lamet ya ombangon ya singa sika.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KUMAWALON ESTACION
Si Jesus initdan to ray paliwawa so Bibii ed Jerusalem
Lk. 23: 27-28

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: O Jesus, nen wala ray bibii ya oniimaton tan mannangis lapud kaskasian da ka,
alingwanan moy dilin irap mo tan kinasian mo ra. Komon naalig mi met yan ginawam
diad pangiter miy oras, talent, tan kayamanan ya inter mod sikami tan pamilya mi laut
lad saray mankakaukulan ya kakaabay mi.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KUMASIAM YA ESTACION
Si Jesus niparokol ya komatlo
Ps. 118:25-28

L: Igalang mi ka O Kriston Katawan tan idayew mi ka.

P: Lapud masanton Krus mo, dinundon moy mundo.
L: O Jesus, diad komatlon inkiparokol mo, mas mairap nen saray inmona so pangibangon
Moy naksawan tan maniirap ya laman mo balet intuloy mo nin siansiay panakar mo ed
kalbaryo. Komon itdan mo kami pay grasian ombangon ed saray amin ya kasalanan mi
tan ibeneg mi la ra anggano ansakit tan pinairapan mi.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KOMASAMPLON ESTACION
Nilakseb da ray kawes nen Jesus
Job. 5:17-18/ Ps. 68:21-22
L: Igalang mi ka O Kriston Katawan tan idayew mi ka.
P: Lapud Masanton Krus mo, dinundon moy mundo.
L: O Jesus, saray masebeg ya sondalo so nilakseb day kawes mo tan saray sugat na
laman mo so linmalanok ira. O Jesus min maniirap, inaro mi ka ed interon puso
mi. Lakseb mon amin so panangaro mi para ed sika tan agkami la komon
makagaway makapasakit ed sika.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!
 KOMALABINSAKEY YA ESTACION
Si Jesus impasak ed Krus
Lk. 23:33-35/ Jn. 19:18

L: Igalang mi ka O Kriston Katawan tan idayew mi ka.

P: Lapud Masanton Krus mo, dinundon moy mundo.
L: O Jesus, aliknam so makdem a sakit nen impalpal daray pasak ed lima tan salim. Saray
kasalananmiy akasengeg na saratan ya sakit. Gawam pa ya no nayari komon agmi ka lan
balot napasakitan na anggan sakey ya ambelat ya kasalanan.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KOMALABINDUAN ESTACION
Si Jesus Inatey ed Krus
Lk. 23:44-46/ Jn. 19:30
Ontalimukor tayo
L: Igalang mi ka O Kriston Katawan tan idayew mi ka.
P: Lapud Masanton Krus mo, dinundon moy mundo.
L: O Jesus, nen intagey day Krus na kabusol mo, mambitbitay kad sulit tan sakit ed loob na
taloy oras insan ka inatey lapud sikami ta dinundon mo kami pian naitdan mo kami na
pakayarim ya onlad tawen. O pinablin Katawan, gawam pan matoor kami ed saray
sakramentos ya inter Mod simbaan ya mangiter na grasyay kalbaryo parad kamarerua
mi.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KOMALABINTALON ESTACION
Si Jesus inggaton ed akualan na Ina ton Maermen
Jn. 19:33-34, 38A

L: Igalang mi ka O Kriston Katawan tan idayew mi ka.

P: Lapud Masanton Krus mo, dinundon moy mundo.
L: O Ina na kaermenan, nanlikna ka na balegya sulit ed impangawat moy bangkay na anak
mo ed saray taklay mo, tan anunutan mo ray maliket ya agawa ed bilay yo ed Bethlehem
tan Nazareth. O Ina, yalaan mo kami pay baleg ya arom ed Jesus tan baleg ya ermen tan
busol ed kasalanan pian ag mi lan balot napasakitan.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!

KOMALABINAPAT YA ESTACION
Si Jesus inponpon ed Lubok
Mt. 27:5-60

L: Igalang mi ka O Kriston Katawan tan idayew mi ka.

P: Lapud Masanton Krus mo, dinundon moy mundo.
L: O Jesus, taloy agew so linmabas la ed pannangnangis na Inam tan kakaarom nen
inponpon da Ka ed lobok. Binmilay ka balet ya angipawil na liket ya ag lan balot
tinmaynan. Tulungan mo kami ya mannunot ed maliket ya bilay ya pilalek mod sikami
kayari ipatey mi. Pabiskeg moy pananisia min amine d panba-bantay mi met tan
mangiponpon na saray pamilya tan kakaaro mi, tan itdan mo kami inawa ed saray
ermen mi.
 Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Jesus inpasak ed krus, Kasian mo kami!
PANSAMPOT
(Diad arap na altar)

Mk. 16:1-6 (no Biernes Santo ag la dasalen)

Odino Litrato nen Jesus ya inmoli ed bilay
Mk. 16:1-6

L: Igalang mi ka O Kriston Katawan tan idayew mi ka.

P: Lapud Masanton Krus mo, dinundon moy mundo.
L: Misalamat kami Katawan ya Jesus ed panangarom ed sikami ta ginustom so onpatey ed
krus pian narondon mo kami ed saray kasalanan mi. Kasian mo kami Jesus, perdonam
paray kasalanan mi tan isipan min malet so itumbok mi ed saray bangat mo pian
mikasakey kami ya kaibam ed inyolim ed balon bilay.
Man-ulimek tayo --- (ontewek…… ontangwa)
Ama mi…… Ave Maria…… Nagalang……
L/P: Manisia ak ed Dios Aman makapanyarin Amin, manamalsay tawen tan dalin. Manisia ak
ed Jesucriston Anak ton bugtong ya Katawan tayo. Tinmood gaway Ispiritu Santo,
inyanak nen Santa Marian Birhin. Inpapairap nen Poncio Pilato. Inpasak ed Cruz inatey
tan inkotkot. Inmakseb ed saray inatey. Diad kumatlon agew inmolin binmilay.
Tinmokotok ed tawen manyurong ed kawanay Dios Aman makapanyarin Amin,
manlapud man ya onla dian mangokom ed saray mabilay tan inatey. Manisia ak ed
Ispiritu Santo sisianen ko met so Santa Iglesia Katolika. Say pannanabang day sasantos
say panamaandi kasalanan, say kiolid bilay tan say bilay ya ag naandi.
Amen.
L: Mandasal itayo na sakey Ama mi, Ave Maria tan Nagalang parad intention na Sto. Papa,
papari tan amin tayon wadia natan. Pikasi tayo met so panaaroan tan say kareenan
komon so manari ed familia tayo, kakaabay tan amin ya totoo ed mundo.
Amen.

Kantan Sampot:
 Jesus perdonaen mo ak ta nankasalanan ak.
Ag mo ak papaulyanan a makasian ed dalan.
Siak lay magbabawi ed impankasalanan ko.
Jesus perdonaen mo ak, nankasalanan ak.
Jesus perdonaen mo ak ta nankasalanan ak ed kaparak ya too,
kabusol tan kakaaro siak lay magbabawi ed impankasalanan.
Jesus perdonaen mo ak, nankasalanan ak.

SAY ORACION

L: Say angel na Katawan inbakid Maria,

K: Tan inpaamta toy panlokon to lapud gaway Espiritu Santo.
Ave Maria…….
L: Nia ak lan aripen mo Katawan,
K: Nagawad siak so onung ed salitam.
Ave Maria……..
L: Say Anak na Dios tinmoo,
K: Tan nanayam ed sikatayo.
Ave Maria………
L: Pikasi mo kami, Masantan Inay Dios,
K: Pian onkana kamin makapinabang ed saray insipan nen Jesucristo.

Mikasi tayo:
Pikasi mid Sika, Katawan ta ipaslek mo pay graciam ed kamarerwa mi, pian sikamin
akapikabat na intooy Jesucriston Anak mo, ya lapud inpangipaamtay angel, yakar kami
komon ya lapud inpakairirap tod krus to, ed gloriay kiolid bilay, lapu met lamlamang ed
Katawan min Jesucristo.
Amen.
L: Nagalng so Dios Ama, Dios Anak, tan Dios Espiritu Santo.
K: Onung ed gapo, natan tan lawas ed ando lan ando, ontan pa komon.