MODELAJEN DADUS GEOFISIKA HO OBJETIVU ATU IDENTIFIKA

INFORMASAUN JEOLOJIA RELASAUN HO LOKALIDADE POTENSIA

AQUIFERU IHA RAI OKOS
(Proposta Treinamnetu)

Aprova husi: Juvencio De Deus Correia do Rosario

EKIPA GEOFIZIKA NO ESTUDU PETRÓLEO REGIONAL

GABINETE DO PRESIDENTE – TASK FORCE
INSTITUTO DO PETRÓLEO E GEOLOGIA - INSTITUTO PUBLICO (IPG - IP)
2022
 I. INTRODUSAUN

A. Introdusaun
Estudu geofisika hanesan estudu ida nebé maka halao atu hatene informasaun jeolojia sira
iha rai okos hanesan. Estudu geofisika ne’e rasik iha ninia aplikasaun oioin mak hanesan estudu
ba mina no gas, mineral, Bee rai okos, jeotermal, jeotekniku no seluk tan. Enjeral geofisika ne’e
rasik iha grupo metodu boot rua mak hanesan metodu seismiku (estudu hare liu mina no gas) no
metodu nonseismiku (estudu ba mina no gas, mineral, Bee rai okos, jeotermal, jeotekniku no
seluk tan. IPG rasik iha ekipa geofisika nebé maka halao ona estudu sira iha area hirak ne’e. Iha
estudu geofisika ne’e mos sei liu husi etapa tolu mak hanesan etapa akuisisaun dadus, prosesu
dadus, no interpretasaun & modelajen dadus geofisika.

Hahu husi fulan outubru tinan 2020 – Novembru 2022, ekipa tekniku IPG halao ona
estudu geofisika iha teritoriu Timor – Leste laran ho metodu resistividade ho objetivu atu
identifika potensia aquifer iha rai okos. Estudu ne’e halao tamba maioria
komunidade/populasaun iha area sira ne’e sidauk asesu Bee-mos ba nesesidade loroloron nian.
Resultadu estudu sira ne’e mos konsege halo ona perfurasaun iha fatin balun no hein parte
relevante kontinua halo servisu balun atu nune’e bele kanaliza ba populasaun hodi nune’e bele
asesu. Ekipa tekniku IPG mos sei kontinua nafatin estudu refere iha area sira nebé
komunidade/populasaun persija asesu ba Bee-mos.

Husi estudu resistividade ba identifikasaun potensia aquiferu iha Teritoriu Timor – Leste
laran ne’e, ekipa tekniku geofisika halao no remata ona iha etapa boot rua maka hanesan etapa
akuisisaun dadus no prosesu dadus. Etapa importante ida nebé ekipa tekniku sidauk konsege halo
no finaliza mak etapa modelajen no interpretasaun dadus geofisika. Tamba koinesementu husi
ekipa nian sidauk too iha etapa ne’e.

Ho kondisaun ne’e, ekipa tekniku husu atu fo kapasitasaun ka treinamentu iha area
modelajen & interpretasaun dadus geofisika atu nune’e bele halo no finalize dadus hirak nebé
ekipa rekoilha ona husi kampu iha teritoriu Timor – Leste laran ne’e.
B. Objetivu
Proposta treinamentu ne’e rasik ho nia objetivu prinsipal balun mak hanesan tuir mai ne’e:

 Atu hasae koinesementu no kapasidade teknika nian iha area modelajen dadus geofisika
nian.
 Atu halo modelajen 2D no 3D ba dadus geofisika husi estudu potensial aquifer nian atu
nune’e bele identifika lokalidade no distribuisaun potensia aquiferu iha rai okos.
 Atu halo mos modelajen 2D no 3D ba dadus geofisika husi estudu relevante sira seluk atu
nune’e bele identifika informasaun relevante iha rai okos.
 Atu hatene diak liu tan kona ba interpretsaun dadus geofisika ne’e rasik.

II. EKIPA
Ekipa tekniku IPG sira nebé maka sei tuir treinamentu refere ne’e kompostu husi ekipa
tekniku Geofisika no Estudu petroleum estudu petroleum regional (GEPR), ekipa Hidrojeolojia
no ekipa Sistema Informasaun Geografia no Remote Sensing (SIG-RS) ho lista kompletu maka
hanesan tuir mai ne’e:

No Naran Posisaun Ekipa/Divizaun

1 Anacleto Pereira Geophysicist GEPR – Task Force

2 Domingos da Silva Geophysicist GEPR – Task Force

3 Leonisia da Silva Carvalho Geophysicist GEPR – Task Force
4 Marcelo Caetano Valencia Geologist GEPR – Task Force

5 Johanes D. da Costa Barros Geodetic SIG-RS - DIG

6 Jonas Sambi da Costa Amaral Hydrogeology - DHRM

Geologist
7 Amandio da Silva Hydrogeology - DHRM
Geologist
 III. FATIN NO TEMPU TREINAMENTU

Treinamentu ba modelajen dadus geofisika ne’e sei halao iha Yogyakarta Indonesia ho
Konsultant P.T. Fajarintraco hahu husi loron 3 – 11 de Desembru de 2022 ho agenda maka
hanesan tuir mai ne’e (detailhu liu bele hare iha aneksu):

No Data Aktividade

1 03 – 12 - 2022 Viazem Dili, Timor-Leste – Bali, Indonesia

2 Viazem Bali - Yogyakarta, Indonesia

04 – 12 - 2022
3 Teoria no introdusaun software inklui mos interpolasaun
05 – 12 - 2022
Konstrusaun 3D modelling ba dadus resistivity no IP ho software
4
06 – 12 - 2022 rockwork

Konstrusaun 3D modelling ba dadus resistivity no IP ho software

5
07 – 12 - 2022 rockwork

Konstrusaun 3D modelling ba dadus resistivity no IP ho software

6
08 – 12 - 2022 oasis mantaj

Kalkulasaun volumetrika, dijitasaun no korelasaun ho software

7
09 – 12 - 2022 discover mapinfo

8 Viazem Yogyakarta – Bali, Indonesia

10 – 12 - 2022
9 Viazem, Bali, Indonesia – Dili, Timor-Leste
11 – 12 - 2022
 IV. ESPEKTASAUN DEPOIS DE TREINAMENTU

Estudu nebé maka ekipa tekniku halao ona maka hanesan etapa akuisisaun dadus
no prosesamentu dadus.

1. Akuisisaun dadus geofisika

Etapa akuisisaun dadus geofisika iha kampu ne’e ekipa halao ona kuaze iha teritorio
Timor laran.

2. Prosesamentu dadus geofisika

Servisu prosesamentu dadus geofisika mos prosesu ona.
3. Modelajens dadus geofisika no interpretasaun
Too agora sidauk bele halo modelajen ba dadus geofisika sira nebé mak rekoilha ona husi
servisu kampu tamba menus koinesementu.

Espektasaun depois treinamentu:

Iha treinamentu ida ne’e, ekipa tekniku sira iha espektasaun katak bainhira treinamentu
remata no mai fali servisu fatin: Ekipa iha ona koinesementu no kapasidade atu bele halo
modelajen ba dadus geofisika inklui interpretasaun. No ekipa mos bele hahu halo modelajen ba
dadus geofisika husi estudu resistividade ba identifikasain potensia aquiferu iha teritoriu Timor-
Leste laran nian no dadus relevante sira seluk hanesan iha exemplu okos ne’e.

Exemplu modelajen dadus geofisika tuir espektasaun

 V. KONKLUSAUN
Iha proposta ne’e, ekipa tekniku sira hakarak foti konklusaun katak:
 Teritoriu Timor-Leste laran, area barak los maka komunidade/populasaun sidauk asesu
ba Bee-mos no IPG sei kontinua nafatin estudu ba potensial Aquiferu no halo perfurasaun
iha area identifika sira.
 Ekipa tekniku sira hahu estudu ba identifikasaun potensia aquiferu ne’e iha fulan outubru
2020 – Novembru 2022. Husi estudu ne’e ekipa hakat liu ona etapa akuisisaun no
prosesamentu dadus. Ekipa sidauk bele halo modelajen ba dadus refere tamba sei menus
koinesementu.
 Espektasaun ekipa tekniku depois treinamentu remata maka bele halo ona modelajen
dadus geofisika.

VI. REKOMENDASAUN

Ekipa tekniku mos hakarak fo rekomendasaun ba IPG no Jestor sira katak bele aranja ka
sosa dadauk ona software relevante sira hanesan rockwork, oasis montaj no Discover mapinfo
hodi nune’e ekipa tekniku sira bele uja ba modelajen dadus geofisika nian.