BAXARON CUATRO ALLERANOS

Al Carmen de Villareyu
vinieron Pin de Piñeres,
Xuan Collanzo, Pepe Nembra
y el fiyastru de Mercedes,
con ganes de cortexar,
pos Santullano tién neñes
como rosines de guapes;
sólo per falar con elles
BAXARON CUATRO ALLERANOS
Y LOS CUATRO DE MADREÑES
Pel camín dioyos la fame
-son toos illos de bon diente-,
y caltriando que famientos
non hay romería que preste,
enantes de La Pedrera
quisieron xantar caliente
Y EN SANTULLANO PIDIERON
FABES, TOCIN Y MORCIELLES.
Y a los cuatro rapazones
que’n Santullano de Mieres
dexaron plantaes les moces
per la culpa de’un hinchente,
sacarónyos un cantar
en el prau de Les Almenes,
 y anque fai abondos años
en tá lu canta la xente
pe’l camín de La Revuelta
al regresu de les fiestes:
BAXARON CUATRO ALLERANOS
Y LOS CUATRO DE MADREÑES
Y EN SANTULLANO PIDIERON
FABES, TOCIN Y MORCIELLES.