REZOS DE LOS 16 ODDUN DE IFA BABA EYIOGBE Alokuye ire mowade abata butu aye eru oshe bamu

obaraniregun iru obatala ogboni asifafun bogbo orun bogbo lowo eshu oma atotolo ole afekan adifafun obatala oshereigbo obi itana ambiama eyele medilogun elebo. BABA OYEKUN Adifafun shango oyiyi opon ella tutu ekuado ella tutu eyigumekun aruye otenureaye aiye conye aiku ofo arun iku opa ni egungun koponi shango koponi olofin ella batuto umbo waiye sekun odara lodafun shango ella omolorun kaferefun oleye kaferefun olofin. BABA IWORY Lligui lligui moyo odafun coco umbatolo lloda loda boro que que omo longo ordafun llonillo orda balasa ordiyo ordere balasa ordere ebo hierba meta que que metaena ana tuto un eko. BABA ODDI Ashama aruma kodima iku, kodima shukur kur kiele biti kogoyale ni abiti adifafun aye omo oni yegan aikordi elebo. BABA IROSUN Olokun apantarita bebe oyoroso iroso Olokun oshe gbogbo mo iye tutu Eleguere ni meyi kokolo loshe yewa lowa orisa shango duque. BABA OJUANI Iku faba nichel ewe lebe muona ofan chododo aye perefun obere ibo focun choma oni bebe elegua elle agrio iba orogun ni moni a un babalawo adifafun akitipa manforo sile aquitipa. BABA OBBARA Ifa oni lara alagbara elle ara quikate awo falode tinche eyeye acha Orunmila lorugbo eure aikordi eyele elewede medilogun eku ella epo. BABA OKANA Chacutu mallaguala alleta acuse awo lodin achawa eda churre omi dudu badudu oni fun fun alanerse baniso. BABA OGGUNDA Oguna siro owayolokun ashanla biriniwa abatala, obataisa jekua oba odobaleni ogun orire y olorun oshosi Ogunda meyi eyeni eye oraruma okualorun obara layuna tiwa Elegbara awalawa olowu shiwosi Orunmila kaye wario orun Maferefn oduduwa orugbo. BABA OSA Baba buruburo babacoche choco efan aba abragan omo ami inu adie obapa cacara orun collima sile anibana adifafun oque nibate olofarosofalowo onibana.

BABA IKA Igualloco owoeo oco omo abebe meyi arontocheara ara lodafun omo alabo allebanaotrun bogbo osin laro oco lera bieco oro quin orosa kaferefun elebut. BABA OTRUPON Oloro toroche eni lay choro isi ololan ifa dere nichoro Eggun aquilipide awo eni bana lote ifa dere ni ifa oluwo guani Oyugbona gem. BABA OTURA Ifa kuako inle awo ni kuako adifafun imale sala malecn, malecun sala olorun angare ina tutu feleye ina tutu osara olorun arere erereo ina tutu kakase mafayo kuakuao ni kuakuao adifafun imale Orunmila lorugbo. BABA IRETE Eyelemere, akore ayare eyelemere ladifaya, eyelemere awarei feniche ki ifa aye adifafun Orunmila oshun ati apoyore akolomere akuoroye omoni oshun Orunmila oni barabaniregun mo ifa oni awo akolomere Orunmila lorugbo. BABA OSHE Moloku tiche oche baba, oche moloku awariye moloku adifafun oshun oche aladeye oni barabaniregun ifa moloku chinche oluwo Orunmila awo ni ifa mayeo oche moloku warilona elewede teyeba elegba moloku kerebaray oche osun. BABA OFUN Orunla Adifayoco adifafun obatala igua omo erun orugbo collamoro ache obatala tara oque ogualli guallu ciute kola morco cafeque.