Oraco ba Paz iha

Rai Timor

G: Nai Maromak be halo ona Lalehan
no rai
Sasan tomak mai hosi Ita nia liman
mesak deit.
Nunee mos Ita halo ona rai Timor,
Fatin ami nia moris no halo ami
knaar.

H: Ami hatene katak terus no susar
tan funu
Liu tiha ona, ami moris ona iha
nasaun ida
Independente, maibe ami sei sente
todan
Atu fo perdua lolos ema nebe halo
sala mai ami.
La hatene wainhira los foin ami bele
simu malu
Lolos no moris iha paz no hadomi
malu teb-tebes.

G: Maromak Aman laran luak,
Maske la hatene saida los mak sei
mai iha ami nia oin,
buat ida deit mak los duni ona ba
ami
Katak: halo tuir ita nia hakarak iha
rai nee
La dauk halo ema ida neon sala
Tan nee, ami buka hamutuk atu
dame malu nafatin,
halo netik diak ruma ohin no aban
bain rua,
ba ami moris iha Rai Doben Timor
Lorosae nia laran.

H: Nai, iha Ita-boot futar ohin, ami
kbiit laek, ami folin laek
Ami haraik-an ami harohan:
Haruka ita nia Espirito, mai leno ami
neon
Atu buka dalan diak, be hari iha lia
los,
iha justica no iha domin leten halua
rai odio,
fo perdua ba malu, moris nudar
maun-alin.

G: Nai, tahan Timor oan sira keta
oho malu tan
Sori feto faluk sira, tau netik matan
ba oan kiak sira,
Nai, halo ami hanoin no hakarak deit
povo tomak nia diak
Halo ami lolo liman ba malu,
kahe kabas ba malu hari nasaun
Timor Lorosae.

H: Nai Aman Santo,
Ita-boot haraik nafatin perdaun.
Ami fiar metin iha ita laran sadia,
Maske dala wain, ami la tuir Ita nia
Ukun-fuan
Ita-boot la hadok-An husi ami.

G: Nai, Aman Laran kmaus
Haraik povo rai doben Timor
Lorosae,
Tempo diak fo damen ba malu
Haraik graca atu tuir Espirito Santo
Hahalok bele fila ho laran tomak ba
Ita-boot
Hodi moris iha Cristo, vida foun ida
no serbi lolos ba maun-alin sira.

H: Nai Feto, Moris hahu-an sala laek
Timor nia Liurai Feto.
Ami rahun diak, ami nia esperanca
Ami husu deit ba Ita-boot
Harohan ba Nai Maromak mai ami
Atu bele hetan Jesus Cristo nia
rahun diak.
Amen.


Nain Feto Aitara no Rame-Lau
Harohan mai ami.