1 Bara igi gabe Yesu Kristu, Al Kuru Urmi gote bara fudinde goyen mi ure tihim.

2 Be, Al Kuru bele Urmi mere iryi goyen mere basa almi porofet kura Aisaia bele asade gahade kayyi: Mete alne te kermeke mehe he kuye. Kube belege kerde gunye. 3 Sawsawa po kuru naa bana go al kura forok yebe alya bereya bele Doya Al Kuruyen mere nurde gama ird ird ni dufay gitik te te ge gahade kuware tagalde hiye: Doya Al Kuruyen bele kerna. Belemi sope irde huwa irna, yiri, yiti hi. 4 Nigeb Yon Baptaisbe sawsawa po kuru naa bana forok yebe alya bereya baptais yirde saba tagalde hinhin. Sabamibe gahade: Mata buluti yubul te Al Kuru ni biti mulga hena. Irkeb Al Kuru bele mata buluti halde dunke baptais tenayi, yine hinhin. Mark 1:1-4