TECNICO EN

FARMACIA

Área: Lengua, Literatura y sus Tecnologías Disciplina:

Guarani Ñe’ê ha Iñe’êporâhaipyre

MBO´ESYRY: Peteïha

ÑeE´ËRÄ (Tema): Mombe’urã, ñehesa’ỹijo ha ñeikumby “Aña ome’ẽ chéve

jopóipe che mbarakarã”. Ohesa’ỹijo mba’emba’épa omoñe’ẽ mombe’urãme.

OJEHUPYTYSÉVA (Capacidad): Ohesa’ỹijo mba’emba’épa oguereko hetepýpe

ko mombe’urã, mba’épa pe omombe’úva ha mba’eichaitépa oĝuahẽ ichupe pe
oje’éva mombe’urãme.

TECHAUKAHA (Indicadores):

 Ohechakuaa oje’éva jehaipýpe.

 Oikuaa mba’eichagua jehaipýpa.
 Ombohetave ñe’e guarani oguerekóva iñapytu’ũme.
 Oheka marandu oikotevẽva internet-pe.

TEMBIAPO:
1) Ojepy’amongueta:

 Mba’eichaguápa pe haipy retopáva?

 Mba’e oñemombe’u upépe?
 Añeteguápa terãpa japu pe oñemombe’úva?
 Mba’éichapa reñeñandu remoñe’ẽnguévo ko mombe’urã?
 Pévapa, mba’embyasyrã, pukarã terãpa mba’eichagua ko mombe’urã?

2) Ehai mba’epa he’ise karaiñe’ẽme:

Visión: Institución que brinda educación integral de calidad basada en valores éticos y democráticos, que promueve la participación, inclusión e
interculturalidad para el desarrollo de las personas y la sociedad.
 TECNICO EN
FARMACIA

Misión: Garantizar a todas las personas una educación de calidad como bien público y derecho humano a lo largo de la vida.

 Takuru =
 Luisõ =
 Kichiha =
 Ñumbuku =
 Nerundiharã =

3) Ehai pe karaku kuete reikumbýva mombe’urãgui.

4) Eñembokatupyry guaraníme ñemoñe’ẽme ko mombe’urã.

5) Emombe’u jey nderogaygua kuérape.

PAPAPY: Irundy kytä.

Visión: Institución que brinda educación integral de calidad basada en valores éticos y democráticos, que promueve la participación, inclusión e
interculturalidad para el desarrollo de las personas y la sociedad.
 Mbo´esyry
2ha.
Bachillerato

Misión: Garantizar a todas las personas una educación de calidad como bien público y derecho humano a lo largo de la vida.

Mombe’urã japu nde’áva:

Péa ha’e mombe’urã osẽva aranduka Papíto Franko rembiasakuégui. Papíto

Fránko ha’e peteĩ karai ijapuetereíntemava, omombe’úva umi
jaguerovia’ỹ vaerãichagua, ha katu ha’e pe ijapúreheve avavépe nombyaíri.
(Extraído del libro “Papito Franco Rembiasakue”, historia de un señor
que sufre mitomanía o fabulación. Se pasa la vida mintiendo pero sin
perjudicar a nadie.)

Aña ome’ẽ chéve jopóipe che mbarakarã:

Ajumi ningo peteĩ pyhare pyte rei serenatahágui, che mbaraka

che’apérehe, ha ahasa vaerã peteĩ ñumbuku. Aikemívo pe ñũme osẽ
chéve peteĩ vaka ñarõ, ndaipóri moõpa aike ni ajupihaguã ichugui, upémaramo
ajere ichugui petei takurúrehe, chekutútantema voi, upémaramõ
añembohyevã ha aikuapytĩ ichupe chembarakápe, amonde pe iñakãrehe
la che mbaraka pyahuete, upéa ogueraha ichupe hi’arkoláo, ndohechavéi
hape ha katu ohoite, ahendu ipu ohóvo la che mbaraka pe ñanandyvaíre,
guaránia porã ahendu ipu. Apyta amañaaa aína cherovayva ku kavaju
rekaháicha, isymanóvaicha ningo ambyasy la che mbaraka, upéi…
añembojere aju, chetĩndy, ndavy’aieterei, chenambi’a, chepirejepokapa,
upéinte aikévo peteĩ ka’aguy’ípe tapepo’írehe, ha ñasaindy pere
peréko,
upépe ahecha peteĩ oúva hína oñuguãitĩ haguãicha chendive,
ndaikuaái kuñápa terãpa kuimba’e, ha katu ndaha’éi mymba,
apytalénto che ha upépe oñe’ẽ chéve la oúva hína, chemboryryipa pe iñe’ẽ
ha’ete voi arasunũ pe ahendúva: Ndéiko Fránko he’i chéve; - “ Haaa, en
cuerpo y alma chamigo” ha’e ichupe, ha he’i chéve: ahecha chamigo
nderevy’aieterei rejúvo, nanembarakavéi, aikuaapa la oikóva nderehe
ha upéare aju nerendápe, ha péina ame’ẽ ndéve peteĩ jopói, upéa he’ipávo
ha’ete ku ipirekuágui oguenohẽva peteĩ

Visión: Institución que brinda educación integral de calidad basada en valores éticos y democráticos, que promueve la participación, inclusión e
interculturalidad para el desarrollo de las personas y la sociedad.
 Mbo´esyry
2ha.
Bachillerato

Misión: Garantizar a todas las personas una educación de calidad como bien público y derecho humano a lo largo de la vida.

mbaraka hũveráva, omimbi pe ijape, ipyahuete, ha chepojáivo ha’e ichupe:

- Ndéiko ava hína, ha… Aña katu hína che, he’i chéve, añakaramã pe
mbarakárehe, añatõi ha ipuporãitereíntema niko, ha che ahajeýma,
pearãiténte aju Kuri nerendápe he’i, ha ha’ete ku opareínteva,
ndahechái mamógotyopa ojapi, aju ógape, avy’a chembaraka pyahu
porã reheve, namombe’úi avavetépe pe oiko vaekue. Upe ko’ẽme, pe
pyhare voi roho Kambálondive, serenatahápe jeýma, peteĩ kuñataĩ porã la che
kichiha, Nolvérta hérava (Véta oje’e ichupe), ndorotopái avavépe hógape,
oho ikuái ra’e loteriahápe, ha upémaramo roho avei ore upépe, sapy’amínte
roĩve ha upéi roju, orereta rojúvo. Upéinte: Hesu chedio he’i peteĩ
kuñakarai oúva avei
orendive, Hesu chedio he’i avei ambue, pero Hesu chedio he’i he’i jey
pe kuñakarai; nimbo che andyvu tata ajúvo hína ra’e, pe chenambi
oñepyrũ okakuaa, ha cheraguepaite, oikomo’ã chehegui Luisõ, ha che
mbaraka katu ipu ha’eñorei pe che’apérehe oúvo. La che kichiha sy
itupao ha iñembo’ese, he’i chéve péa pe mbarakápa mba’éicha guare,
oiméne aña mba’ekue hína ha ha’e ichupe: oiméne upéicha,
atopánte voi Kuri peteĩ ka’aguýpe, ha he’i chéve: péagui nde rejei vaerã,
péa nerundiharã. Upémaramo aheja jey peteĩ empaláo ári, opyta ipuuu
upépe hína; oiméne ou ogueraha jey raka’e pe Aña, terã katu oime vaerã
máã apéreherepa ipu oikóvo ha ombotavyraite pe itopaharépe.

Merardo Benítez.

Visión: Institución que brinda educación integral de calidad basada en valores éticos y democráticos, que promueve la participación, inclusión e
interculturalidad para el desarrollo de las personas y la sociedad.