SISICHAMANTA

Huk kutis huk sisicha hatun mayuta chinpayta munasqa. Chaysi

chakata mana tariyta atispa huk sacha rapipi chinpayta qallarisqa.
Ña rapi puririchkaptinsi, huk kurucha rikurquspa nisqa:
- manam sacha rapillapiqa kay hatun mayu chinpaytaqa
atiwaqchu. aswanqa haku kusi kusichapa wasinta, paymi
yanapawasunchik, nispa.
Hinaspa kusi kusichapa wasinta risqaku. Payqa llikatas
awachkasqa.
- kusi kusicha hatun mayuta chinpayta mana atinikuchu, ¿manachu
yanapariwankikuman? -nispa kuruchaqa nisqa.
Kusa, kusa, haku, arí, chayqa qamkunawan kuska llamkarqusun – nisqa kusi
kusichaqa.
Chaysi, kimsantinkumanta, mayu patapi qurakunata arwispa, kusi kusipa
llikanmanta chaka rurayta qallarisqaku.
tukuchayninpi chakata tukurquspataqsi, sisichaqa hatun mayuta chinpasqa.