Summary: Libat

Este el storya del un mareng que ta keda na lugar del Liloy na Zamboanga Sibugay nombrao si
Carlo hunto con el de suyu nobyo si Ronie. Ya conose si Carlo con el de suyu nobyo na de suyu
uban porcaosa amo este marido del de suyu uban. Condo ya keda este pilay ya deha este con
Ronnie poreso si Carlo ya el ya bisya con este asta ya keda sila. Un dia, dia de amor si Carlo ya
pensa prepara paborito comida del de suyu amor si Ronnie poreso este amo ya anda na tiangge.
Condo ya llega na tiangge ya mera este con el maga hente ta re con el dos bata si Rodel y Dotdot.
Ya atraka este con el dos bata y ya sabe ele cay ta prekura lang estos bende Duling Pescao, poreso
ya pensa ele ayuda con estos. Ya habla si Carlo con el maga hente ta bende pescao cay el duling
pescao que ta bende si Rodel y Dotdot amo quiere quiere el maga tsino cay ta kura este hapu.
Porcaosa na cosa ele ya habla ya puede siempre bende si Rodel y Dotdot con el de ila duling pescao.
Ya puede ya tambien si Carlo compra el cosa le necesita poreso este ya bolbe ya. Ya llega na casa
tiene ya cosido comida, ya cusi si Ronnie para con Carlo. Ora ta come sila ya llega el amigo di
Carlo si Tong amo este el ya habla el impormasyon porcaosa na meeting que ta planya si mayor.
Cay amo gale ta pensa si mayor el maga mareng el rason porque ta queda duling el maga pescao
y porque ta quieda otro costumbre el maga hente na San Jose. Akel mismo noche ya saka con Carlo
el maga pulis na de ila casa cay este daw mareng. Ya ase preso con Carlo hunto kel maga mareng
na lugar para na plano ase con estos hombre ole. Nohay tarda ya puede siempre sale si Carlo y el
maga mareng porcaosa na maga mojer que ya anda man sugod na presinto. Despues na cosa ya
caba pasa ya kore y ya gana kanditura si Carlo y Tong para Mayor y Konsehal.