Awe nos ta ban papia
di ekonomia.
Di e problema di nos tur den nos ekonomia.
Plùs di posibel solushonnan pa nos tur den
ekonomia.
Kiko ta ekonomia?
Den e forma mas básiko, ekonomia ta kuminsá
na un transakshon di kompra i benta di produkto
i servisio ku ganashi entre 2 persona. Si Boy
tin un kashi, i e bende esaki ku Elsí, bo tin un
transakshon ku ta parti di nos ekonomia. Hopi
transakshon i kompra i benta di produkto i
servisio huntu, ta forma un merkado.
Nos tur – pues abo i ami - ta forma parti di
ekonomia komo bendedó òf kumpradó. E
komersiante ta invertí su plaka den un negoshi i
ta bende su produkto ku ganashi pa e por kubri
su gastunan.
E trahadó na su turno ta bende su labor,
prestashon i konosementu ku su dunadó di
trabou i ta wòrdu pagá pa esaki den forma
di salario. Ke men pa un ekonomia drei bon,
mester tin sufisiente kumpradó; pues, hendenan
ku ta traha i gana un salario. E salario aki ta
representá su forsa di kompra, ku otro palabra
kuantu e tin disponibel pa kumpra kos serka e
negoshi, ku ta e bendedó.
Den kaso ku e kumpradó ta pafó di frontera di
Kòrsou, esta den eksterior, e ora ei nos ta papia
di eksportashon. Eksportashon ta hopi benefisio
pa un pais pasobra e ta generá devisa (o sea
plaka stranheru) ku nos mester pa kumpra i paga
pa produktonan ku nos ta kumpra den eksterior.
Pues, produkto i servisionan ku nos ta importá
(pues, ku ta bini di eksterior, p.e. den pasado
sektor di servisio finansiero, refineria i turismo
tabata nos pilarnan mas fuerte di eksportashon
di produkto i servisio, i ku tabata generá hopi
entrada (o sea plaka stranhero) pa nos pais.
Kiko ta ròl di Gobièrnu den un
ekonomia?
1) Gobièrnu ta pone regla pa e manera ku
ekonomia ta funkshoná atrabes di lei (p.e.
leinan laboral) i tambe pèrmitnan pa hasi
negoshi.
2) Gobièrnu ta kobra belasting for di kumpradó
(omzetbelasting i tambe loonbelasting riba
su salario) i gobièrnu ta kobra e bendedó
impuesto riba ganashi (winstbelasting)
3) Ku e entrada di belasting Gobièrnu tambe
ta:
1. kumpra produkto i servisio for di merkado;
2. ta invertí sèn bèk den infrastruktura, kaya,
enseñansa, polis, ambulans, etc.
Den un ekonomia ku ta drai bon, e kumpradó –
despues di paga belasting – ta sobra sufisiente
sèn pa e por kumpli ku su nesesidatnan
manera e.o. kumpra produkto i servisio serka e
bendendó. E bendedó na su turno mester haña
sufisiente entrada pa motibu ku tin sufisiente
kumpradó ku forsa di kompra pa e na su turno
por paga e trahadó un suèldu honrá. E gobièrnu
na su turno por kobra belasting na midí pa
paga su trahadónan, otro gastunan plùs invertí
den kaya, infrastruktura, enseñansa, barionan,
etc. Asina e sírkulo di ekonomia ta drei den
kua tur partispante ta dependé di otro pa nan
entrada, sea ta ganashi òf salario. Pa e último
20 añanan e sírkulo den nos ekonomia den kua
nos tur ta partisipá a bini ta swak, bai atras i
desbalansá. Nos ekonomia no a krese ya ku
e sektornan di refineria i sektor di servisionan
finansiero ku tabata trese hopi devisa – plaka
stranhero - a baha drástikamente. Ami, Jeanette
Bonet nr. 2 riba Lista di Partido Democraat, ku
mi eksperiensa di hopi aña den komèrsio ta
determiná pa stòp e sírkulo negativo i di retraso
di nos ekonomia ku ta kousa hopi hende sin
trabou i sufisiente entrada ku ta resultá den
un bahada den kalidat di bida di nos YDK i
nan famianan. I esaki tin mi hopi prekupá i ta
urgente pa nos bòltu blachi i kambia rumbo di
nos ekonomia pa abo i ami plùs nos yunan tin un
mihó futuro.
Kiko ta Partido Democraat su Agenda
21 pa transforma ekonomia?
Loke mi ta bisando ta: Bo no por keda hasi e
mesun kosnan i spera resultadonan diferente.
Esaki ta hustamente e motibu ku Partido
Democraat a bini ku Agènda 21 i lansa esaki na
yanüari 2021.
Agènda 21 ta kibra ku e rumbo negativo di nos
ekonomia. Agènda 21 ta fiha pensamentunan
nobo di siglo 21 pa implementá un
transformashon di nos ekonomia. Un rumbo
nobo den kua: 1) hende, 2) produktividat, 3)
ekonomia, i 4) nivel di bienestar ta para sentral
i ku ta duna komo resultado Kresemente di
nos Ekonomia, kuponan di trabou nobo i
kresementu di nos forsa di kompra i kresementu
di nos reserva di divisa. Pues, un aserkamentu
diferente i inovativo den kua abo i nos tur
benefisiá. Den Agènda 21 no ta gobièrnu ta
para sentral riba e rumbo nobo, pero abo, e
hende, esta e habitante di Kòrsou. Transformá
ekonomia ta nesesario i ta enserá, ku gobièrnu
i parlamentu nobo mester pasa leinan moderno
di forma aselerá i brinda insentivonan pa
negoshinan ku ta basá riba i ta konektá ku
desaroyonan ekonómiko mundial di siglo 21
(mira paragraf ekonomia despues di esaki). Esaki
ta konta tantu pa negoshinan lokal i negoshinan
internashonal ku ke invertí na Kòrsou.
Agenda 21 ta kubri transformashon di
enseñansa?
Huntu ku un plan pa un ekonomia moderno di
siglo 21 mester pone mas énfasis pa nos traha
riba un enseñansa di siglo 21. Dikon? Pasó
manera mi a trese dilanti un ratu pasá, e trahadó
den un ekonomia ta bende su konosementu,
eksperensia i labor i ta risibi un salario – un
entrada – pa esaki. Konosementu ta mará na
eseñansa. Mas mihó eseñansa i konosementu
e trahadó tin mas haltu su produktividat i mas
entrada na suèldu e por generá pa e i su famia.
Gobièrnu na su turno mester fasilitá imigrashon
(kresementu di nos poblashon ku personanan
di edukashon medio i haltu) pa yuda desaroyo
di komunidat i pa asina nos reparti gastunan
riba mas skoudernan den nos komunidat pa
asina aliviá e peso riba bo skoudernan. Ademas
Gobièrnu mester eliminá tur opstákulonan ku ta
stroba e sirkulo ekonómiko.
Gobièrnu mester ta stabil i manehá su
gastunan na un forma responsabel i efisiente
pa kobra impuesto moderá pa asina abo i
ami i negoshinan por sobra mas sèn den nan
saku i asina nos ta bai tin mas forsa di kompra,
2 Jeanette
BONET
pa spar i tin un mihó provenir. Covid 19 a
kousa un “reboot” – un asina yamá reset den
ekonomia mundial. Tur pais na mundo aworaki
ta pensando kon nan ta bai dil ku e normal nobo
ku nos ta konfrontando.
Ta hopi nesesario pa nos na Kòrsou kuminsa
stimulá industrianan moderno siglo 21. Den
e industria moderno siglo 21 ta resaltá 4
terenonan nobo:
• Industria digital
• Industria green / duradero, pa kombati
kambio di klima (climate change). Pues,
industrianan ku ta tene kuenta ku desaroyo
balansá ku ta tene kuenta ku e hende, nos
planeta i ganashi.
• Industria di teknologia i konosementu i
tambe inteligensia artifisial (IA)
• Industria di servisionan di siglo 21.
Partido Democraat ta konvensí ku no tin otro
opshon pa Transformashon di nos ekonomia
ku mester ban traha di forma duru, kreativo
i determiná pa krea lei nobo ku ta forma un
plataforma nobo di siglo 21 pa asina nos por
atraé i stimulá e industrianan nobo aki pa Kòrsou
por krea kupo di trabou nobo i mihó pagá i ku
ta generá mas entrada i divisa pa nos pais. Nos
Por!
Kiko Jeanette Bonet ta bai hasi pa
transforma i fortifiká nos ekonomia?
Ami, Jeanette Bonet lo bai para duro pa bini ku
un “economic recovery plan” en kolaborashon
ku COHO den kua e gobièrnu i parlamentu
nobo ku Partido Democraat aden lo tuma
insiativa pa traha lei nobo dirigí riba industrianan
nobo, pero tambe pa sirbi komo estímulo pa
negoshinan eksistente floresé.
Ku bo voto hinka Partido Democraat den
parlamentu i gobièrnu nobo nos lo adaptá
sistemanan di belasting, bini ku edukashon
siglo 21 pa nos hendenan por traha den e
industrianan moderno siglo 21 i gana bon
suèldu manera Kòrsou a konosé den tempunan
di bonansa di e gremio di servisionan finansiero
i refineria.
Komo ehèmpel di industrianan nobo siglo 21
nos por menshoná:
• Desaroyá Kòrsou komo sentro internashonal
di Enseñansa
• Desaroyá Kòrsou komo sentro internashonal
di Teknologia i Digitalisashon moderno
• Desaroyá Kòrsou komo destinashon Turístiko
spesialisá i di klase haltu
Esaki i muchu mas ta loke ami Jeanette Bonet
nr. 2 riba Lista di Partido Democraat ta
determiná pa bai hasi komo parti di Agènda
21 pa liderá e movementu pa transformá nos
ekonomia pa unu di siglo 21 den kua ABO ta bai
haña òf mantené trabou, bai dilanti i logra un
mihó nivel i kalidat di bida. Aña 21, Elekshon 21,
ta Partido Democraat bo mester vota pa asina
nos por ehekutá Agènda 21 na bo bienestar.
PARTIDO
DEMOCRAAT LISTA #6