LAS DROGAS Babelnayi chin tiyoxhli te yet he yamanil yinh hune sahkal ti han, hinbih han ha Candelaria del

Rosario Silvestre Camposeco. Yinh hune qinale ti xhwixma te xol hune abix kaw syilalil yeyi, hune abix ti ha yibanhiloj hej howla tzetet chetantoj konimanil boj konabal,yinh stzoti wes DROGA challax yinh, yuxin oxhimi he hunil che yabe ninoj tzet xhwala ti han. Hunkahan howla tzetet chetantoj konimanil ti ha sunil hej tzetet chetantoj yul ko wi yet xhtoh xol ko chikil, hakanaj te uke, te komon sik, te howla sik boj yaqbilxa hej tzetet how tet ko nimanil. Yinh hunhkahan tzayik bayayonhkoj ti kaw chok biskulal juh haxkam yul ko konhob kaw nananxanhe bay xhjil hej tzehtaj xhsikli mato chukni te uke. Hune syatajil ti kaw chakoj biskulal yinh janma haxkam etza sunil mak chanikoj hej howla tzehet ti tzehtaj to boj ay hunkahan yihla anma xa, hune ti xin chal jet ta maktaj aytoj yinh hune syatajil ti ha maktaj schibtokanh mato aytoktoj yinh kuyum. Yuh hej tzetet xhjil ti xin chin qambe te yet: Yinh he sataj che yoche ta kulnhe he yehojkoj, mach biskulal che yila? Mato Che yoche paklanhe he yekoj stilaj beh maka xhlektatoj yul he wi yuh smul hej howla ztehet xhtoh xol he chikil? -Yeli ta ko hunil xhjoche skulal jet? Ta haktu ko tanhewej konimanil boj ko qinal, haxkam ko mam jahaw kaw kulchan xonh yutekantij ya. Chin qan teyet ta chex ok tuknuj kat he yanitoj he nabal tzet bay chex apnikoj ta chex to yul sqab hune syatajil ti, haxkam ta chex aykay yinh te sik, te howla sik, te uke maka hunujxa tzetet chuh yetantoj he nimanil, biskulal cheh yaha te yet boj tet hemam hemi. Haxkam yet xhlektatoj yul swi anma yuh hej howla tzehet ti chok maqwal makato chuh yapnikan spotxo hunuj anma mach smul. Ta maxhto hunekoj cha wable hej howla tzehet chuh yetantoj ha nimanil ti chin qan ta wet ta mach hunekoj cha wable, haxkam tonhe chetatoj ha nimanil kat yanoj biskulal tet mak chach ocheni. Tijab yinh ha kul ta cha xahannhe hamam hami kul spaj cha wiha. YUCHANTIYOXH