Sketch

Escena:
mei mei di e esena e letrea nan : MI LO BAI. Pone un oloshi grandi ku por move ku su tekla nan, 2
angel adulto para den un skina pega ku e oloshi grandi, forma un semi palasio ku tela I stoel nan. 2
hoben ta drenta kombersando.

Celestina –
Braulio –
Angel 1 –
Angel 2 -
Claudia –
Beto –
Luis -

Celestina: He e wak e oloshi ku ta marka ora ei..parse ku no falta masha pa e tempu di fin.

Braulio: No worry tempu ta bai masha slow mes ju.

Angel 1: hmm…ta parse manera e “klokwijzer” ta bai slow noh? Pero no laga bo wordu enganja pa
loke bo wowo nan ta mirando.

Braulio: pero ta parse manera e tempu di fin lo bai tarda basta.

Angel 2: mi kerido amigo nan, e tempu di fin ta mas serka di loke boso por imagina. Miho bosnan bin
I drenta awor ku ainda bosnan ta na tempu.

Celestina: hmm bon idea berdad. Miho nos drenta aworaki ku nos tin tempu pa prepara nos mes (ta
wak su amigo) ki bo ta pensa?

Braulio (pensativo): hmmm… mi no sa bo sa… paso ainda mi lo tabata kier a diberti un tiki mas.. wak
televishon. Mi ta kere miho nos warda un tiki mas.

Celestina: ma bon.. bo no a skucha ku nos no tin masha tempu mas??? Wak e oloshi, ta parse
manera e tempu ta aserkando. Miho nos drenta AWOR!.

Braulio: nooo, mi ta kere ku e tempu por wanta un ratu ( ta despedi di su amigo).. te awero tin
tempu sufisiente.
( e angelnan ku kara tristu ta papia ku Celestina)

Angel 1: Mi ju Bon bini! Esaki ta e miho tempu pa skohe pa pa nos Senjor.

Angel 2: si, sea Bon Bini! Nos tin un programa special prepara pa bo I pa tur esnan ku ta desea di
drenta. E tempu pa nos reuni ku nos Senjor ta aserkando mas lihe di loke nos por imagina.

(BON BINI presenta pa e klas di Mucha)

Angel 1: laga nos ban skucha I medita riba e letra nan di e sigiente special: Grupo Martha : O Bini
tur fielnan

( un grupo di hoben (Claudia, Beto,Luis ta drenta I ta topa ku e hoben (Braulio) ku no tabata kier
drenta na tempu. Braulio ta sinta tur tristu)

Braulio: hey bon dia, unda bosnan ta bayendo??

Claudia (kontentu) : Bon dia, nos ta bayendo na e oloshi. Nos ta kere ku a jega tempu pa nos drenta.
Abo no ta bai???

Beto: si ban !

Braulio: mi amiga Celestina a invitami kaba, pero mi ta kere ku ainda falta hopi tempu prome ku fin,
mi no ta kere ta nesesario pa bai foi awoki.

Luis: mi brother hmm mi ta kere e tempu ta aserkando bo sa. No tin nada mas emoshonante ku ta
prepara pa risibi Hesus. BAN!

Braulio: e kos ta ku ja mi tabata ei nan kaba… I ja mi no sa si e angelnan lo laga mi drenta mirando ku

mi a rechasa nan invitashon e prome biaha.

Claudia: no preokupabo amigo, ainda tin lugar pa nos tur!

Braulio: serio?? Bosnan ta kere ku tin luga pa mi?

Claudia: kompolaga, Ban Braulio!

(nan tur ta kana pa bai na e oloshi, e oloshi kasi ta na puntu di marka : e tempu di fin. Un angel ta
risibi e grupo di hoben)

Angel 1: ( kontentu) Bon bini hoben nan. Ainda bosnan ta na tempu pa drenta den e famia di Dios.
(tur ta drenta kontentu)

Braulio: (pensativo I tristu) awor ku mi ta aki,mi ta pensando riba e tempu ku mi no a usa

korektamente mientras mi tabata kere ku ainda tin tempu. Usando mi tempo mirando televishon,
divertiendo, pasando riba mi telefon, no a duna mi e oportunidad di hasi bon.

Angel 1: mi amigo tempu ta pasa hopi lihe, pero si nos hasi uso di nos tempo hasiendo uso di
teknologia pa predika di Hesus, lo no ta perdementu di tempu.

Braulio: (kontentu) mi tin gana di bai I konta mi otro amigo nan ku e tempu di fin ta serka, bosnan ta
kere ku ainda mi tin tempu ku mi por bai bisa nan?

Angel 2: KLARO! Mas persona sa mas miho! Bai lihe!

Braulio: (kontentu) awel bon mi ta bai bin bek un bes!

Braulio ta Sali kore pa bai buska mas amigo nan.. e ta bai buska e grupo di muchanan I nan tur ta bin
dilanti koriendo)
Braulio: ban ban nos ta jegando, mi ta kere nos ta net na tempu! Bosnan drenta.

Angel 1: ( ku un smile) mi amigo nan, boso a jega net net na tempu! Sea Bon Bini!

Angel 2: ( ta bira kara I wak e publiko ku un trompet den su man) Ruman nan e tempu di fin a jega!
Kuantu mas ta kla pa bini?!
(angel ta kambia e wijzer nan i pone na “Tempu di Fin”)

Kantika spesial

The
End